Ŋitic. 2:20 - Ebaibul

²⁰ isiryonio akoloŋ cuc, ka itereŋio elap puu kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Ŋitic. 2:20 Iomraidhean Croise

Isa. 13:10

Akoloŋit ŋin, nyecaunete ŋitopon ka ŋikacer iryonuni akoloŋ apaki ŋina elomunia, nyecauni elap.

Isa. 13:15

Ituŋanan daadaŋ ŋini eryamunio, irusokinio ka ŋini ikamunio daadaŋ earyo a ekileŋ.

Isa. 13:9

Kiirasi, adolu akoloŋit ŋina ke Ekapolon, akoloŋit ŋina ka adedeŋu, ŋina ka anyunyura ka aŋoit ŋina amunyaran. Erae akoloŋit ŋin ŋina ituruworere akwap ŋina a silon ŋina emunyarere ŋikasecak anakwap.

Isa. 24:23

Ereŋuni elap puu ka iryoniar akoloŋ cuc; anerae Ekapolon ŋolo a ŋajoresyo iŋes ipukae alomukura Sion ka alo Yerusalem, ido itoodikini iŋes apolou keŋ neni a ŋikapolokinitok a ŋituŋa.

Isa. 34:8

Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Yer. 4:23

Abu ayoŋ eŋolik akwap, okoe, acaryoono, amam ibore ayai; abu eŋoliya kidiama, amam akica ayai.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Yoel 3:14

Kelalata, kelalata, ŋituŋa ŋulu eya nakadipaalat ŋina etubere ŋakiro! Aapuu adolun Akoloŋit ŋina etubio Ekapolon ŋakiro a nakadipaalat a ŋina etubere ŋakiro.

Amos 8:9

“Alimu Ekapolon ŋakiro nu ebe, ‘Akoloŋit ŋin etoŋopiyari ayoŋ akoloŋ kidiŋ apaaran, ido iryonuni akwap naparan.

Mal. 4:5

“Kiirasi, eyakuuni ayoŋ ekadwaran Eliya neni kus eriŋa nyedolo akoloŋit ŋina ke Ekapolon, akoloŋit ŋin ŋina apolon nooi ŋina a ŋinyas.

Mat. 24:29

“Ani elunyari ŋican ŋulu a ŋirwa a ŋul, iryoniar akoloŋ, nyecauni elap, ecakunosi ŋikacer anakuj, nabo emaranikinete ŋisubuna daadaŋ ŋulu alokidiama.

Mat. 27:45

Ameun alosaa a ŋolo a ŋikanikapei tari losaa ŋolo a ŋikanikaomwon ŋulu ka apaaran, kiryoniar akwap daadaŋ cuc.

Mar. 13:24

“Nai alorwa a ŋul, kelunyar ŋican, isiryonio akoloŋ ka nyecauni elap.

Luk. 21:25

“Eyakaun ŋakitoodikineta nakoloŋ, lolap ka lokacer. Egeuni akwap daadaŋ aryeba ka amaran aŋuna ke eruye ka akimorokok ŋina ka anam.

Ŋitic. 2:19

Etiyakini ayoŋ ŋakujuwuanisya alokidiama ka ŋaumonokineta alokwap: eyakaun ŋaokot ka akim ta apuru ŋina alalan nooi;

Ŋitic. 2:21

Ido nai ituŋanan daadaŋ ŋini enyarit ekiro ŋolo ke Ekapolon, eiunio.’

1 Ŋikor. 5:5

Itemokino iyes nai apaki ŋin kipotokis ituŋanan ŋin neni a Satan, ikotere kinyasunae akuwan keŋ, ido toiunae etau keŋ Akoloŋit ŋina ke Ekapolon.

1 Ŋites. 5:2

Anerae iyenete iyes ŋilopeyek ejok nooi atemar ebuni Akoloŋit ŋina ke Ekapolon ikoni neni ebunio ekokolan nakwaare.

2 Pet. 3:10

Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

Akis. 16:8

Abu emalaika ŋolo a ŋiomwon tobukok anyunyura ŋina ka Akuj anabakule keŋ nakoloŋ ka aponi tocamakinae akinom ŋituŋa ka amwanis keŋ a ŋina arirae.

Akis. 6:12

Ani eŋaari Imesek akipucet ŋina a ŋakanikapei, abu oanyuwa akwap emarani nooi ka kiryoniar akoloŋ cuc ikwa ŋatotol, toreŋiar elap puu ikwa ŋaokot.