Ŋitic. 18:12 - Ebaibul

¹² Ani ituruworyo Galio ekawuoikiniton ekepukan a Roma anakwap a ŋina ka Akaia, tocunakinos Ŋiyudayan iwapei, kikamut Paulo yaasi loikiiko.

Ŋitic. 18:12 Iomraidhean Croise

Mat. 27:19

Ani eriŋa Pilato iboi alokicoloŋ a ŋolo etubonokinere, kiyaku aberu keŋ ŋakiro nu neni keŋ: “Nyiloma nakiro ŋuna ke ekile a ŋol, a ŋolo iyookino! Anerae ekecanito ayoŋ ŋakiro ŋuna bien nakwaare erujat ayoŋ aŋuna keŋ.”

Yoa. 19:13

Ani iirari Pilato ŋakiro ŋun, toriku Yesu kiŋa, kiboikin lokicoloŋ ŋolo ke ekatubon, nakibois ŋina enyaritae “Akititis”, nai a Ŋaburaniyae enyaritae “Gabata”.

Ŋitic. 13:12

Ani iŋolikini ekepukan ŋuna apotu kitiyakinos, tonup, anerae abu iŋes toumok nooi aŋuna ka akitatam a ŋina a ŋakiro a ŋuna ke Ekapolon.

Ŋitic. 13:50

Nai, apotu Ŋiyudayan kitutuko ŋaberu ŋuna apolok ŋuna ainakina neni ka Akuj ka ŋikarikok ŋulu ke etaun. Togeut ikes akisican Paulo ka Baranaba, kiritasi ikes anakwap kec.

Ŋitic. 13:7

Arae iŋes ekone ke ekepukan a Papos a ŋolo anyaritae Serugo Paulo. Arae Serugo Paulo ekile ŋolo aoson. Tonyaraiya iŋes Baranaba ka Saulo neni ayai iŋes, anerae acamit akiirar ŋakiro ŋuna ka Akuj.

Ŋitic. 13:8

Nai abu ekekukujan Elimas (epite ŋol anyaritotor Ŋigirik Ba-Yesu ŋol), ŋolo acamit akitooliyor ekepukan ananupit ŋakiro ŋuna ka Akuj, kitepeg ikes.

Ŋitic. 14:19

Nai aponito nen Ŋiyudayan alo Antiokio ka Ikonio, kicocoiyasi ikes ŋasepico, kitiriwo lowae kec; ido kimasamasata Paulo a ŋamoru, kiriyasi kiŋa etaun etamete atemar kori atwana.

Ŋitic. 14:2

Nai apotu Ŋiyudayan ŋulu awounito akinup kiguryakis ka kicocoa daŋ ŋituŋa ŋulu pa arae Ŋiyudayan akitoroniyar ŋikanupak.

Ŋitic. 17:13

Nai ani iirarete Ŋiyudayan ŋulu alo Tesalonika atemar iserae Paulo ŋakiro ŋuna ka Akuj tari alo Berea, potu ikes neni daŋ, togeut akitutuk ŋituŋa, kisiguryakis.

Ŋitic. 17:5

Nai min arakao neni a Ŋiyudayan, kiriraut ŋikerimitok emaket ŋice, toyeut aruruma. Kisiguryakis ikes etaun daadaŋ, tolomasi ka agogoŋu lore a Yason, iwarito Paulo ka Silas ayaun ikes kiŋa lotuŋa.

Ŋitic. 18:11

Aŋun, kiboi Paulo a nen todol ekaru epei ka ŋilapyo ŋikanikapei itatami ŋakiro ŋuna ka Akuj lotuŋa.

Ŋitic. 18:27

Ani etyakuni Apolo alosit Akaia, kisimukekis ŋikanupak ŋulu a Epeso iŋes alosit, kigirakis ŋabaruwae neni a ŋikanupak a ŋulu alo Akaia akijaun iŋes aina. Ani edoli iŋes inaa, kiŋarak iŋes nooi Ŋikristo ŋulu keris keruworosi ŋikanupak anajokis a ŋina ka Akuj.

Ŋitic. 19:21

Ani kitiyakinosi ŋakiro ŋun, totyaku Paulo alosit Makedonia ka Akaia, tolot nai Yerusalem. Tolimu iŋes tema, “Ani kadau ayoŋ ayakaun nen, itemokino oanyu Roma daŋ.”

Ŋitic. 25:10

Nai tolimu Paulo tema, “Awoi ayoŋ a ne alokiŋaren ŋikatubok ŋulu etubonokinete alokiro a ŋolo ke ekepukan a Roma, neni itemokino ayoŋ eketowoere. Emam aronis etiyak ayoŋ neni a Ŋiyudayan, ikwapei iyenia iyoŋ elope.

Ŋirom. 15:26

Anerae adaut Ŋikristo ŋulu alo Makedonia ka ŋulu ka Akaia alakar alemun ŋainakineta aŋuna a ŋikulyak alokidiŋ ŋituŋa ŋulu ka Akuj ŋulu eya Yerusalem.

Ŋirom. 16:5

Kimalata tari Ŋikristo ŋulu iryamiryameneneete kai kec. Kimalakinae Epaeneto lokone kaŋ ŋolo erae iŋes ageuni akinup ŋakiro a Kristo anakwap a Asia.

1 Ŋikor. 16:15

Iyenete iyes Stepana ka ŋituŋa ŋulu ke ekal keŋ, erae ikes Ŋikristo ŋulu esyaunete akinup anakwap a ŋina ka Akaia ka ainakinosi akitiya etic aŋuna a ŋituŋa ka Akuj. Ekemaimai ayoŋ iyes ŋikaitotoi,

2 Ŋikor. 1:1

Ayoŋ Paulo ŋolo arae ekiyakia ŋolo a Yesu Kristo, aŋuna ka acamit a ŋina ka Akuj ka Timoteo lokaato yok, ikigirit abaruwa na neni ka atukot a Ŋikristo a ŋina eyai Korinto ka lotuŋa ŋulu ka Akuj ŋulu eya Akaia daadaŋ.

2 Ŋikor. 11:10

Aŋuna a Kristo a ŋolo erae kire, a ŋolo alimonokini ayoŋ, eikinit ayoŋ atemar emam ituŋanan anakwap ka Akaia daadaŋ epedori akiretakin ayoŋ anakituro kaŋ.

2 Ŋikor. 11:26

Analosit kaŋ ŋarwa ŋuna alalak, abu omin kidiŋ aronis ŋina a ŋaŋololin a ŋuna aleleete ka aronis ŋina a ŋikademanarak, aronis ŋina a Ŋiyudayan a ŋulu pei erae ŋikaatuŋa ka ŋina a ŋituŋa a ŋulu nyerae Ŋiyudayan; ayai aronis lotaunio, nariet, aronis ŋina a ŋanamyo ka aronis ŋina a ŋikonei a ŋulu alyokonok.

2 Ŋikor. 9:2

Ayeni ayoŋ atemar itenito iyes akiŋarakin ka eketuror ayoŋ iyes alotuŋa a ŋulu a Makedonia. Abala ayoŋ ebe, “Ageun alokaru a ŋolo alunyar, etenito ŋikanupak ŋulu eya Akaia akiŋarakin.” Adau alelakinit kus ŋina ka akiŋaranakin akisimukekin ikes ŋulu alalak.

1 Ŋites. 2:14

Ŋikaitotoi, ikitakanikis iyes daŋ ŋunapei apotu totakanut neni a ŋatukon a Ŋikristo a ŋulu ka Akuj a ŋulu alo Yudaya, neni a ŋituŋa a ŋulu erae ŋulu a Yesu Kristo. Ipotu iyes daŋ toryamut ŋican alotuŋa a ŋulu erae ŋulu ka akwap kus, lopite ŋolopei aponiata ikes toryamuniata ŋican aneni a ŋituŋa kec a ŋulu erae Ŋiyudayan.

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

Yak. 2:6

Nai ijamuwasi iyes ŋikulyak! Meere mono ŋikabarak ikisicaneneete ka ikirikonorete iyes loikiikoe a?