Ŋitic. 2:2 - Ebaibul

² Tonaŋakin ikes atipei eruye ŋolo esibit ŋolo ke ekuwuam a ŋolo apolon ebuni alokidiama, kiryam tooma akai ŋina aya ikes.

Ŋitic. 2:2 Iomraidhean Croise

1 Ŋirw. 19:11

Tema nai Ekapolon neni ke Eliya, “Toloma kiŋa, towo alomoru alokiŋaren Ekapolon anerae eapi Ekapolon atubor a nen.” Apaki ŋin tokut ekuwuam ŋolo apolon, agogoŋ ekuse keŋ, acilicili ŋimukura ka atubutubui ŋamoru ekusi alokiŋaren Ekapolon, nai amam Ekapolon alokuwuam. Ekaku ke ekuwuam, toyakaun amaran ka akwap, nai amam Ekapolon anamaran ka akwap.

Ŋikiru. 18:10

Abu iŋes todokak esubuna ŋolo a ŋabebenuk kiwuwaun kwap; abu iŋes kiwonyu atipei alokuwuam.

Eete a Ŋie. 4:16

Ekuwuam ŋolo alo Kuju tonyou, ekuwuam ŋolo alo Kwap bua! Tokut lomanikor kaŋ, ikotere eure ŋolo ke emanikor kaŋ ielakin akwap. Emaikina ŋolominat kaŋ bu lomanikor keŋ, kimuj ŋaraito a emanikor ŋuna ajokak nooi.

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Luk. 2:13

Ŋinapeipaki, bu asepic ŋina a ŋimalaikan anakuj, kimorikin ka emalaika ŋol, toeikis ipurosi Akuj ebasi,

Yoa. 3:8

Ekusi ekuwuam neni ecamit ka iirari iyoŋ akirurum keŋ, nai nyianyuni neni ebunitor kori neni elosi. Ikote nenipei aneni a ŋinituŋanan idounitoe a Etau a ŋolo ka Akuj.”

Ŋitic. 2:3

Kiŋolikis nai ikes ŋiboorei ŋulu ekote ŋakimia ielakin pena neni kec a daadaŋ.

Ŋitic. 2:6

Ani iirarete ikes eruye ŋol, tocunun asepic a ŋituŋa ŋina alalan, toumokis ikes daadaŋ, anerae ŋinituŋanan alokidiŋ kec apupi Ŋikiyakia irworosi aŋajep keŋ.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.