Ŋitic. 18:21 - Ebaibul

²¹ Nai ani erotokini iŋes, tolimok ikes tema, “Aboŋuni ayoŋ neni kus, erae kerae acamit ka Akuj.” Todok nai iŋes ameeli alo Epeso, toesik Prisila ka Akwila a nen.

Ŋitic. 18:21 Iomraidhean Croise

Mat. 26:39

Torotok iŋes kiŋaren iwadio, kibusokin kwap kijuuru kilip tema, “Okoe! Papa, ani kepedor, tolema ekopo ŋolo a ŋican lo aneni kaŋ. Meere nai ikwa acamitor ayoŋ, nai ikwaŋina icamitor iyoŋ.”

Mar. 6:46

Kedau iŋes ŋun, todoka lomukura akilip.

Luk. 9:61

Tolimu nabo ece tema, “Ekewuapi ayoŋ iyoŋ Ekapolon; nai kimyekinae mono olot olimok ŋituŋa kaŋ atemar kidoŋo robo ejok.”

Ŋitic. 15:29

itemokino iyes toesikis akinyam ŋamuja ŋuna einakinitae nakujo, ŋaokot, ediotyaŋ ŋolo emyeditae ka akitiya amalao. Ani kicoikis iyes ŋun, itiyaete ejok. Ikianyun.”

Ŋitic. 18:19

Todolo ikes Epeso, tolot Paulo bon losinagoga akiyan ka Ŋiyudayan.

Ŋitic. 18:20

Kiŋitakis ikes iŋes akiboi ekaoyan ka ikes, nai abu nyecamu.

Ŋitic. 18:24

Apaki ŋin, bu lotaun ŋolo ke Epeso Eyudayat ŋolo anyaritae Apolo, ŋolo edounitoe alo Alekisandaria. Ayeni iŋes erwor nooi, ayeni daŋ Ŋakigireta nooi.

Ŋitic. 19:1

Ani eriŋa Apolo eyai Korinto, kirimo Paulo nakwapin ŋuna a Galatia ka Pirigia, todol tari Epeso. Toryamu iŋes aina ŋikasyomak ŋidi,

Ŋitic. 19:17

Toyenut Ŋiyudayan ka Ŋigirik daadaŋ ŋulu alo Epeso ŋakiro ŋun, tokuryaketa daadaŋ, kitopoloosi ekiro ŋolo ke Ekapolon Yesu.

Ŋitic. 19:21

Ani kitiyakinosi ŋakiro ŋun, totyaku Paulo alosit Makedonia ka Akaia, tolot nai Yerusalem. Tolimu iŋes tema, “Ani kadau ayoŋ ayakaun nen, itemokino oanyu Roma daŋ.”

Ŋitic. 20:16

Aris Paulo ketyaku adepar Epeso, ikotere nyicanicanaar adiopaki alo Asia. Ekirikira iŋes erae kepedori adolun Yerusalem nyedolo akoloŋit ŋina a Pentekoste.

Ŋitic. 21:14

Ani ewouni Paulo akiirar ŋakiro kosi, toesikinae isua erwor, ido temarae, “Kitiyakin ŋuna ecamit Ekapolon.”

Ŋitic. 21:29

(Alimunete ikes ŋun, anerae keris ikes kiŋolikis Paulo ka Tropimo ŋolo alo Epeso erukito alotaun, totamakis atemar kori keyait Paulo iŋes tooma Akai ka Akuj.)

Ŋirom. 1:10

apaki daadaŋ ŋina elipya ayoŋ. Elipit ayoŋ Akuj, erae kerae acamit keŋ, okoinak ayoŋ tokona apaki ŋina ajokan ŋina bunet neni kus.

Ŋirom. 15:32

Tosodi nai, kerae acamit ŋina ka Akuj, abuni ka alelyan ka eeŋu apaki ŋina ayakar ayoŋ neni kus.

1 Ŋikor. 15:32

Inyoni nai aryamuni ayoŋ aŋuna ca ke ekibure a ituŋanan, erae ketijiye ŋituŋa ŋulu ikote ŋityaŋ ŋulu adedeŋak alo Epeso? Ani pa kiteyarun ŋikatwak, etiyata nai ikwapei elimunitere, “Emuja ka omata, anerae ikitwaki moi taparacu.”

1 Ŋikor. 16:7

Nyacamit akitorun aanyun iyes tokona alotooma apaki na ŋina euruwuana, nai egeno ayoŋ akiya adiopaki ŋina aoyan ka iyes, erae kecamaki Ekapolon.

1 Ŋikor. 16:8

Nai eboi ayoŋ a ne alotaun a Epeso akitodol akoloŋit ŋina a Pentekoste.

1 Ŋikor. 4:19

Nai, abuni ayoŋ atipei aanyun iyes erae kerae acamit ŋina ke Ekapolon, ido nai oanyu ayoŋ elope apedor kire ŋina eyakatar ŋituŋa ŋulu eturok ŋul, akilo ŋuna irworosi ikes.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

Ŋiep. 1:1

Ayoŋ Paulo, ŋolo arae ekiyakia ŋolo a Yesu Kristo aŋuna ka acamit a ŋina ka Akuj, egirit abaruwa na neni a ŋituŋa a ŋulu ka Akuj a ŋulu eyakasi Epeso, ŋulu ikinyoma alotooma akimorikina ka Yesu Kristo:

Ŋikis. 16:1

Totamunito elap ŋolo enyaritae Abib aŋuna ka akitiya ŋasuban ŋuna a Paska aŋuna a Ekapolon Akuj kus, anerae alolap a ŋolo enyaritae Abib, abu Ekapolon Akuj kus ikiyau iyes nakwaare anakwap a Ijipit.

Ŋibur. 6:3

Oloto kiŋaren! Ido toruwor ŋun ŋuna ikilosi akitiya, erae kikicamak Akuj.

Yak. 4:15

Ŋuna itemokino iyes tolimut ikes nu: “Ani kecamit Ekapolon, ikiyari ka ikitiyae nu kori ŋun.”

1 Pet. 3:17

Anerae ejok aryamun ŋican aŋuna ka akitiya ŋuna iyookino, erae kerae na acamit ŋina ka Akuj; akilo aryamun ŋican aŋuna ka akitiya ŋuna aronok.

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 2:1

“Kigir neni ke emalaika a ŋolo ka atukot a Ŋikristo alo Epeso atemar: “Erae ŋakiro nu ŋuna eponito aneni a ŋolo edakit ŋikacer ŋikanikaarei anakan keŋ a ŋina aloteten, ka ŋolo elosi alokidiŋ ŋawuoeta a ŋitaae ŋunakanikaarei ŋuna itiyaunitae a egolid.