Ŋitic. 18:2 - Ebaibul

² Toryamu iŋes aina Eyudayat ŋolo anyaritae Akwila, ŋolo auritae alo Ponitio. Keriŋa Akwila eboŋuni alo Italia, torukito ka aberu keŋ Prisila, anerae kebu Klauda ekepukan a Roma tolimu atemar torotokis Ŋiyudayan daadaŋ alo Roma. Tolot Paulo aanyun ikes,

Ŋitic. 18:2 Iomraidhean Croise

Ŋitic. 11:28

Tonyou epei alokidiŋ kec ŋolo anyaritae Agabo, todwar ka apedor a ŋina ke Etau a ŋolo Asegan atemar ebuni eron ŋolo apolon nakwap daadaŋ. Abu nai eron ŋol bu apaki ŋina araakar Klauda ekepukan a Roma.

Ŋitic. 18:18

Kiboiyoto Paulo ka ŋikanupak alo Korinto ŋirwa ŋulu alalak. Ani ekaku, totyakas ka ikes, torukosi iŋes ka Prisila ta Akwila, todoka ameeli, toloto Siria. Ani eriŋa Paulo nyeloto alo Kenikerea, totub ŋitim keŋ aŋuna ka akikoŋ a ŋina abu iŋes kikoŋ neni ka Akuj.

Ŋitic. 18:26

Kisyak nai iŋes erwor alosinagoga pa ekuryanit. Ani iirarete Prisila ka Akwila iŋes, tonyaraiyasi iŋes, tolimokis Erot ŋolo ka Akuj alopite a ŋolo iyookino adepar.

Ŋitic. 2:9

Ikiponit iwon anakwapin a nu: alo Parisia, alo Media ka Elam; alo Mesopotamia, Yudaya ka alo Kapadokia, Ponito ka Asia;

Ŋitic. 27:1

Ani etubuni Pesto atemar adol apaki ŋina erotokinere isua Italia, apotu ŋikapolok a Ŋiromanin alo Kaisaria inakis Paulo ka ŋimabus ŋice neni a Yulio, a ŋolo arae ekapolokiniton ŋisigarya amiat ŋulu anyaritae “Ajore ŋina ke ekepukan.”

Ŋitic. 27:6

Toryamu a nen ekapolokiniton ŋisigarya amiat ameeli ŋina abunit alotaun Alekisandaria, ŋina alosi Italia; tosodi ikitodok isua ameeli ŋin.

1 Ŋikor. 16:19

Ikimalaete iyes ŋituŋa ŋulu ka akwap a Asia. Ikimalaete iyes nooi Akwila ka Prisila ta ŋikanupak ŋulu iryamunun kai kec akilip alotooma Ekapolon.

2 Tim. 4:19

Kimalakinae Prisila, Akwila ka ŋituŋa ŋulu ke ekal a Onesiporo.

Ŋibur. 13:24

Kimalata ŋikarikok kus daadaŋ ka ŋituŋa ŋulu ka Akuj daadaŋ. Ikimalaete iyes ŋikaitotoi ŋulu eponito alo Italia.

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.