Ŋitic. 2:42 - Ebaibul

⁴² Torubakis ikes daadaŋ epupete ŋakiro ŋuna etatamete Ŋikiyakia, togeut ikes alosenen natukot ŋina a ŋikanupak akimuj kaapei ka akinumunum Akimuj ŋina ke Ekapolon ta akilipenen.

Ŋitic. 2:42 Iomraidhean Croise

Luk. 24:30

Ani iboikinosi Yesu ka ikes akimuj alomesa, tolemu iŋes amugati, kilipak ka tonyilinyili inak ikes.

Luk. 24:35

Kitatamikis ŋikewuapak ŋuluarei ŋul ikes ŋakiro ŋuna atakanikinito ikes alorot ka epite ŋolo ayeniata ikes Ekapolon apaki ŋina anyilinyiliya iŋes amugati.

Ŋitic. 1:14

Acunakina ikes daadaŋ kilipeneneete kaapei ka ŋaberu ka Maria daŋ toto a Yesu ta ŋikaitotoi a Yesu.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 2:46

A ŋinakoloŋit, apotu ikes torubakis iryamunun kaapei Kai ka Akuj, akimuj kaapei ka akinumunum Akimuj ŋina ke Ekapolon alorerya kec. Amorete ikes akimuj ka alelyan ka arimao;

Ŋitic. 20:11

Toboŋo iŋes kidiama kai, tokorak Akimuj ŋina ke Ekapolon kimuja kaapei. Kirworo iŋes ka ikes ekaoyan akitodol nakipiripirunet akoloŋ, ido torotok.

Ŋitic. 20:7

Akoloŋit ŋina ke Esabit, apaki ŋina ikiyakar isua iwapei akinumunum Akimuj ŋina ke Ekapolon, abu Paulo kirwor neni a ŋikanupak a ŋulu a nen akitodol kidiŋ akuwar, aŋuna arotokinitor iŋes taparacu keŋ.

Ŋitic. 4:23

Ŋinapei alakakinere Petero ka Yoana, toboŋosi ikes neni aya ŋikanupak a Kristo ŋuluce, tolimokis ikes ŋakiro ŋuna alimokinete ŋisacaradotin ŋulu apolok ka ŋikatukok ikes.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋitic. 6:4

Nai ericakisi isua akilip ka etic ŋolo ka akitatam ŋakiro ŋuna ka Akuj.”

Ŋirom. 12:12

Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

1 Ŋikor. 10:21

Nyipedorete iyes akimat alokopo a ŋolo ke Ekapolon, ido tomata alokopo a ŋolo a ŋipyan daŋ. Nyipedorete iyes akimuj alomesa a ŋolo ke Ekapolon, ido kimuja alomesa a ŋolo a ŋipyan daŋ.

1 Ŋikor. 11:2

Ekepuro ayoŋ iyes, anerae ikitamunito iyes ayoŋ jwi jwi anakiro a daadaŋ ka iwuapito iyes ŋitalyo a Ŋikristo, ŋulu eketatamianakini ayoŋ iyes.

1 Ŋikor. 14:6

Ŋikaitotoi kaŋ, kabu ayoŋ neni kus, erworo ŋaŋajepa ŋuna egelaaka, anijokis iryamunete iyes alorwor kaŋ? Emam tari adio, mati kerwor ayoŋ adiokitoodikinet aneni ka Akuj, kori adioyenut kori akidwar adio kori akitatam adio.

Ŋigal. 1:6

Aumokinit ayoŋ aŋuna kus! Alotooma apaki ŋina auruwuanan, iesikis iyes Akuj ŋina abu ikinyarau iyes aŋuna ka ajokis a Kristo ka icamut Ŋakiro ŋuna Ajokak ŋace!

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

Ŋipil. 1:5

aŋuna ke epite a ŋolo ikimorya iyes ka ayoŋ etic ŋolo a Ŋakiro a ŋuna Ajokak, ageun akoloŋit ŋina esyaunan ŋina inupyata iyes, tari tokona.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 4:2

Torubakisi jik ilipete ka totenito anakilip, tolakara neni ka Akuj.

2 Tim. 3:14

Nai ani eruwor iyoŋ, torubak anakiro a ŋuna a kire a ŋuna aponi ikitatami iyoŋ ka tonup ka agogoŋu. Iyeni iyoŋ ŋulu arae ŋiketatamak kon.

Ŋibur. 10:25

Nyikipalik acunanakin iwapei ikwaŋina apalikiniata ŋice. Nai orubakisi ikisimukekina make, nooi anapaki a na a ŋina aapuunia Akoloŋit ŋina ke Ekapolon.

Ŋibur. 10:39

Meere iwon ŋituŋa ŋulu ikikutukutoori, ido omunyaros, nai ikirae iwon ŋulu ikinupit, ido oiunos.

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

Yud. 1:20

Nai iyes ŋikaitotoi ŋulu minan, torubakisi ipoloete ananupit a ŋina asegan akilo; torubakisi ilipeneneete alotooma Etau ŋolo Asegan.