Ŋitic. 16:6 - Ebaibul

⁶ Kirimosi ikes nakwapin ŋuna a Pirigia ka Galatia, kedau Etau ŋolo Asegan awoun ikes akisera ŋakiro ŋuna ka Akuj alo Asia.

Ŋitic. 16:6 Iomraidhean Croise

Isa. 30:21

Ani kilot iyes lowae ŋolo aloteten, kori lowae ŋolo alokedyeny, iirarete iyes etoil alokaku kus ebala, “Erot lo, tomekisi.”

Luk. 1:2

Ikote nenipei ikilimokinitotor iwon ŋituŋa ŋulu aanyunito ka kiseraete daŋ anageunet.

Ŋitic. 10:19

Ani eriŋa Petero etamatamae jik ŋuna ka atakanikinet, tolimok Etau ŋolo Asegan iŋes tema, “Simoni! Ikiitanito iyoŋ a ne ŋikilyok ŋiuni.

Ŋitic. 11:12

Okolimok ayoŋ Etau ŋolo Asegan arukor ka ikes pa aŋayaŋayat. Orukosi daŋ ayoŋ ka ŋikaitotoi ŋulukanikapei lu, tolotoi kai a Kornelio.

Ŋitic. 16:7

Ani edolete ikes lokukoru ŋolo a Misia, kikatakis ikes alosit nakwap ŋina anyaritae Bisinia; nai nyecamak ikes Etau ŋolo a Yesu.

Ŋitic. 18:23

Ani kedau iŋes apaki adio a nen, torotok tolot kirimo nakwapin ŋuna a Galatia ka Pirigia, kisimukek ŋikanupak daadaŋ.

Ŋitic. 19:10

Kitiya iŋes ŋun ŋikaru ŋiarei, kisiira Ŋiyudayan ka Ŋigirik daŋ alo Asia ŋakiro ŋuna ke Ekapolon.

Ŋitic. 20:16

Aris Paulo ketyaku adepar Epeso, ikotere nyicanicanaar adiopaki alo Asia. Ekirikira iŋes erae kepedori adolun Yerusalem nyedolo akoloŋit ŋina a Pentekoste.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 20:4

Torukosi ŋituŋa lu ka iŋes: Sopate ŋolo alo Berea--lokoku a Piro, Aristako ka Sekondo ŋulu alo Tesalonika, Gaio ŋolo alo Derube, Tuciko ka Tropimo ŋulu alo Asia ka Timoteo.

Ŋitic. 21:27

Ani eapikini ŋirwa ŋulukanikaarei ŋulu ka akiteseguno adaun, kiŋolikis Ŋiyudayan ŋice ŋulu alo Asia Paulo alo Kai ka Akuj. Kisiguryakis ikes asepic daadaŋ, kikamut Paulo.

Ŋitic. 6:9

Nai kitepega ŋituŋa ŋice iŋes. Arae ikes ŋituŋa ŋulu ke esinagoga a ŋolo enyaritae, “Ŋituŋa ŋulu Elacakina”. Arukito ikes ka ŋulu alo Kurene, Alekisandaria, Cilicia ka Asia.

Ŋitic. 8:29

Tolimok Etau ŋolo Asegan Pilipo tema, “Tolot nagaari ŋin, kidunya neni keŋ.”

Ŋirom. 16:5

Kimalata tari Ŋikristo ŋulu iryamiryameneneete kai kec. Kimalakinae Epaeneto lokone kaŋ ŋolo erae iŋes ageuni akinup ŋakiro a Kristo anakwap a Asia.

1 Ŋikor. 12:11

Ŋainakineta ŋun daadaŋ erae Etau ŋolo Asegan ŋolopei ŋol einanakini, iŋes ekoranakini neni a ŋinituŋanan anacamit keŋ.

1 Ŋikor. 16:1

Acamit tokona akirwor ŋakiro ŋuna etapito ŋuna a ŋisiliŋa a ŋulu erae tocunakinae kiŋaranakinere ŋituŋa ŋulu ka Akuj ŋulu eyakasi Yudeya. Itemokino iyes kitiyata ŋuna abu ayoŋ olimok ŋatukon ŋuna a Ŋikristo a ŋulu anakwap a Galatia.

1 Ŋikor. 16:19

Ikimalaete iyes ŋituŋa ŋulu ka akwap a Asia. Ikimalaete iyes nooi Akwila ka Prisila ta ŋikanupak ŋulu iryamunun kai kec akilip alotooma Ekapolon.

2 Ŋikor. 1:8

Ŋikaitotoi, ikicamit isua iyes toyenut ŋican ŋulu aponi isua toryamunae anakwap a ŋina ka Asia. Aponi isua toryamunae ŋican ŋulu alalak nooi, tolalata ŋican ŋul nooi, todaun aneni kosi akigeno daadaŋ ŋina ka akiyar.

Ŋigal. 1:2

Ayoŋ ka ŋikaitotoi daadaŋ ŋulu eyakasi ne, ikiyakuunit ŋimalasyo neni a ŋatukon a Ŋikristo anakwap a Galatia.

Ŋigal. 3:1

Iyes Ŋigalatiyae, ŋibaŋaanotin! Ŋae ikirogat iyes? Arae kiŋaren kus a ŋilopeyek aponere kisileereunere ŋakiro ŋuna ka atwanare a Yesu Kristo alomusalaba!

2 Tim. 1:15

Iyeni iyoŋ atemar akaesikis ayoŋ daadaŋ ŋulu eyakasi Asia, akaesikis ayoŋ tari Pugelos ka Erimogene.

2 Tim. 4:10

Aminaki Demas ŋakiro ka akwap a na, ido akaesiki ayoŋ, alot Tesalonika, alot Keresike nakwap a Galatia, alot Tito nakwap a Dalamatia.

Ŋibur. 11:8

Anupit iŋes ewuapakinia Aburaam ŋakiro ŋuna ka Akuj apaki ŋina anyaraa Akuj iŋes alosit nakwap ŋina eikinit Akuj ainakin iŋes. Toesik iŋes akwap keŋ, pa eyeni neni alosi.

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 1:4

Ayoŋ Yoana egirit emalas lo neni a ŋatukon a Ŋikristo a ŋunakanikaarei a ŋuna eyakasi Asia: Toyai ajokis ka ekisil neni kus ŋulu eponito aneni ka Akuj a ŋina erae ka arae, ka ŋina ebuni, ka aneni a ŋitai a ŋulukanikaarei, a ŋulu eyakasi kiŋaren ekicoloŋ keŋ,