Ŋitic. 2:4 - Ebaibul

⁴ Kilelebikin Etau ŋolo Asegan neni kec daadaŋ, togeut akirwor ŋaŋajepa ŋuna agelegelya, ikwaŋina ainakinitor Etau ŋolo Asegan ikes akirwor.

Ŋitic. 2:4 Iomraidhean Croise

2 Sam. 23:2

“Irworo etau a Ekapolon aneni kaŋ, eyai akirot keŋ naŋajep kaŋ.

Isa. 28:11

Kire jik, irwori Ekapolon neni a ŋituŋa keŋ ikajikaja, irwori neni kec a ŋajep a ŋituŋa aŋulugelae,

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Esek. 3:11

Ape tokona neni a ŋituŋa a akwap kon a ŋulu erikoritae nakwapin ŋace, ido kirwor neni a ŋituŋa kon, tema neni kec, ‘Ŋakiro ŋuna irworo Ekapolon Akuj ikes nu,’ ebe, ‘Kecamito ikes akiirar ŋakiro ŋuna irworo iyoŋ, kori pa kecamito.’ ”

Mika 3:8

Nai, ani eruwor ayoŋ, ekelelebikinitae apedor, ekelelebikinitae etau ŋolo ke Ekapolon, ekelelebikinitae akiyookino ka agogoŋu, ikotere olimokinia ŋituŋa a Yakob ŋadyakanareta kec, olimokinia ŋituŋa a Isirael asecit kec.

Mat. 10:19

Ani ikipotorete ikes iyes akisitakin, nyiyaloloŋo aŋuna ilosete iyes akirwor kori epite ŋolo limunet, anerae ikiinakinio iyes ŋakiro ŋuna itemokino tolimut apaki ŋin.

Mar. 16:17

Ŋakujuwuanisya ŋuna einakinio ŋikanupak akitiya ikes nu: iritanarete ikes ŋipyan alokiro kaŋ, epedorete erwor ŋaŋajepa ŋuna kitet;

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Luk. 1:41

Ŋolopite eirarya Elisabet emalas a Maria, kicurok ikoku anakook keŋ, kilelebikin Etau ŋolo Asegan tooma keŋ.

Luk. 1:67

Kilelebun Etau ŋolo Asegan neni a Sakariya todwar iŋes tema,

Luk. 12:12

anerae Etau ŋolo Asegan iŋes ebuni akitatam iyes ŋuna itemokino tolimut apaki ŋin.”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Luk. 4:1

Toboŋu Yesu alo Yorodan ileleba Etau ŋolo Asegan ŋolo abu toriko iŋes naloŋisat,

Yoa. 14:26

Ebuni nai ekeŋarakiniton, Etau ŋolo Asegan, ŋolo iyakuuni Papa alokiro kaŋ, ikitatam iyes ŋakiro daadaŋ ka ikitatamunite iyes ŋuna daadaŋ adau ayoŋ alimokin iyes.

Yoa. 20:22

Kedau alimun ŋun, kieŋak neni kec tema, “Kijaasi Etau ŋolo Asegan.

Ŋitic. 1:5

Anerae ebatisae Yoana a ŋakipi, nai alorwa a ŋidi a ŋulu alokiŋaren, ikibatisao iyes a Etau a ŋolo Asegan.”

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 10:46

Anerae apupete ikes ŋituŋa ŋul irworosi ŋaŋajepa ŋuna agelegelya ka ipurosi Akuj. Tolimu Petero tema,

Ŋitic. 10:47

“Aryamut ŋituŋa lu Etau ŋolo Asegan ikwaŋina aryamunere iwon daŋ. Epedori nai idiotuŋanan akiretakin ikes anakibatisao a ŋakipi a?”

Ŋitic. 11:15

Ani ageuni ayoŋ erwor, min Etau ŋolo Asegan neni kec, lopite ŋolo aminio neni yok anageunet.

Ŋitic. 11:24

Arae Baranaba ekile ŋolo ajokan, ŋolo eleleba Etau ŋolo Asegan ka anupit. Kiyatakin nooi ŋituŋa, potu neni ke Ekapolon.

Ŋitic. 13:52

Nai tari kikote nen daŋ, apotu ŋikasyomak ŋulu edoŋete Antiokio tolelyana, kilelebun Etau ŋolo Asegan neni kec.

Ŋitic. 13:9

Nai abu Saulo, ŋolo daŋ anyaritae Paulo ŋolo eleleba Etau ŋolo Asegan, kitek ekekukujan,

Ŋitic. 15:8

Abu Akuj ŋina eyeni ŋitai a ŋituŋa kiteyenu atemar ecamunit iŋes ŋulu nyerae Ŋiyudayan aŋuna ainakinia ikes Etau ŋolo Asegan, ikwaŋinapei ikiinakinia iwon.

Ŋitic. 19:6

Kidokok nai Paulo ŋakan keŋ neni kec, min Etau ŋolo Asegan neni kec; kirworikis ikes ŋaŋajepa ŋuna agelegelya, todwara ŋakiro ŋuna ka Akuj.

Ŋitic. 2:11

Ŋiyudayan ka ŋulu nyerae Ŋiyudayan ŋulu ikicamu anupit kec. Ikiponit bo iwon ŋice alo Kirete ka Arabia--nai opupete bo iwon daadaŋ ikes irworosi a ŋaŋajepa yok ŋakiro ŋuna ka aumokin ŋuna etiyak Akuj!”

Ŋitic. 2:3

Kiŋolikis nai ikes ŋiboorei ŋulu ekote ŋakimia ielakin pena neni kec a daadaŋ.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋitic. 4:8

Toboŋok Petero ŋolo eleleba Etau ŋolo Asegan ikes tema, “Ŋikepukak ŋulu a ŋituŋa ka ŋikatukok!

Ŋitic. 6:3

Aŋun ŋikaitotoi, toseutu alokidiŋ kus ŋikilyok ŋikanikaarei ŋulu ajokak, ŋulu ileleba Etau ŋolo Asegan ka aosou, ŋulu itemokino oinakisi etic lo.

Ŋitic. 6:5

Tocamu asepic daadaŋ akirot na. Toseut ikes Stepano, ekile ŋolo ayai anupit nooi, ŋolo eleleba Etau ŋolo Asegan. Toseut nabo Pilipo, Prokoro, Nikanor, Timon, Parmena ka Nikolao ŋolo anakwap a ŋina ka Antiokio, ŋolo aris kibelekin toruwor ŋolo alodin a Ŋiyudayan.

Ŋitic. 6:8

Kitiya Stepano, ŋolo ainakinit Akuj ajokis ka apedor, ŋaumonokineta ka ŋakujuwuanisya alotuŋa.

Ŋitic. 7:55

Nai abu Stepano ŋolo eleleba Etau ŋolo Asegan kireo nakuj, toanyuwa akica ŋina ka apolou a ŋina ka Akuj ka Yesu ewuoi alowae a ŋolo aloteten Akuj.

Ŋitic. 8:17

Kidokokis nai Petero ka Yoana ŋakan kec neni a ŋikanupak, ido toryamut ikes Etau ŋolo Asegan.

Ŋitic. 9:17

Torotok nai Anania, toloma kai. Kidokok ŋakan neni keŋ tema, “Lokaato Saulo, ekeyakuu ayoŋ Ekapolon Yesu, ŋolo abu totakanu neni kon alorot apaki ŋina ibunio iyoŋ. ekeyakuu iŋes ayoŋ, ikotere tokienyu iyoŋ nabo, ikilelebikin Etau ŋolo Asegan.”

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

1 Ŋikor. 12:10

Neni a ice einakini apedor ŋinakitiyaet ŋakujuwuanisya, neni a ice akidwar; neni a ice apedor ŋinayenunet ŋakiro ŋuna erae ŋuna ke Etau a ŋolo Asegan kori ŋuna nyerae. Einakini neni a ice apedor ŋina kirworet ŋaŋajepa ŋuna egelaaka, neni a ice einakini akisileereun ŋuna irworoe a ŋaŋajepa a ŋuna egelaaka.

1 Ŋikor. 13:1

Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya.

1 Ŋikor. 13:8

Erae amina ŋina a jik. Eyakasi ŋakiro ŋuna edwaritae, nai erae ŋuna ka adiouriyen; eyakasi ŋainakineta ŋuna kirworet ŋaŋajepa ŋuna egelaaka, nai elunyarosi; eyai ayenut, nai esaluni.

1 Ŋikor. 14:18

Alakara ayoŋ neni ka Akuj, anerae erworo ayoŋ ŋaŋajepa ŋuna egelaaka ŋuna ke Etau akilo iyes daadaŋ.

1 Ŋikor. 14:5

Acamit ayoŋ iyes daadaŋ kirworo ŋaŋajepa ŋuna egelaaka, nai nooi todwarete. Anerae epol ŋini edwari akilo ŋini irworo ŋaŋajepa ŋuna egelaaka--mati eyai ŋini isileereuni ŋuna irworo iŋes, ikotere kitogogoŋio atukot a Ŋikristo daadaŋ.

Ŋiep. 3:19

Ee, elipi ayoŋ atemar toyenut iyes amina keŋ--tari pa kepedor ayenun iŋes nooi--ikotere nai kikwaanikinos iyes ka Akuj.

Ŋiep. 5:18

Nyimerakinosi a ŋagwe a ŋuna epedorete amunaar iyes, nai tocamakisi Etau ŋolo ka Akuj kilelebikin neni kus.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

2 Pet. 1:21

Anerae emam ŋakiro ŋuna edwaritae ŋuna eponito anacamit a ituŋanan, nai arae Etau ŋolo Asegan esirwori ŋituŋa ŋakiro ŋuna aponito aneni ka Akuj.

1 Sam. 1:14

Aŋun, abu Eli kiŋit iŋes tema, “Apaki ŋina etya ai iyai iyoŋ imera, ililiŋi pa irworo? Kimyek emeret kon.”

1 Sam. 10:10

Ani erotokinete Saul ke eketiyan keŋ a nen elosete lomukura Gibea, kiryamunos iŋes ka atukot a ŋikadwarak, toloma etau ka Akuj neni a Saul, kisyak akidwar kaapei ka ŋikadwarak ŋul.