Ŋitic. 2:45 - Ebaibul

⁴⁵ Agyelanarete ikes ebari ka ŋiboro kec, tokorakis ŋisiliŋa neni a ŋinituŋanan lopite ŋolo eitanitor iŋes.

Ŋitic. 2:45 Iomraidhean Croise

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Mat. 19:21

Tolimok Yesu iŋes tema, “Ani kicamit iyoŋ aruwor ituŋanan ŋini ajokan nooi, tolot togyela ŋiboro ŋulu iyakar iyoŋ daadaŋ tokorak lokulyak, ibu nai ikiwuapak ayoŋ. Iryamuni iyoŋ ebari kon anakuj.”

Luk. 16:9

Tolimu nai Yesu tema, “Akalimokini ayoŋ iyes daŋ atemar kikoneutu ŋikonei ke ebari kus a ŋolo ka akwap a na. Ani edaun ebari kus anakwap a na, ikijaunete ikes iyes lore ŋolo eyai akiyar ŋina nyedaun.

Luk. 18:22

Ani iirari Yesu ŋakiro ŋun, tolimok iŋes tema, “Ipeibore bon ikibucit iyoŋ: togyela ibore daadaŋ ŋini iyakar iyoŋ, tokorak ŋisiliŋa lokulyak, ikotere min ebari kon nakuj. Ani ekaku, ibu ikiwuapak ayoŋ.”

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Ŋitic. 11:29

Totyakut ŋikasyomak a Yesu atemar itemokino ŋinituŋanan alokidiŋ kec tolemu alopite a ŋolo apedorya alemun idiobore ŋini kiŋarakinet ŋikanupak alo Yudaya.

Ŋitic. 4:34

Amam alokidiŋ kec ituŋanan ŋini acanaana, anerae ŋulu ayakatar ŋamanat kori ŋakais, apotu togyelanasi yaut ŋisiliŋa ŋulu agyelanarere,

Ŋitic. 4:35

inakis Ŋikiyakia; tosodi tokorakinae ŋinituŋanan lopite ŋolo ayakar akiitanit keŋ.

2 Ŋikor. 9:1

Ecaryono ayoŋ akigirakin iyes abaruwa ŋina etapit ŋainakineta ŋuna iyakiyanaryo lotuŋa ŋulu ka Akuj alo Yudeya.

2 Ŋikor. 9:9

Ikwapei ebaakar Akigiret ebe, “Einanakini ka arimao ŋainanakineta neni a ŋikulyak anakwapin; erubakini akiyookino keŋ ŋikaru ka ŋikaru.”

1 Yoa. 3:17

Nai ani keyakar ituŋanan ebari ŋolo ka akwap a na, ido kitee lokaato keŋ iitanit akiŋarakino, ido tojamak iŋes, ikokini nai amina ŋina ka Akuj iboi alotooma keŋ ai?