Ŋitic. 19:26 - Ebaibul

²⁶ Iteete ka iirasi iyes ŋilopeyek Paulo lo. Ebala iŋes ebe nyerae ŋakujo ŋuna itiyaunito ŋituŋa ŋakujo tari iwadio ka etunup ŋituŋa daadaŋ a ne alo Epeso ka akwap ŋina ka Asia daadaŋ.

Ŋitic. 19:26 Iomraidhean Croise

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Osea 8:6

Arae Esiraelit ŋolo eyeni akitiya ŋiboro iŋes etiyauni etorube a itaok ŋol, meere etorube a Akuj nai etorube koŋin. Ebwaŋabwaŋaaryo etorube a itaok a ŋituŋa a Samaria, toruwor ŋakanyilinyili.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 17:29

Ikwaŋinapei ikiraakar iwon ŋiletok ŋulu ka Akuj, nyitemokino iwon ikitami atemar ikwaan eyakae keŋ ka etorube ŋolo eyeunitae ke egolid kori ke esilipa kori ka amoru--etorube ŋolo eyeuni ituŋanan ka aosou keŋ.

Ŋitic. 18:19

Todolo ikes Epeso, tolot Paulo bon losinagoga akiyan ka Ŋiyudayan.

Ŋitic. 19:1

Ani eriŋa Apolo eyai Korinto, kirimo Paulo nakwapin ŋuna a Galatia ka Pirigia, todol tari Epeso. Toryamu iŋes aina ŋikasyomak ŋidi,

Ŋitic. 19:10

Kitiya iŋes ŋun ŋikaru ŋiarei, kisiira Ŋiyudayan ka Ŋigirik daŋ alo Asia ŋakiro ŋuna ke Ekapolon.

Ŋitic. 19:25

Tonyarau iŋes ŋiketiyak keŋ iwapei ka ŋuluce daŋ ŋulu etiyaete etic ŋolopei ŋol, tolimok ikes tema, “Ŋikilyok, iyenete iyes atemar neni itorunit ebari yok lotic lo.

1 Ŋikor. 12:2

Iyenete iyes atemar apaki ŋina iraakatar iyes ŋituŋa ŋulu pa inupito Akuj ŋina a kire, aponi ikitooliyor iyes alorotin a ŋulu alalak nakujo ŋace ŋuna etwakito.

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

Ŋigal. 4:8

Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire.

Ŋikis. 4:28

Aina ipote iyes akitiyanakin ŋakujo ŋace ŋuna erae ŋituŋa itiyaunito, ŋiboorei ŋulu ecieunitae anakito ka anamoru, ŋulu nyiteete, nyepupete, nyimujete ka nyiŋuunete.

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.