Ŋitic. 2:22 - Ebaibul

²² Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Ŋitic. 2:22 Iomraidhean Croise

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Mat. 12:28

Nai ani kerae Etau ŋolo ka Akuj eritanarya ayoŋ ŋipyan iŋes atemar adau Apukan ka Akuj adolun neni kus.

Mat. 2:23

Kiboi alotaun a ŋolo anyaritae Nasaret, kiyookinotor ŋuna erworito ŋikadwarak ebe, “Enyarao iŋes Enasaroit.”

Mat. 9:8

Ani iŋolikinete ŋasepico a ŋituŋa ŋuna apotu totakanut, tobul ikes, kipuro Akuj aŋuna keinakinia ŋituŋa apedor ŋina etya ŋin.

Luk. 11:20

Nai ani keritanari ayoŋ ŋipyan ka apedor a ŋina ka Akuj, akeepolou iŋes atemar abu Apukan ka Akuj neni kus.

Luk. 18:37

Tolimokinae iŋes temarae, “Yesu ŋolo a Nasaret iŋes itorunit diye ne.”

Luk. 24:18

Toboŋok epei kec ŋolo anyaritae Kileopa iŋes tema, “Iyoŋ bon irae epeyonon alo Yerusalem, ŋolo nyiyeni ŋakiro ŋuna etiyakin a nen ŋirwa lupei bien lu a?”

Yoa. 1:45

Kiryamunos nai Pilipo ka Nasaniel, tolimok Pilipo iŋes tema, “Ikiryamu isua iŋes ŋolo egirit Moses ŋakiro keŋ Lokisila, ŋolo daŋ igirito ŋikadwarak ŋakiro keŋ. Erae iŋes Yesu ŋolo a Nasaret, lokoku a Yosepu.”

Yoa. 10:37

Ani pa ketiyae ayoŋ ŋiticisyo ŋulu a Papa kaŋ, nyikinupa ayoŋ.

Yoa. 11:47

Tocunakinos nai ŋisacaradotin ŋulu apolok ka Ŋiparisayon Natukot kec temasi, “Okoe, ikikokini ai? Kire itiyae ekile lo ŋakujuwuanisya ŋuna alalak.

Yoa. 12:17

Aris ŋituŋa ŋulu arukito ka Yesu apaki ŋina anyaraa iŋes Lasaro analyal kiteyaru alokatwak, kiteyenut ŋakiro ŋuna apotu kitiyakin.

Yoa. 15:24

Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

Yoa. 19:19

Kigir Pilato ŋakiro nu kiwuakinae kidiama emusalaba, egiritae ikona: “YESU ŊOLO A NASARET, ERWOSIT A ŊIYUDAYAN.”

Yoa. 3:2

Abu iŋes tolot nakwaare neni a Yesu tolimok tema, “Eketataman, ikiyeni isua atemar irae iyoŋ eketataman ŋolo ibunit aneni ka Akuj, anerae emam idiotuŋanan epedori akitiya ŋakujuwuanisya ŋuna itiyae iyoŋ, mati erukito Akuj ka iŋes.”

Yoa. 4:48

Tolimok Yesu iŋes tema, “Ani pa kiŋolikis iyes ŋakujuwuanisya ka ŋaumonokineta, nyinupete.”

Yoa. 5:36

Nai ayakar ayoŋ akiteyenunet ŋina iloit tari ŋina a Yoana; anerae ŋiticisyo ŋulu akainaki ayoŋ Papa kaŋ akirikakin, ikes ikiteyenunito atemar Papa iŋes ekeyakuunit ayoŋ.

Yoa. 6:14

Ani iŋolikinete ŋituŋa akujuwuanut ŋina abu Yesu kitiya, kisyakis atemar, “Kire erae lo ekadwaran ŋolo itemokino bu nakwap!”

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Yoa. 7:31

Nai tonupa ŋulu alalak anatukot iŋes temasi, “Ŋina moi ebunio Kristo, kire ebuni iŋes akitiya ŋakujuwuanisya ŋuna alalak akilo ekile lo a?”

Yoa. 9:33

Kerae nyebunit ekile ŋol aneni ka Akuj, kemam idiobore itiyakini iŋes.”

Ŋitic. 13:16

Aŋun, tonyou Paulo kikia akan keŋ akisililiŋ ikes, tolimok tema, “Ŋituŋa a Isirael ka iyes ŋulu ikerito Akuj, topupokisi!

Ŋitic. 14:27

Ani edolunete ikes Antiokio, tocunakis ŋikanupak, tolimokis ikes ŋakiro daadaŋ ŋuna abu Akuj kitiya aneni kec ka epite ŋolo abunio Akuj toŋaarya erot ŋolo enupyata ŋituŋa ŋulu nyerae Ŋiyudayan.

Ŋitic. 2:19

Etiyakini ayoŋ ŋakujuwuanisya alokidiama ka ŋaumonokineta alokwap: eyakaun ŋaokot ka akim ta apuru ŋina alalan nooi;

Ŋitic. 2:43

Etiyasi ŋakujuwuanisya ka ŋaumonokineta ŋuna alalak aneni a Ŋikiyakia, toumokis nai ŋituŋa daadaŋ a ŋun.

Ŋitic. 21:28

Tocelut ikes temasi, “Ŋituŋa a Isirael, kiŋarakinae! Elo ekile ŋolo irimit akwap daadaŋ akitatam ŋituŋa daadaŋ akitoroniyar ŋituŋa a Isirael, Ŋikisila a Moses ka Akai ka Akuj na. Nabo tokona ayau iŋes tari ŋituŋa ŋulu nyerae Ŋiyudayan tooma Akai ka Akuj, ido etooŋoryan ne, neni imyekinitae aŋuna ka Akuj!”

Ŋitic. 22:8

Eŋit ayoŋ otema, ‘Ŋae iyoŋ, Ekapolon?’ Toboŋok iŋes tema, ‘Arae ayoŋ Yesu ŋolo a Nasaret, ŋolo isicanit iyoŋ.’

Ŋitic. 24:5

Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.

Ŋitic. 26:26

Eyeni tari erwosit ŋakiro ŋun ka erworo ayoŋ neni keŋ emam akuryanu. Ayeni kire atemar emam ŋakiro ŋun ŋuna ebucara aneni keŋ, anerae nyetakanuna ŋakiro nu anakimunono.

Ŋitic. 26:9

“Abu ayoŋ elope ekiŋaren emukek atemar itemokino etiya ŋuna alalak ŋuna itepegito ekiro a Yesu a ŋolo a Nasaret.

Ŋitic. 3:12

Ani iŋolikini Petero ŋun, tolimok ikes tema, “A ŋituŋa a Isirael, nyo ikituumokinitotor iyes ŋun? Nyo ikiteoto iyes isua esibit erae apedor na ŋina kosi, kori esibit erae aŋuna ekeritere isua Akuj iŋes ikitorotokinio isua ekile lo?

Ŋitic. 3:6

Nai tolimok Petero iŋes tema, “Emam ŋisiliŋa ayakar ayoŋ, nai akainakini ayoŋ iyoŋ ibore ŋini ayakar; alokiro a Yesu Kristo a ŋolo a Nasaret, abala ayoŋ iyoŋ, torotok!”

Ŋitic. 4:10

itemokino nai iyes daadaŋ ka ŋituŋa ŋulu a Isirael daadaŋ toyenut atemar, ewuoi ekile lo alokiŋaren kus eŋale nooi aŋuna ka apedor a ŋina ke ekiro a Yesu a ŋolo a Nasaret. Yesu ŋol, iŋes ŋolo ipotu iyes kibubukis lomusalaba, nai abu Akuj kiteyaru.

Ŋitic. 5:35

ido kisirwor ŋituŋa tema, “Ŋituŋa a Isirael, tocoito mono iyes ŋuna icamito akitiyakin lokilyok lu.

Ŋitic. 6:14

anerae ikiira isua iŋes ebala ebe inyasuni Yesu lo ŋolo a Nasaret Akai ka Akuj ka kijulak ŋitalyo ŋulu abu Moses ikiinak iwon!”

2 Ŋikor. 12:12

Ŋakitoodikineta ŋuna iteyenunito atemar arae ayoŋ ekiyakia ŋolo a kire, ikes aponi kitiyae alokidiŋ kus alotooma atitinyikinit daadaŋ ka abu Akuj kitiya ŋakujuwuanisya, ŋaumonokineta, ta ŋiticisyo ŋulu apolok.

Ŋibur. 2:4

Nabo abu Akuj daŋ kitoodiu atemar erae ŋun kire alotooma akitiya ŋakitoodikineta ka ŋakujuwuanisya ŋuna egelegelya ka ŋiticisyo ŋulu ka apedor keŋ ka nabo alotooma akoranakin ŋainanakineta ŋuna ke Etau a ŋolo Asegan alopite a ŋolo ecamitor iŋes.