Ŋitic. 2:11 - Ebaibul

¹¹ Ŋiyudayan ka ŋulu nyerae Ŋiyudayan ŋulu ikicamu anupit kec. Ikiponit bo iwon ŋice alo Kirete ka Arabia--nai opupete bo iwon daadaŋ ikes irworosi a ŋaŋajepa yok ŋakiro ŋuna ka aumokin ŋuna etiyak Akuj!”

Ŋitic. 2:11 Iomraidhean Croise

1 Ŋirw. 10:15

pa imarakinitae ŋolo aryamununui iŋes aneni a ŋimucurus ka aneni a ŋirwosi a daadaŋ a ŋulu ka Arabia ta aneni a ŋikapolok anakwap keŋ.

2 Ŋakiro a ŋirwa 17:11

Apotu Ŋipilistin ŋice yaut ŋainakineta neni a Yeosapat, yaut esilipa daŋ erae ocur kec, yaut Ŋimarabui ŋakinei neni a Yeosapat; ŋimeesekin ŋalipyo ŋakanikaarei ka ŋamiae ŋakanikaarei, ŋikorwa ŋalipyo ŋakanikaarei ka ŋamiae ŋakanikaarei.

2 Ŋakiro a ŋirwa 26:7

Abu Akuj kiŋarak iŋes areun Ŋipilistin ka Ŋiarabi ŋulu eboiyete alo Gur-Baal ka areun Ŋimeuni daŋ.

Yob 9:10

Akuj itiyae ŋiticisyo ŋulu apolok nooi ŋulu emam ituŋanan epedori ayenun, Akuj itiyae ŋiboro ŋulu ajokak nooi ŋulu emam ituŋanan epedori akimarun.

Ŋikiru. 107:15

Emaikina ikes tolakar neni ke Ekapolon aŋuna ka amina keŋ a ŋina nyiryaŋiryaŋa, aŋuna a ŋiticisyo keŋ a ŋulu ka aumokin neni a ŋituŋa;

Ŋikiru. 107:21

Emaikina ikes tolakar neni ke Ekapolon aŋuna; ka amina keŋ a ŋina nyiryaŋiryaŋa, aŋuna a ŋiticisyo keŋ a ŋulu ka aumokin neni a ŋituŋa.

Ŋikiru. 107:8

Emaikina ikes tolakar neni ke Ekapolon aŋuna ka amina keŋ a ŋina nyiryaŋiryaŋa, aŋuna a ŋiticisyo keŋ a ŋulu ka aumokin neni a ŋituŋa;

Ŋikiru. 111:4

Nyecamit Ekapolon iwon ikimuryakis ŋiticisyo keŋ ŋulu ka aumokin; erimaana Ekapolon ka isyoniono.

Ŋikiru. 136:4

Iŋes bon itiyae ŋiticisyo ŋulu ka aumokin, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 26:7

ido olot erimok Namuroet kon elipi, oeo ekeunit eete ŋolo ka alakara; ka eserae ŋiticisyo kon ŋulu ka aumokin.

Ŋikiru. 40:5

Elalak nooi, okoe Ekapolon Akuj kaŋ, ŋaumonokineta ŋuna idau iyoŋ akitiya aŋuna kosi. Emam ituŋanan epedori alimunun ŋuna idau iyoŋ ayere aŋuna kosi; kerae opedori ayoŋ alimunun ikes kelalak nooi, pa kepedor akimarun.

Ŋikiru. 71:17

Okoe Akuj, ikitatam iyoŋ ayoŋ ŋinapei anasoroko kaŋ, ido arubakinit ayoŋ eserae ŋiticisyo kon ŋulu ka aumokin.

Ŋikiru. 77:11

Emaikina ayoŋ otamu ŋiticisyo kon, okoe Ekapolon; ee, emaikina ayoŋ otamu ŋakiro kon ŋuna ka aumokin ŋuna koloŋ ibu iyoŋ kitiya.

Ŋikiru. 78:4

Nyiwuayo iwon ŋakiro ŋun aneni a ŋidwe yok; elimokinio iwon ŋakiro ŋun neni a ŋanyameta a ŋuna eponito, ŋakiro ŋuna a ŋiticisyo a ŋulu apolok a ŋulu ke Ekapolon ka ŋuna ka apedor keŋ, ta ŋakiro ŋuna ka aumokin ŋuna abu iŋes kitiya.

Ŋikiru. 89:5

Okoe Ekapolon, kimyek ŋisubuna kon ŋulu anakuj ikipuro iyoŋ aŋuna a ŋiticisyo kon a ŋulu ka aumokin. kimyek ŋimalaikan ikipuro iyoŋ anatukot kec aŋuna a ŋiticisyo kon a ŋulu ka aumokin,

Ŋikiru. 96:3

Kiserata apolou keŋ neni a ŋituŋa, kiserata ŋiticisyo keŋ ŋulu ka aumokin neni a ŋituŋa daadaŋ,

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Isa. 13:20

Mam ituŋanan iboikin nabo Babilon, kori eyakaun nabo nen tari ananyameta a daadaŋ. Nyedukokinete Ŋimarabui ŋiemae kec nen, nyimyekinete ŋikeyokok ŋamesekin kec euryanete a nen.

Isa. 21:13

Ŋakiro ŋuna adwarit Ekapolon aŋuna a ŋituŋa a ŋulu eboiyete analoŋisat. Iyes ŋikawotok a Dedan ŋulu iboiyete anakobekobe a ŋina analoŋisat,

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 28:29

Eponito nu daŋ aneni a Ekapolon a ŋolo a ŋajoresyo, itatami iŋes ŋakiro ŋuna ajokak ka eyakar iŋes aosou ŋina iloit.

Yer. 25:24

ŋirwosi daadaŋ ŋulu ka Arabia ka ŋirwosi daadaŋ ŋulu a ŋituŋa a ŋulu inyalal a ŋulu iboiyete analoŋisat;

Yer. 3:2

“Kirereosi kidiama kiŋolikis ŋikamukumukui epite ŋolo aororunioto! Eyai mono akibois ne ŋina nyitiyatotor iyes ŋuna ka amalao a? Iboiyonokinosi iyes nawaetin a ŋirotin a ŋulu iminasi, lopite ŋolo iyokiunitotor ŋikeyokok ŋibaren analoŋisat. Imunaasi iyes akwap aŋuna ka amalao ka aronis kus.

Ŋitic. 2:10

alo Pirigia, Pampilia ka Ijipit ta ŋiwaetin a Libia ŋulu eya diye Kurene. Ikirae iwon ŋice ŋulu alo Roma,

Ŋitic. 2:12

Aŋuna ka aumokinit ka ataaŋaŋ kec, kisyakis akiŋitanar make ebasi, “Anukiro nu?”

Ŋitic. 27:12

Aŋuna tari pa ajokya etaun ŋol akiboiyo ŋirwa ŋulu ka alilimu, apotu ŋikalalak temasi torotokinoe a nen, igenosi atemar kori ikidoli Poenikis etaun ece ŋolo alo Kirete, ŋolo eyai kidiŋ Kwap-To ka Kuju-To, ikotere iboiyete a nen ŋirwa ŋulu ka alilimu.

Ŋitic. 27:13

Ŋolopite ageunia ekuwuam ediocici akutun alowae a ŋolo alo Kwap, temasi ŋikilyok kori epedorete ikes akitiya ikwaŋina atubunitotor; kikeut ibore ŋini apotyon ŋini itowuoi ameeli, kitonoko ameeli ekipetot ŋolo a Kirete.

Ŋitic. 27:7

Kiyapae isua iwadio ŋirwa ŋulu alalak, ani ekaku todolunoe ka atyonis diyete etaun Kinido. Ikwaŋinapei pa ikitepedorya ekuwuam isua arubakin ikitorit neni ikicamit, ikipotu oloto a ŋun lowae ŋolo alo Kwap ikiteriboorit eculat Kirete, kitoroi neni anyaritae Salomone.

1 Ŋikor. 12:10

Neni a ice einakini apedor ŋinakitiyaet ŋakujuwuanisya, neni a ice akidwar; neni a ice apedor ŋinayenunet ŋakiro ŋuna erae ŋuna ke Etau a ŋolo Asegan kori ŋuna nyerae. Einakini neni a ice apedor ŋina kirworet ŋaŋajepa ŋuna egelaaka, neni a ice einakini akisileereun ŋuna irworoe a ŋaŋajepa a ŋuna egelaaka.

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

Ŋigal. 1:17

kori daŋ nyeloto Yerusalem aanyun ŋulu apotu toruworos ŋikiyakia eriŋa ayoŋ. Nai abu atipei olot Arabia, ido oboŋu nai Damasko.

Ŋigal. 4:25

Agar na ŋina isikwaanitae ka emoru Sinai ŋolo eyai nakwap ŋina ka Arabia, ikoni Yerusalem ŋolo a tokona, ŋolo erae epito kaapei ka ŋituŋa keŋ daadaŋ.

Tito 1:12

Tari epei a ŋikadwarak a Ŋikiretei, alimunit atemar, “Erae jwi jwi Ŋikiretei ŋikalyokonok, ikwaan ikes ka ŋityaŋ ŋulu asiilyanak ka erae ŋikadakak ŋulu akalanyanak.”

Tito 1:5

Abu ayoŋ ekemyek iyoŋ alo Kirete, ikotere isubakini ŋakiro daadaŋ ŋuna etemokino tosubakinae aina ka aseun ŋikatukok ŋulu epolokinito ŋatukon a Ŋikristo alotooma ŋolotaun, ikwaŋina eketatamikinitor ayoŋ iyoŋ.

Ŋibur. 2:4

Nabo abu Akuj daŋ kitoodiu atemar erae ŋun kire alotooma akitiya ŋakitoodikineta ka ŋakujuwuanisya ŋuna egelegelya ka ŋiticisyo ŋulu ka apedor keŋ ka nabo alotooma akoranakin ŋainanakineta ŋuna ke Etau a ŋolo Asegan alopite a ŋolo ecamitor iŋes.