Ŋitic. 19:21 - Ebaibul

²¹ Ani kitiyakinosi ŋakiro ŋun, totyaku Paulo alosit Makedonia ka Akaia, tolot nai Yerusalem. Tolimu iŋes tema, “Ani kadau ayoŋ ayakaun nen, itemokino oanyu Roma daŋ.”

Ŋitic. 19:21 Iomraidhean Croise

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Ŋitic. 16:12

Torotokinoe a nen a ŋakejen tolotoi Pilipi, etaun ŋolo apolon anakwap a Makedonia ŋolo eboiyoto Ŋiromanin. Kiriyae isua ŋirwa ŋidi alotaun a ŋol.

Ŋitic. 18:12

Ani ituruworyo Galio ekawuoikiniton ekepukan a Roma anakwap a ŋina ka Akaia, tocunakinos Ŋiyudayan iwapei, kikamut Paulo yaasi loikiiko.

Ŋitic. 18:21

Nai ani erotokini iŋes, tolimok ikes tema, “Aboŋuni ayoŋ neni kus, erae kerae acamit ka Akuj.” Todok nai iŋes ameeli alo Epeso, toesik Prisila ka Akwila a nen.

Ŋitic. 19:22

Kiyakiya iŋes kiŋaren ŋikeŋarakinitok keŋ ŋiarei, Timoteo ka Erasto, toloto Makedonia; eriŋa iŋes iriyat alo Asia.

Ŋitic. 19:29

Kiguryakis ikes etaun daadaŋ. Kikamut ikes ŋirukitos a Paulo ŋiarei Gaio ka Aristako, ŋulu arae Ŋimakedoniyae, yaasi neni ebolyare.

Ŋitic. 20:16

Aris Paulo ketyaku adepar Epeso, ikotere nyicanicanaar adiopaki alo Asia. Ekirikira iŋes erae kepedori adolun Yerusalem nyedolo akoloŋit ŋina a Pentekoste.

Ŋitic. 20:22

Nai tokona, anakipup Etau ŋolo ka Akuj, alosi ayoŋ Yerusalem pa ayeni ŋuna akatakanikinete ayoŋ aina.

Ŋitic. 21:17

Ani edolunio isua Yerusalem, ikijaut ŋikanupak isua ka alakara.

Ŋitic. 21:4

Torukaunae ŋikanupak a Yesu aina, kiboi ka ikes esabit epei. Tolimokis ikes Paulo nyelot Yerusalem ikwapei eteyenikinitor ikes Etau ŋolo Asegan.

Ŋitic. 23:11

Ani nakwaare, towo Ekapolon Yesu alodiyete Paulo, tolimok iŋes tema, “Toen etau! Idau iyoŋ akisuuda ŋakiro kaŋ a ne alo Yerusalem ka itemokino kitiya ikwaŋinapei alo Roma daŋ.”

Ŋitic. 27:1

Ani etubuni Pesto atemar adol apaki ŋina erotokinere isua Italia, apotu ŋikapolok a Ŋiromanin alo Kaisaria inakis Paulo ka ŋimabus ŋice neni a Yulio, a ŋolo arae ekapolokiniton ŋisigarya amiat ŋulu anyaritae “Ajore ŋina ke ekepukan.”

Ŋitic. 27:24

tema, ‘Paulo, nyikibul! Itemokino iyoŋ towo alokiŋaren ekepukan a Roma. Kiira! Aŋuna kon, eiuni Akuj tari ŋituŋa daadaŋ ŋulu idokito ka iyoŋ ameeli.’

Ŋitic. 28:16

Ani edolyo isua Roma, tocamakinae Paulo akiwarun akai keŋ bon, nai torukito ka esigarit ŋolo eten iŋes.

Ŋirom. 1:11

Anerae ekeburit ayoŋ aanyun iyes, ikotere omora ŋainakineta ŋuna ke Etau a ŋolo Asegan, ŋuna akainaki Akuj ayoŋ, ikitogogoŋ iyes.

Ŋirom. 1:13

Acamit ayoŋ iyes ŋikaitotoi toyenut atemar eitanit ayoŋ ŋapakio ŋuna alalak abunore aanyun iyes, (nai akitodol tokona ekeretakinitae). Acamit kaŋ iŋes akitunup ŋituŋa alokidiŋ kus daŋ Ŋakiro a Yesu Kristo, ikwaŋina etunupya ŋuluce ŋulu nyerae Ŋiyudayan.

Ŋirom. 1:15

Aŋun, ekeburit ayoŋ alimonokin Ŋakiro ŋuna Ajokak neni kus daŋ, a ŋulu iyakasi Roma.

1 Ŋikor. 16:5

Abuni ayoŋ aanyun iyes kadau akitor nakwap a Makedonia, anerae itemokino etor Makedonia.

1 Ŋikor. 4:19

Nai, abuni ayoŋ atipei aanyun iyes erae kerae acamit ŋina ke Ekapolon, ido nai oanyu ayoŋ elope apedor kire ŋina eyakatar ŋituŋa ŋulu eturok ŋul, akilo ŋuna irworosi ikes.

2 Ŋikor. 10:16

Ani kitiyakinosi ŋun, ikipedori isua alosit nakwapin ŋunace ŋuna alokiŋa Korinto, ido olimonokisi Ŋakiro ŋuna Ajokak. Nyikiponi isua akiturokinor etic ŋolo adau ituŋanan ice akitiya aneni egerokinit Akuj iŋes.

Ŋigal. 2:1

Ani kelunyarosi ŋikaru ŋitomon ka ŋiomwon, abu ayoŋ oboŋosi ka Baranaba Yerusalem, oya Tito daŋ.

1 Ŋites. 1:7

Alopite a ŋol, ipotu iyes toruworos akitaanyikinet neni a ŋikanupak a daadaŋ a ŋulu alo Makedonia ka Akaia.