Ŋitic. 2:3 - Ebaibul

³ Kiŋolikis nai ikes ŋiboorei ŋulu ekote ŋakimia ielakin pena neni kec a daadaŋ.

Ŋitic. 2:3 Iomraidhean Croise

Akisy. 11:6

Tolimu Ekapolon tema, “Kiŋolikisi, erae ikes ŋituŋa ŋipei, ka irworosi ikes aŋajep apei, erae na akisyakinet a ŋuna elosete ikes akitiya, nyipiyori tokona ikes ibore daadaŋ ŋini ecamito ikes akitiya.

Ŋikiru. 55:9

Okoe Ekapolon, kisibiler ŋulu aronok, nyiinak ikes tocamunos alorwor kec, anerae ete ayoŋ aryenyeo ka ebura alotaun.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Yer. 23:29

Nyikoni mono akirot kaŋ akim ka nyikoni mono iŋes enyondo ŋolo ebwaŋabwaŋaari ataaba toruwor ŋakanyilinyili a?

Mat. 3:11

“Kire ekebatisae ayoŋ iyes a ŋakipi a ŋuna ka akiki, nai ŋolo ebunit alokaku kaŋ, epol iŋes akilo ayoŋ, nyitemokino ayoŋ akikod tari ŋamuk keŋ. Iŋes ikibatisae iyes a Etau a ŋolo Asegan ka akim.

Mat. 3:15

Nai toboŋok Yesu iŋes tema, “Kimyek kitiyakin ikona tokona. Anerae erae epite lo iŋes ikisiyookinio iwon ŋuna ecamit Akuj daadaŋ.” Kimyek nai iŋes kitiyakin.

Luk. 24:32

Kirworikinos ikes temasi, “Pa mono ariraete ŋitai yok ka alakara apaki ŋina erworor iŋes neni yok alorot ka ŋina ikisileerekinio iŋes iwon ŋuna igiritae Nakigireta a?”

Ŋitic. 1:15

Kelunyar ŋirwa ŋidikudyo, tocunakin ŋikanupak ŋulu aapikinito amiat ka ŋatomoniarei. Tosodi Petero tonyou kirworik

Ŋitic. 2:11

Ŋiyudayan ka ŋulu nyerae Ŋiyudayan ŋulu ikicamu anupit kec. Ikiponit bo iwon ŋice alo Kirete ka Arabia--nai opupete bo iwon daadaŋ ikes irworosi a ŋaŋajepa yok ŋakiro ŋuna ka aumokin ŋuna etiyak Akuj!”

Ŋitic. 2:2

Tonaŋakin ikes atipei eruye ŋolo esibit ŋolo ke ekuwuam a ŋolo apolon ebuni alokidiama, kiryam tooma akai ŋina aya ikes.

Ŋitic. 2:4

Kilelebikin Etau ŋolo Asegan neni kec daadaŋ, togeut akirwor ŋaŋajepa ŋuna agelegelya, ikwaŋina ainakinitor Etau ŋolo Asegan ikes akirwor.

1 Ŋikor. 12:10

Neni a ice einakini apedor ŋinakitiyaet ŋakujuwuanisya, neni a ice akidwar; neni a ice apedor ŋinayenunet ŋakiro ŋuna erae ŋuna ke Etau a ŋolo Asegan kori ŋuna nyerae. Einakini neni a ice apedor ŋina kirworet ŋaŋajepa ŋuna egelaaka, neni a ice einakini akisileereun ŋuna irworoe a ŋaŋajepa a ŋuna egelaaka.

Yak. 3:6

Ikoni aŋajep daŋ akim. Erae iŋes alope ka aronis anakuwan. Emunauni akuwan daadaŋ, iwuakini akiyar daadaŋ ŋina a ituŋanan tooma nakim ŋina ebunit anakim a ŋina nyeduŋe.

Akis. 11:3

Eyakuuni ayoŋ ŋikadwarak kaŋ ŋuluarei enapito ŋiguniyae, elimonokinete ikes ŋakiro ŋuna ka Akuj alorwa a ŋulu ka apeiliput a ŋamiae ŋaarei ka ŋatomonikanikapei.”

Akis. 14:6

Abu nai oanyuwa emalaika ece epori alokidiama aneni alwanan, eyakar Ŋakiro ŋuna Ajokak, ŋuna nyesalunete ŋuna limokina neni a ŋituŋa a ŋulu eya nakwap, neni a ŋibukui a daadaŋ, a ŋikabilae, a ŋaŋajepa ka a ŋakwapin.