Ŋitic. 17:11 - Ebaibul

¹¹ Apupete ŋituŋa a nen ŋakiro akilo ŋulu alo Tesalonika, anerae apotu kijaut ŋakiro ŋuna ka Akuj ecamito nooi, tosyomete a ŋinakoloŋit ŋakiro ŋuna igiritae Nakigireta, ecamito aripun erae kerae kire ŋakiro ŋuna erworo Paulo.

Ŋitic. 17:11 Iomraidhean Croise

Yob 23:12

Nyimyekina ayoŋ akiwuapit ŋuna ekecikit iŋes ayoŋ akiwuap, ericakinit ayoŋ alelakinit nooi ŋakiro ŋuna abu iŋes okolimok ayoŋ.

Ŋikiru. 119:100

Ayakar ayoŋ apiiryanut ŋina iloit ŋina a ŋikasikou, anerae ewuapit ayoŋ ŋakiciketa kon.

Ŋikiru. 119:148

Akyenyi ayoŋ ŋisaae ŋulu ka akuwar daadaŋ, ikotere atamatamae ŋakiikineta kon.

Ŋikiru. 119:97

Okoe ayoŋ amina nooi ŋikisila kon, atamatamae ayoŋ ikes apaaran jwii,

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 8:10

Toseutu acamun ŋakiro ŋuna eketatami ayoŋ iyes, akilo iyes aseun acamun esilipa, toseutu acamun aosou, akilo iyes aseun acamun egolid ŋolo eliitae.

Ŋakit. 9:9

Kitatam ŋituŋa ŋulu aosok, eosokyoto ikes nabo nooi; kitatam ŋituŋa ŋulu iyookino, eryamunete ikes ŋuna kitiya anakiro a ŋuna itatami iyoŋ ikes.

Isa. 34:16

Kiwara ka tosyoma alokitaabo a Ekapolon ŋakiro nu: Mam ipei daŋ a ŋikyeny a ŋul ŋini emamukaun, mam ŋini nyeyakaun emam ŋiniberu ka ŋinikile. Adau Ekapolon alimun ŋun ka adau etau keŋ acunun ikes.

Isa. 8:20

ka aŋuna ka akitatamya ta ayenunia ŋuna emaikina kitiyae a?” Kire jik ŋituŋa ŋulu irworosi lopite ŋol nyerubakinete eyarete.

Yer. 2:21

Torae bo abu ayoŋ okodupak iyes esibit epiini ŋolo ajokan nooi, ŋolo elemunitae anateni a ŋina ajokan nooi. Anukiro bo imunaarotor iyes, ikwaanikinotor ka ekitoe a epiini ŋolo ka ariet?

Mat. 13:23

Isikwaanitae ŋikinyom ŋulu adoete nalup ŋuna ajokak ka ŋituŋa ŋulu iirarete akirot toyenut. Ŋul ikes kire erayete ŋikinyom, ŋice amiat, ŋice ŋatomonikanikapei, ka ŋice ŋatomoniuni.”

Luk. 1:2

Ikote nenipei ikilimokinitotor iwon ŋituŋa ŋulu aanyunito ka kiseraete daŋ anageunet.

Luk. 11:3

Inakinae isua a ŋinakoloŋit akosikimuj ŋina a jwi jwi.

Luk. 16:29

“Tolimok Aburaam iŋes tema, ‘Eyakatar atalokaato kon Moses ka ŋikadwarak, itemokino kiirasi ikes.’

Luk. 24:44

Tolimok Yesu ikes tema, “Erae ŋakiro nu ŋuna paaran akalimokinit ayoŋ iyes eriŋa iwon ikirukit; ŋakiro daadaŋ ŋuna egiritae a ŋuna kaŋ Lokisila ŋulu a Moses ka nakigireta ŋuna a ŋikadwarak ta lokirukisyo a Daudi; itemokino daadaŋ kiyookin.”

Yoa. 3:21

Nai iŋes ŋini itiyae ŋuna a kire elomuni nakica, ikotere kisileereunoe atemar itiyat iŋes ŋiticisyo keŋ anakimorikina ka Akuj.

Yoa. 5:39

Isyomete iyes Ŋakigireta ibasi kori iryamunete akiyar ŋina nyedaun alotooma kec, torae bo ŋakiro ŋuna akayenunere ayoŋ ikes igiritae Nakigireta ŋunapei ŋun!

Ŋitic. 10:33

Aŋun, abu ayoŋ atipei eyaki ŋikilyok aomun iyoŋ, ka ajokyar ibu iyoŋ. Ikiya tokona isua daadaŋ ne kiŋaren Akuj, akiirar ŋuna daadaŋ adau Ekapolon akicikakin iyoŋ.”

Ŋitic. 11:1

Kiirasi Ŋikiyakia ka ŋikanupak ŋulu alo Yudaya daadaŋ atemar kecamut ŋituŋa ŋulu pa arae Ŋiyudayan daŋ ŋakiro ŋuna ka Akuj.

Ŋitic. 17:1

Toloto ikes, kitoro lotaunio ŋulu ka Ampipoli ka Apolonia tari Tesalonika neni ayai esinagoga ŋolo a Ŋiyudayan.

Ŋitic. 2:41

Tonupa ŋituŋa ŋulu alalak ŋakiro keŋ kibatisae, ido kiyatakin lokanupak ŋituŋa ŋulu adolito ŋalipyo ŋauni akoloŋit ŋin.

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

1 Ŋites. 1:6

Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

2 Ŋites. 2:10

ka isitiyae amodiyo daadaŋ ŋina ka aronis keŋ alotuŋa a ŋulu ebukoro. Ebukorosi ikes, anerae apotu ikes nyijaut ka nyeminakis ŋakiro ŋuna a kire, ikotere toiunos.

Yak. 1:21

Aŋun, toesikisi ŋakiro ŋuna aronok ka ŋipitesyo ŋulu aronok daadaŋ. Kijautu ka akiyapara akirot ŋina iwuakinit Akuj lotai kus, ŋina epedori akiteyar ŋitai kus.

1 Pet. 2:2

Ikwapei iitanitotor ŋiŋwea ŋulu idounio ŋakile, kiitana iyes daŋ ŋakile ŋuna erae akirot ŋina ka Akuj, ikotere nai topolout ka toiunos.