Ŋitic. 18:6 - Ebaibul

⁶ Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

Ŋitic. 18:6 Iomraidhean Croise

2 Sam. 1:16

Tema Daudi neni a ekile a ŋolo ecumyo a ŋol, “Ikicenete iyoŋ ŋaokot kon ke elope, anerae iyoŋ elope ibu tolimor bon tema, ‘Abu ayoŋ oar ekapolon ŋolo arae Ekapolon abu toseu.’ ”

1 Ŋirw. 2:33

Elipi ayoŋ min asecit ŋina abukorere ŋaokot kec nakou a Yoab ka ŋiletok keŋ ŋikaru ka ŋikaru. Nai neni a Daudi ka ŋiletok keŋ ka ekal keŋ ta apukan keŋ, elipi min ekisil a Ekapolon ŋikaru ka ŋikaru.”

Neem. 5:13

Abu daŋ ayoŋ elakilakaa abilet a elou kaŋ otema, “Elipi ayoŋ kilakilakaa Akuj ŋinituŋanan alokai keŋ ka alotic keŋ ŋini nyiwuapi akiikinet na. Elipi kilakilakaarae iŋes lopite ŋol, kimyekinae ikes emam ibore eyakatar.” Tolimu atukot daadaŋ tema, “Amen”, ido kipuro Ekapolon. Apotu ŋituŋa kitiyata lopite ŋolo eikinitotor.

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 33:4

ani nai kiira ituŋanan eli nai nyeten akitiya ŋadi, ido todolut ŋimoe toara ikes, eruwor atwanare kec nakou kec a ŋilopeyek.’

Esek. 33:6

Nai ani kiŋolik eketen ŋituŋa ŋol ŋimoe eponito, ido nyeramak eli, totena ŋituŋa akitiya ŋuna ecamito, potu nai ŋimoe toara idio alotuŋa a ŋulu ainakinitae iŋes akitere, earyo ituŋanan ŋin aŋuna a asecit keŋ, nai eruwor atwanare keŋ nakou a ŋolo ainakinitae akitere ikes.

Ŋilep. 20:9

Ani kicen ituŋanan idio papa keŋ kori toto keŋ, emaikina ituŋanan ŋin toarae, aŋuna ecenio papa keŋ kori toto keŋ, erae atwanare keŋ nakou keŋ.

Mat. 10:14

Ani kemam ituŋanan ŋini ikijauni kori ŋini iirari ŋakiro kus, totwakisi apuwa ŋina a ŋakejen kus nen, apaki ŋina irotokinioto iyes alokai a ŋin kori alotaun a ŋol.

Mat. 21:41

Toboŋokis ikes temasi, “Ebuni iŋes akiar ŋituŋa ŋulu aronok ŋul, kijokok emanikor neni a ŋiketeok a ŋice a ŋulu einakinete iŋes ŋaraito.”

Mat. 21:43

“Aŋun, akalimokini ayoŋ iyes atemar, elemaryo Apukan ka Akuj aneni kus, inakinae neni a ŋituŋa a ŋulu iraete ŋaraito. [

Mat. 22:10

Toloto nai ŋipi lorotin, tonyaraut ŋituŋa daadaŋ ŋulu aryamunete ikes ŋulu aronok kaapei ka ŋulu ajokak; kilelebun ŋipeyok kai ŋina ke ekiitanu.

Mat. 27:25

Toboŋokis ikes daadaŋ temasi, “Kimyekisi ŋaokot keŋ pena nakyes kosi ka ŋuna a ŋikosidwe.”

Mat. 8:11

Akalimokini ayoŋ iyes atemar, epote ŋituŋa ŋulu alalak alo Kide ka ŋice alo To, kiboikinos kimuja ka Aburaam, Isaka ka Yakobo kaapei a Napukan a ŋina anakuj.

Luk. 22:65

Tolimokis iŋes ŋakiro ŋuna alalak ŋuna a ŋiyany.

Luk. 9:5

Ani ca neni nyikijauniata ŋituŋa iyes, torotokis a nen, totwakis apuwa ŋina a ŋakejen kus nen, kitoodiu neni atemar esecito ikes.”

Ŋitic. 13:51

Totwakis ŋikasyomak apuwa anakejen kec neni kec, kitoodiu nen atemar esecito ikes, ido toloto Ikonio.

Ŋitic. 26:11

Abu ayoŋ jwi jwi esican ikes alosinagogae a daadaŋ aŋuna ka akitiŋakin ikes akiŋer anupit kec; ido anyunyurikina ayoŋ ikes nooi, esican tari alotaunio a ŋulu agelaaka.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 28:28

Toŋetaki Paulo tema, “Toyenete nai atemar, eyakiya tokona Akuj ŋakiro ŋuna ka aiuno a ŋituŋa neni a ŋulu nyerae Ŋiyudayan. Nai iirarete ikes!” [

Ŋirom. 3:29

Erae mono Akuj ŋina a Ŋiyudayan bon a? Meere mono iŋes Akuj a ŋituŋa a ŋulu nyerae Ŋiyudayan daŋ a? Ee, erae iŋes Akuj a ŋulu nyerae Ŋiyudayan daŋ.

1 Tim. 5:22

Nyikirikirakin akidokokin ŋakan kon neni a ituŋanan a idio aŋuna ka akituruwor iŋes eketiyan ŋolo ka atukot a Ŋikristo. Nyiloma nasecisya a ŋituŋa a ŋuluce; torubak irae ŋolo iseg alotau.

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

1 Pet. 4:14

Irereŋ iyes erae kikiyanyi aŋuna iraakatar ŋikewuapak a Kristo; eyai Etau ŋolo ka apolou a ŋina ka Akuj neni kus.

1 Pet. 4:4

Tokona eumokinito ŋulu nyenupito Akuj ŋakiro ŋuna nyeriŋa iyes irukitotor ka ikes anakiyar kec a ŋina aronon ka ŋina emam ŋakiro etami atemar epote. Aŋun, irworosi ikes ŋakiro ŋuna aronok aŋuna kus.