Ŋitic. 18:24 - Ebaibul

²⁴ Apaki ŋin, bu lotaun ŋolo ke Epeso Eyudayat ŋolo anyaritae Apolo, ŋolo edounitoe alo Alekisandaria. Ayeni iŋes erwor nooi, ayeni daŋ Ŋakigireta nooi.

Ŋitic. 18:24 Iomraidhean Croise

Esir 7:12

“Ayoŋ Aritaseses ŋolo arae erwosit a ŋirwosi, egirit abaruwa na neni a esacaradoti Esira, ekegiran ŋolo a ŋikisila a ŋulu ka Akuj a ŋina anakuj, toyai ekisil neni kon! Tokona,

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Awos. 4:10

Abu nai Moses tema neni a Ekapolon, “Okoe Ekapolon, nyapedorit ayoŋ erwori ejok ŋinapei koloŋ, tari tokona apaki na ŋina irworor iyoŋ neni a eketiyan kon. Eapi ayoŋ ŋakiro erworo ka aŋajepana ayoŋ.”

Isa. 3:3

ekapolokiniton ŋasigarya ŋatomonikan ka ŋolo epol akilo iŋes, eketataman ka ekekukujan ŋolo eyeni etic keŋ ejok ta ekapilan.

Mat. 13:52

Tolimok Yesu ikes tema, “Itoodiunito ŋakiro ŋun atemar eketataman a Ŋikisila ŋolo itatamitae aŋuna ka Apukan a ŋina anakuj, ikoni elope a akai ŋolo itoodiuni anabaru keŋ ŋiboro ŋulu kitet ka ŋulu ŋorok.”

Luk. 24:19

Tema Yesu iŋisi ikes, “Anukiro?” Toboŋokis ikes temasi, “Ŋakiro ŋuna etiyakin neni a Yesu a ŋolo a Nasaret. Arae iŋes kire ekadwaran ŋolo ka Akuj, ŋolo etiyae ŋakujuwuanisya, nabo etatami ŋakiro ŋuna apolok alokiŋaren Akuj ka alokiŋaren ŋituŋa.

Ŋitic. 18:19

Todolo ikes Epeso, tolot Paulo bon losinagoga akiyan ka Ŋiyudayan.

Ŋitic. 18:21

Nai ani erotokini iŋes, tolimok ikes tema, “Aboŋuni ayoŋ neni kus, erae kerae acamit ka Akuj.” Todok nai iŋes ameeli alo Epeso, toesik Prisila ka Akwila a nen.

Ŋitic. 18:28

Anerae anakimoco keŋ ka Ŋiyudayan alokiŋaren ŋituŋa, abu kilou ikes, kitoodiu a Nakigireta ebe Yesu iŋes erae Kristo.

Ŋitic. 19:1

Ani eriŋa Apolo eyai Korinto, kirimo Paulo nakwapin ŋuna a Galatia ka Pirigia, todol tari Epeso. Toryamu iŋes aina ŋikasyomak ŋidi,

Ŋitic. 27:6

Toryamu a nen ekapolokiniton ŋisigarya amiat ameeli ŋina abunit alotaun Alekisandaria, ŋina alosi Italia; tosodi ikitodok isua ameeli ŋin.

Ŋitic. 6:9

Nai kitepega ŋituŋa ŋice iŋes. Arae ikes ŋituŋa ŋulu ke esinagoga a ŋolo enyaritae, “Ŋituŋa ŋulu Elacakina”. Arukito ikes ka ŋulu alo Kurene, Alekisandaria, Cilicia ka Asia.

Ŋitic. 7:22

Kitatamae Moses ŋakiro daadaŋ ŋuna ka aosou a ŋina ka akwap a Ijipit, togogoŋior iŋes alorwor ka aloticisyo keŋ.

1 Ŋikor. 1:12

Ŋuna ayeni ayoŋ aneni kus ikes nu: irworo ŋinituŋanan alokidiŋ kus ebala, “Arae ayoŋ ŋini a Paulo”, kori “Arae ayoŋ ŋini ka Apolo”, kori “Arae ayoŋ ŋini a Petero”, kori “Arae ayoŋ ŋini a Kristo.”

1 Ŋikor. 16:12

Ŋuna etapito lokaato yok Apolo, abu ayoŋ esimukek iŋes nooi abunore kaapei ka ŋikaitotoi ŋuluce aanyun iyes, nai nyecamunit iŋes nooi abunore inaa ŋirwa lu. Nai ani eryamuni iŋes apaki, ebuni.

1 Ŋikor. 4:6

Aŋuna kus, ŋikaitotoi, adau ayoŋ akirwor ŋakiro ŋun daadaŋ esitiyae Apolo ka ayoŋ erae akitaanyikinet. Etiya ayoŋ ŋun, ikotere toyenut aneni kosi apolou ŋina ka alimunet a ŋina ebala, “Totupa Ŋikisila ŋulu a kire.” Nyitemokino idio aneni kus iturokina aŋuna a ituŋanan a ipei, ido tojamuwa ŋinice.

2 Ŋikor. 10:10

Anerae, ebasi ŋice ebe, “Eryenyaaka ka etyoko ŋabaruwae a Paulo, nai ani ikirukit iŋes ka iwon, erae ŋolo epalag ka erae ŋakiro keŋ ŋacaryo!”

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

Tito 3:13

Kikatak nooi alopite a daadaŋ akiŋarakin Senas ŋolo erae eketataman a ŋikisila, kaapei ka Apolo analosit kec ka itemokino toanyu atemar eyakatar ikes ibore daadaŋ ŋini iitanito.