Ŋitic. 17:14 - Ebaibul

¹⁴ Kitenakis ŋikanupak Paulo atipei, tolot ananam; nai kidoŋo Silas ka Timoteo Berea.

Ŋitic. 17:14 Iomraidhean Croise

Mat. 10:23

Ani ikitidiŋete ikes iyes alotaun ke epei, toema lotaun ece. Akalimokini ayoŋ iyes kire atemar, nyirikakinete iyes ekusitic alotaunio a ŋulu a Isirael, eriŋa nyebuno Lokoku a Ituŋanan.

Ŋitic. 1:15

Kelunyar ŋirwa ŋidikudyo, tocunakin ŋikanupak ŋulu aapikinito amiat ka ŋatomoniarei. Tosodi Petero tonyou kirworik

Ŋitic. 15:22

Tosodo nai Ŋikiyakia ka ŋikatukok kaapei ka ŋikanupak daadaŋ totyakut atemar, kejoikinit toseunae ŋikilyok ŋidi alokidiŋ kec, ido kiyakiyarae Antiokio kaapei ka Paulo ta Baranaba. Toseut ikes Silas ka Yuda ŋolo anyaritae Barasaba, ŋikilyok ŋulu akerer nooi alokanupak.

Ŋitic. 16:1

Todol Paulo tari Derube ka Listra. Ayai nen Ekristoit ŋolo anyaritae Timoteo, ŋolo arae toto keŋ Ayudayat ŋina anupit Yesu, nai arae papa keŋ Egirik.

Ŋitic. 17:10

Ŋinapei ani ewari akwap, tolimokis ŋikanupak Paulo ka Silas atemar toloto Berea. Ani edolete ikes inaa, toloto losinagoga a Ŋiyudayan.

Ŋitic. 17:15

Apotu ŋikilyok ŋulu etenarete Paulo kitodolo iŋes Asen. Toboŋosi nai ikes Berea, kedau Paulo akicik ikes atemar okoryamut iŋes Silas ka Timoteo atipei alotooma apaki ŋina euruwuana.

Ŋitic. 17:4

Tonupa ŋice alokidiŋ kec, toriwo neni a Paulo ka Silas. Tonupa daŋ Ŋigirik ŋulu alalak ŋulu ainakina neni ka Akuj, kaapei ka ŋaberu ŋuna alalak ŋuna apolok alotaun.

Ŋitic. 17:6

Nai ani eryamunete ikes emamukasi, kiriut Yason kaapei ka ŋikanupak ŋice lokapolok ŋulu ke etaun, tocelas ebasi, “Etolomut ŋikilyok lu ŋakiro ŋuna aronok nakwap daadaŋ! Tokona apotu ikes lotaun yok

Ŋitic. 18:5

Ani epote Silas ka Timoteo alo Makedonia, totum Paulo aayenen akeepaki daadaŋ elimonokini ka iteyenunui Ŋiyudayan atemar Yesu iŋes erae Kristo.

Ŋitic. 19:22

Kiyakiya iŋes kiŋaren ŋikeŋarakinitok keŋ ŋiarei, Timoteo ka Erasto, toloto Makedonia; eriŋa iŋes iriyat alo Asia.

Ŋitic. 20:3

Kiriya iŋes aina ŋilapyo ŋiuni. Ani eriŋa iŋes itemonokin alosit ka ameeli Siria, toyenu atemar etukosi Ŋiyudayan aŋuna keŋ. Aŋun, totyaku iŋes akitor nabo Makedonia eboŋori.

Ŋitic. 9:25

Nai apotu ŋikasyomak keŋ nakwaare yaasi iŋes kisitoro loole ŋolo ka arwatata, kiyooliyosi iŋes kwap a ebukit.

Ŋitic. 9:30

Ani eyenunete ŋikaitotoi ŋun, yaasi ikes iŋes Kaisaria, kitoloto lotaun ŋolo anyaritae Taso.

1 Tim. 1:3

Acamit ayoŋ iyoŋ kiboi alo Epeso ikwapei akadyekitor ayoŋ iyoŋ apaki ŋina alosio ayoŋ Makedonia. Itatamete ŋituŋa ŋice aina ŋakiro ŋuna erae alyokonu, ido itemokino iyoŋ kicikak ikes tojoŋoto akitatam ŋakiro ŋun.

Tito 1:5

Abu ayoŋ ekemyek iyoŋ alo Kirete, ikotere isubakini ŋakiro daadaŋ ŋuna etemokino tosubakinae aina ka aseun ŋikatukok ŋulu epolokinito ŋatukon a Ŋikristo alotooma ŋolotaun, ikwaŋina eketatamikinitor ayoŋ iyoŋ.

Yos. 2:16

Kicik iŋes ikes tema, “Toloto nakan ŋina a ŋikamukumukui, ikotere nyiryamasi ka ŋikilyok ŋulu ikiwarito iyes. Toŋopa aina ŋirwa ŋiuni akitodol ŋina eboŋunioto ŋikilyok ŋul lotaun kec, totuboros nai iyes, toloto.”