Ŋitic. 20:24 - Ebaibul

²⁴ Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 20:24 Iomraidhean Croise

1 Ŋakiro a ŋirwa 11:18

Apotu nai ŋikilyok ŋulu arwok ŋuluuni ŋul toemaros neni a Ŋipilistin, totubo alokidiŋ, tookut ŋakipi anakare a ŋina edunyit epuke a Betelem, kiwokosi neni a Daudi. Nai abu Daudi nyemat ŋakipi ŋun; abu tobukok kiŋaren Ekapolon erae ainakinet.

Luk. 16:28

neni eya atalokaato kaŋ ŋulukan. Kicik iŋes ikes toyenut, ikotere nyepotu nakim ŋina apipilan nooi na.’

Yoa. 15:27

Irae iyes daŋ ŋisuudae kaŋ, anerae ikirukit iyes ka ayoŋ ŋinapei anakisyakinet.

Yoa. 17:4

Etoodik ayoŋ apolou kon nakwap anakirikakin etic ŋolo ikiinakinit iyoŋ ayoŋ akitiya.

Ŋitic. 1:17

Arae iŋes epei alokimar yok, anerae etiyat iŋes daŋ etic lo.”

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 13:25

Ani eapuuni Yoana akirikakin akitatam keŋ, tolimok ŋituŋa tema, ‘Itamete iyes atemar ŋae ayoŋ? Nyarae ayoŋ ŋolo idarito iyes. Emam, nai ekaku kaŋ, ebuni iŋes ŋolo nyapedori ayoŋ tari alacun ŋamuk keŋ.’

Ŋitic. 14:3

Aŋun, kiboiyoto Ŋikiyakia a nen apaki ŋina aoyan, kirworos ŋakiro ŋuna ke Ekapolon pa ekuryanito. Abu Ekapolon kiteyenu ebe erae ŋuna a kire ŋakiro ŋuna erworosi ikes, aŋuna ainakinia ikes apedor ŋinakitiyaet ŋakujuwuanisya ka ŋaumonokineta.

Ŋitic. 15:7

Ani kepeganakinosi ikes apaki ŋina aoyan, tonyou Petero tema, “Ŋikaitotoi kaŋ, iyenete iyes atemar abu koloŋ Akuj okoseu ayoŋ alokidiŋ kus alimonokin Ŋakiro ŋuna Ajokak lotuŋa ŋulu nyerae Ŋiyudayan, ikotere iirarete, tonupa.

Ŋitic. 18:5

Ani epote Silas ka Timoteo alo Makedonia, totum Paulo aayenen akeepaki daadaŋ elimonokini ka iteyenunui Ŋiyudayan atemar Yesu iŋes erae Kristo.

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋitic. 20:23

Ŋuna ayeni ayoŋ ikes nu: eketeyenunui Etau ŋolo Asegan ayoŋ alotaunio a daadaŋ atemar ekedarit ayoŋ alomar mabus ka aryamun ŋakisicaneta.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

Ŋitic. 22:21

Tema Ekapolon neni kaŋ, ‘Tolot, anerae ekeyakiyari ayoŋ iyoŋ neni elwana nooi, lotuŋa ŋulu nyerae Ŋiyudayan!’ ”

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋirom. 11:6

Eseunit Akuj ikes kire aŋuna ka ajokis keŋ, meere aŋuna adaut ikes akitiya. Anerae kerae toseununuye Akuj ŋituŋa aŋuna a ŋiticisyo kec, pa kerae ajokis keŋ ŋina a kire.

Ŋirom. 4:4

Ituŋanan ŋini itiyae, etacio. Nyimarakinitae ekeropit erae ainakinet, nai erae eropit keŋ ŋolo itemokino iŋes toryamu.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

2 Ŋikor. 12:10

Aŋuna nai a Kristo, alakara ayoŋ nooi aŋuna ka apalagu, ŋiyany, ŋatyokisyo, ŋakisicaneta ka ŋaronisya! Anerae ani apalag ayoŋ, agogoŋior.

2 Ŋikor. 4:1

Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit.

2 Ŋikor. 4:12

Iŋes atemar itiyae atwanare aneni kosi, nai itiyae akiyar aneni kus.

2 Ŋikor. 5:8

Ikiyakar isua atitinyu, ido ikiburit isua nooi akimyekin ekuwane lo, ido oruko ke Ekapolon anakuj.

2 Ŋikor. 7:4

Ekekinyomit ayoŋ iyes nooi, eketuror ayoŋ iyes nooi; ileleba neni kaŋ atitinyu nooi ka alocan yok a daadaŋ, ilapara aneni kaŋ alelyan.

Ŋigal. 1:1

Ayoŋ Paulo ekiyakia egirit abaruwa na. Meere ŋituŋa ekeyakito ayoŋ kori meere lotuŋa itorunit anyarao kaŋ, nai itorunit neni a Yesu Kristo ka neni ka Akuj Papa, ŋolo abu kiteyaru Yesu alokatwak.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋiep. 3:13

Aŋun, ekemaimai nai ayoŋ iyes, nyijamakis aŋuna a ŋican a ŋulu aryamu ayoŋ aŋuna kus, a ŋulu erae aŋuna ka akitopolooro kus moi anakuj.

Ŋipil. 2:17

Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋipil. 2:30

anerae adikino iŋes ejali akiyar keŋ aŋuna ke etic a Kristo aŋuna ka akiŋarakin ayoŋ alopite a ŋolo pa ipedoritotor iyes ŋilopeyek akiŋarakinia ayoŋ alotic a ŋol.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

1 Ŋites. 2:2

Iyenete iyes epite ŋolo aponere ikiteryamunere isua ŋican ka itobolyare alo Pilipi. Kikote neni daŋ, abu Akuj yok ikiinak isua atitinyu ŋina limonokinet iyes Ŋakiro ŋuna Ajokak ŋuna eponito aneni keŋ, tari ŋina atyonio nooi etic kosi.

1 Ŋites. 3:3

ikotere nai nyejamak idio alokidiŋ kus anupit keŋ aŋuna a ŋakisicaneta a ŋun. Iyenete iyes ŋilopeyek atemar erae ŋican ŋul ŋulu acamaki Akuj atemar kitiyakinos neni yok.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

2 Tim. 3:11

ŋakisicaneta ŋuna aryamunit ayoŋ ka ŋican kaŋ. Iyeni iyoŋ daadaŋ ŋuna apotu totakanut neni kaŋ alo Antiokio ka alo Ikonio ta alo Listra, ŋakisicaneta ŋuna aronok nooi ŋuna edaŋidaŋi ayoŋ! Nai abu Ekapolon okoiu ayoŋ aneni kec a daadaŋ.

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

Tito 1:3

ka anapaki a ŋina eyookino, abu kisileereu akiikinet ŋin anakirot keŋ. Abu Akuj, ŋina erae Akaiunan yok, ekecikak ayoŋ alimonokin ŋakiro ŋun neni a daadaŋ.

Tito 2:11

Anerae etoodiu Akuj ajokis keŋ aŋuna ka aiunia ŋituŋa daadaŋ.

Ŋibur. 10:34

Ipotu iyes tomora ka ŋulu aya mabus ŋican kec, ipotu daŋ tocamut ka alelyan eŋataryo ŋiboro kus, aŋuna iyeniata iyes atemar iyakatar ŋiboro ŋulu ajokak akilo, ŋulu eroparete.

1 Pet. 5:12

Silipano iŋes ekeŋarak ayoŋ akigir abaruwa ŋinauriyen na neni kus, ayeni ayoŋ atemar erae iŋes lokaato ŋolo ikinyoma. Acamit ayoŋ akisimukekin iyes ka akiteyenikin atemar erae ŋakiro ŋun ŋuna a kire ŋuna ka ajokis ka Akuj. Torubakisi jik anakirot a na!

1 Yoa. 3:16

Epite lo ikiyenia iwon amina: abu Kristo tojal akiyar keŋ aŋuna yok. Ojala iwon daŋ akiyar yok aŋuna a ŋikaitotoi yok!

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 6:11

Aponi inakinae ikes ŋikaasoi ŋulu akwaŋak ka tolimokinae ikes akieŋun adiopaki akitodol ŋina itemokinor ekimar a ŋirukitos kec alotic ka Akuj ka ŋikaitotoi daadaŋ ŋulu earyo, ikwaŋina aarere ikes.