Ŋitic. 2:23 - Ebaibul

²³ Aris Akuj anacamit ka anaosou keŋ ka alope ketyaku atemar itemokino ikirikokin iyes Yesu ka toara iŋes, anajalakin ŋituŋa ŋulu asecak ibubukinete iŋes lomusalaba.

Ŋitic. 2:23 Iomraidhean Croise

Akisy. 50:20

Tari daŋ ŋina icamitotor iyes akiar ayoŋ, abu Akuj tocamak ŋun, ikotere ŋuna ajokak etakanunete, toiunotor ŋituŋa ŋulu alalak, lopite ŋolo itiyaa Akuj tokona.

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Mat. 20:19

Ipotokinete ikes iŋes neni a ŋibukui a ŋulu nyerae Ŋiyudayan, kisoloto, kibuŋata ka kibubukis lomusalaba. Nai kelunyar ŋirwa ŋiuni, iteyarunio iŋes alokatwak.”

Mat. 26:24

Etwani Lokoku a Ituŋanan ikwaŋina igiritere Nakigireta aŋuna keŋ, nai eroko nooi ŋakiro ŋuna eryamuni ŋolo ipotori Lokoku a Ituŋanan! Kejoikinit koloŋ ekile ŋol nyidoun!”

Mat. 27:35

Kibubukis ikes iŋes lomusalaba, tokora ŋikeelowi ilamilamete atedor ŋini eai.

Mar. 15:24

Kibubukis ikes Yesu, tokora ŋikeelowi, kilamilama ikotere totedoryata ŋini elemari elou ŋolo alacunete ikes aneni a Yesu, kiwuakis kiŋaren kec.

Luk. 22:22

Kire etwani Lokoku a Ituŋanan ikwaŋina adwaritere; nai ekaŋ ekile ŋolo erikokini iŋes ŋituŋa!”

Luk. 22:37

Anerae akalimokini ayoŋ iyes atemar, itemokino kiyookin aneni kaŋ Ŋakigireta ŋuna igiritae ikona: ‘Emaritae iŋes ka ŋikasecak kaapei.’ ”

Luk. 23:33

Ani edolete ikes neni anyaritae “Akuulu,” kibubukis Yesu lomusalaba ka ŋikeworok ŋuluarei, epei lowae ŋolo aloteten, epei kedyany.

Luk. 24:20

Apotu ŋisacaradotin ŋulu apolok ka ŋikarikok totubut atemar itemokino iŋes toarae; kibubukis iŋes lomusalaba.

Yoa. 19:18

Kibubukis ikes iŋes kaapei ka ŋice ŋiarei, epei lowae ŋolo aloteten ka ŋoloce lowae ŋolo alokedyeny, toyai Yesu kidiŋ.

Yoa. 19:24

Apotu ŋasigarya kirworikinos make temasi, “Nyikicila elou lo; elamilama oanyuniata ŋini eai.” Etiyakinosi ŋun, ikotere kiyookinotor ŋuna igiritae Nakigireta ebe, “Apotu ikes tokora ŋikaalowi ka apotu kilamilama aŋuna ke ekaaso kaŋ.” Ŋuna apotu ŋasigarya kitiyata ŋun.

Ŋitic. 13:27

Apotu ŋituŋa ŋulu a Yerusalem ka ŋikarikok kec nyeyena Yesu, kori nyiirasi ŋakiro ŋuna a ŋikadwarak ŋuna esyomeneneo a ŋinakoloŋit a Sabato. Tari kikote nen, apotu kisiyookis ŋun, toara iŋes.

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Ŋitic. 2:36

Aŋun, itemokino tokona ŋituŋa a Isirael daadaŋ toyenut atemar, Yesu ŋolo ibubukinete iyes lomusalaba, iŋes abu Akuj kituruwo Ekapolon ka Kristo!”

Ŋitic. 3:18

Tari kikote neni daŋ, alimunit Akuj koloŋ alorwor a ŋikadwarak a daadaŋ atemar etemokino kisicanae Kristo keŋ ka esiyook Akuj ŋun alorot a lo.

Ŋitic. 4:28

Apotu ikes tocunakinos akitiya ŋakiro daadaŋ ŋuna koloŋ itubuni iyoŋ ka apedor ka acamit kon atemar itiyakin.

Ŋitic. 5:28

“Ikicikit paaran isua iyes nooi atemar, toesikisi akitatam alokiro a lo, nai isiryam iyes ŋakiro ŋuna itatamete Yerusalem daadaŋ ka icamito daŋ areeun atemar pena ŋaokot keŋ nakyes kosi!”

Ŋitic. 5:30

Abu Akuj atapapaa yok kiteyaru Yesu, ŋolo ipotu iyes kibubukis lomusalaba, toara.

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.

Ŋirom. 2:12

Ŋituŋa daadaŋ ŋulu aseca pa eyenete Ŋikisila ŋulu ainakini Akuj Moses, emunyarosi tari pa keyenete Ŋikisila. Ŋituŋa daadaŋ ŋulu aseca toyenete Ŋikisila ŋul, etubokinio ikes alotooma Ŋikisila.

Ŋirom. 4:17

ikwapei igiritere Nakigireta ebe, “Ayoŋ Akuj eketuruwo iyoŋ papa a ŋibukui a ŋulu alalak.” Aŋun, erae Aburaam Paapa yok alokiŋaren Akuj ŋina abu iŋes tonup--Akuj ŋina iteyarununui ŋikatwak, ŋina iteyakauni analimunet keŋ ibore ŋini sek pa ayai.

1 Ŋites. 2:15

Ikes apotu toara Ekapolon Yesu ka ŋikadwarak daŋ; nabo apotu ikisican isua. Nyitalakarito ikes Akuj, itidiŋito ikes ŋituŋa daadaŋ nooi.

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.