Ŋitic. 19:11 - Ebaibul

¹¹ Etiyae Akuj ŋakujuwuanisya ŋuna ailiilok aneni a Paulo.

Ŋitic. 19:11 Iomraidhean Croise

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Ŋitic. 14:3

Aŋun, kiboiyoto Ŋikiyakia a nen apaki ŋina aoyan, kirworos ŋakiro ŋuna ke Ekapolon pa ekuryanito. Abu Ekapolon kiteyenu ebe erae ŋuna a kire ŋakiro ŋuna erworosi ikes, aŋuna ainakinia ikes apedor ŋinakitiyaet ŋakujuwuanisya ka ŋaumonokineta.

Ŋitic. 15:12

Kililiŋa ŋituŋa ŋulu ka atukot daadaŋ, topupokis daŋ Baranaba ka Paulo elimonorete ŋuna a ŋaumonokineta ka ŋakujuwuanisya daadaŋ ŋuna kitiyat Akuj aneni kec alokidiŋ ŋituŋa ŋulu pa arae Ŋiyudayan.

Ŋitic. 16:18

Kitiya iŋes nu ŋirwa ŋulu alalak, akitodol ŋina aŋoya Paulo, ido toboboŋ tolimok ekipye tema, “Akalimokini ayoŋ iyoŋ alokiro a Yesu Kristo atemar tolomu aneni keŋ!” Tolomu ekipye aneni keŋ esaa ŋolopei ŋol.

Ŋitic. 5:12

Apotu Ŋikiyakia kitiyata ŋakujuwuanisya ka ŋaumonokineta ŋuna alalak alotuŋa. Acunanakin ŋikanupak daadaŋ Kai ka Akuj, tooma Ebarasan a Solomon.

Ŋitic. 8:13

Abu Simoni daŋ elope tonup, kibatisae. Abu iŋes torubak erukito ka Pilipo; etuumokinito iŋes ŋaumonokineta ka ŋakujuwuanisya ŋuna apolok ŋuna etiyasi.

Ŋigal. 3:5

Ikiinakinit mono Akuj iyes Etau keŋ ka akitiya ŋakujuwuanisya alokidiŋ kus, aŋuna itiyaata iyes ŋuna ecamito Ŋikisila kori aŋuna iiranaryata Ŋakiro ŋuna Ajokak, ido tonupa?

Ŋibur. 2:4

Nabo abu Akuj daŋ kitoodiu atemar erae ŋun kire alotooma akitiya ŋakitoodikineta ka ŋakujuwuanisya ŋuna egelegelya ka ŋiticisyo ŋulu ka apedor keŋ ka nabo alotooma akoranakin ŋainanakineta ŋuna ke Etau a ŋolo Asegan alopite a ŋolo ecamitor iŋes.