Ŋitic. 19:19 - Ebaibul

¹⁹ Yaut ŋikalalak ŋulu sek arae ŋikekukujak ŋikitaaboi kec iwapei kicunyakis alokiŋaren ŋituŋa daadaŋ. Kimoriut ikes ebei ŋolo a ŋikitaaboi, todol daadaŋ ŋisilipae ŋalipyo ŋatomonikan.

Ŋitic. 19:19 Iomraidhean Croise

Akisy. 35:4

Aŋun, inakis ŋituŋa ŋakujo ŋuna ayakatar ikes daadaŋ ŋunagelae neni a Yakob. Inakis ŋikadoŋidoŋ kec daŋ neni a Yakob; kiwua Yakob ŋul daadaŋ alodiyete ekuyon ŋolo ayai Sekem.

1 Ŋakiro a ŋirwa 10:13

Abu Saul totwana, anerae pa ekinyomit iŋes Akuj; pa ewuapit iŋes ŋakiro ŋuna ke Ekapolon, abu daŋ tolot neni a ŋimurok aanyun ŋuna kitiyakina.

2 Ŋakiro a ŋirwa 33:6

Abu Manase kimasak nakim lokoku keŋ erae amuronot anakadipaalat a ŋina a Ben-Inom. Adwarenene iŋes, nabo torae ekekukujan, ekapilan ka eeki ŋililae. Tosec iŋes nooi neni ke Ekapolon, kitoŋo Ekapolon.

Awos. 32:20

Tolot nai Moses tolemu etorube a itaok a ŋini kepotu ŋituŋa kitiyaut, kimasak nakim kicuny, kiryaa todopirir, kipurupurak nakipi, ido inak Ŋisirael tomata ŋakipi ŋun.

Awos. 7:11

Ekaku a ŋun, abu Parao tonyarau ŋikaosok ka ŋikekukujak, ido apotu ŋikekukujak a Ijipit daŋ kitiyata ŋakujuwuanisya ŋuna pei ŋun aloticisyo kec a ŋulu pa apatana ayenun.

Awos. 7:22

Nai apotu ŋikekukujak a Ijipit daŋ kitiyata ŋakujuwuanisya ŋunapei ŋun aloticisyo kec a ŋulu pa apatana ayenun. Aŋun, abu Parao kitogogoŋ akou keŋ nyepupok ŋakiro ata Moses, lopite ŋolo alimokinitor Ekapolon ikes.

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 8:19

Ani tokona ketemasi iyoŋ ŋituŋa ebe, “Kiŋitutu ŋakiro aneni a ŋipyan ka aneni a ŋililae a ŋulu iŋaiŋaasi ka iŋunuŋunosi, nyemaikina mono ŋituŋa kiŋitut ŋakiro aneni a ŋakujo kec aŋuna a ŋituŋa a ŋulu eyarete

Dan. 2:2

Aŋun, abu erwosit tolimu atemar tonyaraunae ŋikekukujak, ŋimurok ka ŋimurok ŋulu enyaraeneneete ŋimuno tolimokis iŋes ŋakiro ŋuna erujat iŋes. Ani epote ŋituŋa ŋul, apotu towua alokiŋaren erwosit.

Ŋilep. 13:52

Emaikina esacaradoti kicuny elou ŋol, tari kerae ŋolo imanyumanyunitae, kori edonyunitoe, kori ŋolo edonyunitoe a ŋajul, kori aŋausyo aŋuna amilimilak, kori ibore ca daadaŋ, itiyaunitae alolou a ibarasit anerae erae atapon edeke ŋolo etapaana; emaikina ŋiboro ŋul kicunyae.

Luk. 14:33

Toŋetak Yesu erwor keŋ ebala, “Ikoŋinapei, emam tari ipei alokidiŋ kus ŋini eruwor ekewuapan kaŋ, mati kipoto ibore daadaŋ ŋini eyakar iŋes.

Luk. 15:8

“Kori ikokini ai aberu ŋina eyakar ŋisilipae ŋitomon, ido tocakar epei? Emam mono nyinokakini iŋes etaa, topyeu akai, kiwar ŋiwaetin ka akai daadaŋ tari ŋina eryamunia a?

Ŋitic. 13:6

Ani kedaut ikes atubor aloculat, todolo lotaun ŋolo enyaritae Papos. Toryamut ikes a nen ekekukujan ŋolo anyaritae Ba-Yesu, ŋolo arae Eyudayat, torae daŋ ekadwaran ŋolo alyokonon.

Ŋitic. 13:8

Nai abu ekekukujan Elimas (epite ŋol anyaritotor Ŋigirik Ba-Yesu ŋol), ŋolo acamit akitooliyor ekepukan ananupit ŋakiro ŋuna ka Akuj, kitepeg ikes.

Ŋitic. 19:18

Apotu ŋikanupak ŋulu alalak tolimonosi alokiŋaren ŋituŋa ŋakiro ŋuna aronok, ŋuna sek keris ikes kitiyata.

Ŋibur. 10:34

Ipotu iyes tomora ka ŋulu aya mabus ŋican kec, ipotu daŋ tocamut ka alelyan eŋataryo ŋiboro kus, aŋuna iyeniata iyes atemar iyakatar ŋiboro ŋulu ajokak akilo, ŋulu eroparete.