Ŋitic. 16:19 - Ebaibul

¹⁹ Nai ani eyenunete ŋikapolok keŋ atemar adaun epite ŋolo sek aryamununiata ikes ŋisiliŋa, aŋuna eritarere ekipye, kikamut ikes Paulo ka Silas, torikosi ikes lokepukak ŋulu ayakasi neni iikiikere.

Ŋitic. 16:19 Iomraidhean Croise

Dan. 6:12

Apotu nai ŋikilyok ŋul toloto neni a erwosit kirworo ŋakiro a ekisil a ŋolo aponi totubunoe temasi, “Okoe erwosit, pa mono ibu iyoŋ kiwuak akan kon lokisil ŋolo aponi totubunere atemar ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo a?” Toboŋok erwosit tema, “Ŋuna aponi totubunoe, nyilocokino, eyakasi lopite ŋolo igiritere ŋikisila a Ŋimedes ka Ŋiperisan, ŋikisila ŋulu emam nyiloconokinio.”

Mat. 24:9

“Ikikamunete ikes iyes ikisican ka itaari; ikiremokinosi iyes ŋituŋa daadaŋ aŋuna ke ekiro kaŋ.

Mar. 13:9

“Tocoito iyes, anerae epote ikes arikor iyes loikiikoe ka ikibuŋaete alosinagogae. Ikitowuoyo iyes alokiŋaren ŋikepukak ka ŋikapolok ŋice daŋ aŋuna kaŋ. Apaki ŋin, iŋes iruworotor iyes ŋisuudae kaŋ.

Ŋitic. 14:19

Nai aponito nen Ŋiyudayan alo Antiokio ka Ikonio, kicocoiyasi ikes ŋasepico, kitiriwo lowae kec; ido kimasamasata Paulo a ŋamoru, kiriyasi kiŋa etaun etamete atemar kori atwana.

Ŋitic. 14:5

Totukut nai ŋulu pa arae Ŋiyudayan ka Ŋiyudayan kaapei ka ŋikarikok kec akibuŋa ka akicak Ŋikiyakia a ŋamoru.

Ŋitic. 15:22

Tosodo nai Ŋikiyakia ka ŋikatukok kaapei ka ŋikanupak daadaŋ totyakut atemar, kejoikinit toseunae ŋikilyok ŋidi alokidiŋ kec, ido kiyakiyarae Antiokio kaapei ka Paulo ta Baranaba. Toseut ikes Silas ka Yuda ŋolo anyaritae Barasaba, ŋikilyok ŋulu akerer nooi alokanupak.

Ŋitic. 15:26

ŋulu ajal akiyar kec aŋuna ke Ekapolon yok Yesu Kristo.

Ŋitic. 15:40

nai toseu Paulo Silas, ido toloto, kedaut ŋikanupak akicikakin ikes anajokis a ŋina ke Ekapolon.

Ŋitic. 16:16

Apeikoloŋit elosyo isua neni elipeneneere, kiryamunetei ka apese ŋina arae apito, ŋina ayakar ekipye ŋolo ainakinit iŋes akidwar ŋakiro ŋuna eponito alokiŋaren. Aryamianakini iŋes ŋikapolok keŋ ŋisiliŋa ŋulu alalak anakidwar keŋ.

Ŋitic. 16:20

Ani kedaut ikes ayaun ikes lokatubok, temasi, “Erae ŋikilyok lu Ŋiyudayan, isiguryaete ikes etaun yok.

Ŋitic. 16:25

Ani eapikini kidiŋ akuwar, elipete Paulo ka Silas toeos ŋieosyo neni ka Akuj, topupete ŋimabus ŋuluce ikes.

Ŋitic. 16:29

Tonyarau ekapolokiniton mabus ituŋanan ayaun etaa, kipumar tooma, toramakin kiŋaren Paulo ka Silas emarani.

Ŋitic. 17:6

Nai ani eryamunete ikes emamukasi, kiriut Yason kaapei ka ŋikanupak ŋice lokapolok ŋulu ke etaun, tocelas ebasi, “Etolomut ŋikilyok lu ŋakiro ŋuna aronok nakwap daadaŋ! Tokona apotu ikes lotaun yok

Ŋitic. 21:30

Kiguryakin etaun daadaŋ, toema ŋituŋa daadaŋ kaapei kikamut Paulo, kiriyasi iŋes kiŋa Akai ka Akuj ka togolokinoe atipei ŋikekya.

Ŋitic. 8:3

Nai abu Saulo kisyak akinyasun ŋatukon a ŋikanupak; erimit iŋes nakais akiriunun ŋikilyok ka ŋaberu, toen ikes alomabus.

Ŋitic. 9:16

Etoodikini ayoŋ elope iŋes etyae ŋolo a ŋican a daadaŋ a ŋulu itemokino iŋes toryamu aŋuna ke ekiro kaŋ.”

2 Ŋikor. 6:5

Aponi ikibuŋae isua, ikiwuakin mabus ka itosutonokin; aponi ikisitiyae isua nooi, nyejotooro kori nyimuja.

Ŋipil. 1:30

Ido tokona ikimunikinit iwon kaapei aŋuna a Ŋakiro a ŋuna Ajokak, lopite ŋolopei iponiata iyes ikiŋolikiniata ayoŋ amunikinit ka ŋolopei amunikinitor ayoŋ tokona, ikwapei ipupyoto.

1 Ŋites. 2:2

Iyenete iyes epite ŋolo aponere ikiteryamunere isua ŋican ka itobolyare alo Pilipi. Kikote neni daŋ, abu Akuj yok ikiinak isua atitinyu ŋina limonokinet iyes Ŋakiro ŋuna Ajokak ŋuna eponito aneni keŋ, tari ŋina atyonio nooi etic kosi.

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.

Yak. 2:6

Nai ijamuwasi iyes ŋikulyak! Meere mono ŋikabarak ikisicaneneete ka ikirikonorete iyes loikiikoe a?