Ŋitic. 18:4 - Ebaibul

⁴ Kimocoenenee Paulo alosinagoga a ŋinakoloŋit a Sabato, iwarit akitunup Ŋiyudayan ka Ŋigirik ŋakiro ŋun.

Ŋitic. 18:4 Iomraidhean Croise

Akisy. 9:27

Elipi ayoŋ Akuj kipit Yapes, Emaikina iŋes kiboi aloeemae a ŋulu a Sem, emaikina Kanaan toruwor epito keŋ.”

2 Ŋakiro a ŋirwa 32:11

ŋina ikilimokinia iyes erwosit Esekia atemar ikiuni iyes Ekapolon Akuj kus, ikimodikinit iŋes iyes, ecamit iŋes akoro ka akure itoarak iyes nen.

Luk. 16:31

Toboŋok Aburaam iŋes tema, ‘Ani pa kiirasi ikes Moses ka ŋikadwarak, nyepedorete akinup tari keyaru ituŋanan alokatwak.’ ”

Luk. 4:16

Bu nai Yesu Nasaret neni koloŋ apolounio iŋes; ani akoloŋit ŋina a Sabato, tolot losinagoga ikwaŋinapei sek. Abu iŋes tonyou akisyom;

Yoa. 7:35

Kiŋitiŋitas Ŋiparisayon make ebasi, “Ai mono tokona neni ti ebala iŋes alosi ne, neni nyeryamunere iwon iŋes ne? Kori ecamit iŋes alosit lotuŋa yok ŋulu eyakasi nakwap a Ŋigirik aŋuna ka akitatam Ŋigirik?

Ŋitic. 13:14

Torotokis nai ikes alo Periga, todolo lotaun Antiokio ŋolo anakwap a Pisidia. Ani akoloŋit ŋina a Sabato, toloto ikes losinagoga, kiboikinos.

Ŋitic. 14:1

Alo Ikonio, toloto Paulo ka Baranaba lopite ŋolopei sek, tooma esinagoga a Ŋiyudayan. Kirworo ikes a nen alopite a ŋolo abu kitunup Ŋiyudayan ŋulu alalak ka ŋulu pa arae Ŋiyudayan ŋakiro a Yesu.

Ŋitic. 17:11

Apupete ŋituŋa a nen ŋakiro akilo ŋulu alo Tesalonika, anerae apotu kijaut ŋakiro ŋuna ka Akuj ecamito nooi, tosyomete a ŋinakoloŋit ŋakiro ŋuna igiritae Nakigireta, ecamito aripun erae kerae kire ŋakiro ŋuna erworo Paulo.

Ŋitic. 17:17

Aŋun, kirworo iŋes alosinagoga ka Ŋiyudayan kaapei ka ŋuluce ŋulu ainakina neni ka Akuj; kimocoete jwi jwi alomaket ka ŋulu arae ŋikalotok.

Ŋitic. 18:13

Temasi ikes ebe, “Ikatakinit ekile lo akitacamun ŋituŋa akilip Akuj alopite a ŋolo nyecamito Ŋikisila a Moses!”

Ŋitic. 18:19

Todolo ikes Epeso, tolot Paulo bon losinagoga akiyan ka Ŋiyudayan.

Ŋitic. 19:26

Iteete ka iirasi iyes ŋilopeyek Paulo lo. Ebala iŋes ebe nyerae ŋakujo ŋuna itiyaunito ŋituŋa ŋakujo tari iwadio ka etunup ŋituŋa daadaŋ a ne alo Epeso ka akwap ŋina ka Asia daadaŋ.

Ŋitic. 19:8

Torubak Paulo elosenene losinagoga; ŋilapyo ŋiuni irworo lotuŋa pa ekuryana, kisimoco ikes iwarit akitunup ikes ŋakiro ŋuna ka Apukan ka Akuj.

Ŋitic. 26:28

Tema Agripa neni a Paulo, “Emam ŋuna alalak ŋuna ebucara anakiro kon akituruwor ayoŋ Ekristoit!”

Ŋitic. 28:23

Aŋun, totubut ikes akoloŋit ŋina iryamunotor ka Paulo. Akoloŋit ŋin, potu ikes elalak neni eboiyo Paulo. Ŋinapei taparacu akitodol eboŋ, kiteyenik ka kisileerek daŋ iŋes ikes ŋakiro ŋuna ka Apukan ka Akuj. Alorwor keŋ ŋakiro ŋuna a Ŋikisila a Moses ka ŋakigireta ŋuna a ŋikadwarak, abu kikatak akitacamun ikes ŋakiro ŋuna a Yesu.

Ŋitic. 9:20

Kisyak iŋes atipei alimonokin alosinagogae ŋakiro a Yesu ebala, “Erae Yesu Lokoku ka Akuj.”

2 Ŋikor. 5:11

Ikiyeni isua ibore ŋini erae akerit Ekapolon, aŋun nai ikikatakinit isua akitacamun ŋuluce. Ikiyeni Akuj isua nooi ka egeno ayoŋ atemar ikiyenete iyes daŋ ayoŋ alotai kus.