Ŋitic. 16:17 - Ebaibul

¹⁷ Kiwuapu iŋes Paulo ka isua ecela ebala, “Erae ŋikilyok lu ŋiketiyak ŋulu ka Akuj a ŋina alokidiama nooi! Iseraete ikes epite ŋolo ipedoryata iyes aiuno!”

Ŋitic. 16:17 Iomraidhean Croise

Ŋikiru. 57:2

Egworonokini ayoŋ Akuj ŋina alokidiama nooi, Akuj ŋina erae iŋes isiyoonokini acamit keŋ aŋuna kaŋ.

Ŋikiru. 78:35

Atamununeete ikes atemar erae Akuj akaiunan kec, atamununeete ikes atemar erae Akuj ŋina alokidiama nooi akalakunan kec.

Dan. 3:26

Toapiya nai Nebukadinesar lopuke ŋolo a ekitet a ŋolo arira akim, kirworik tema, “Sadirak, Mesak ka Abedinego iyes ŋiketiyak ŋulu ka Akuj a ŋina alokidiama nooi, tolomutu kiŋa!”

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 4:2

Erae alakara kaŋ alimokin iyes ŋakitoodyanakineta ka ŋaumonokineta ŋuna adau Akuj ŋina alokidiama nooi akitiya aŋuna kaŋ.

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Dan. 5:21

Aponi kiritarae iŋes alotuŋa a ŋuluce, aponi kisikwaanikinae ŋatameta keŋ ka ŋuna a etyaŋ. Abu iŋes kiboi aneni iboiyoto ŋityaŋ ŋulu ka ariet ŋulu ikwaan ka ŋisigirya, ido enyami ŋinya ikwa ŋaatuk, aponi akuwan keŋ kitopalalae a ŋakopi a ŋuna alokidiama, akitodol ŋina ayenunia iŋes atemar Akuj ŋina alokidiama iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 6:16

Tolimok nai erwosit ŋituŋa atemar yaunae Daniel, tosodi aponi yaunae Daniel kimasakinae nadui a ŋiŋatunyo. Tema erwosit neni a Daniel, “Elipi itoiu iyoŋ Akuj kon ŋina itiyanakini anakikinyoma!”

Dan. 6:20

Ani eapiyari iŋes nadui neni ayai Daniel, kiworou a etoil a ŋolo eyaloloŋi enyarit Daniel ebala, “Okoe Daniel, eketiyan a Akuj a ŋina eyari, ikiu iyoŋ Akuj kon ŋina itiyanakini iyoŋ anakikinyoma a? Ikiu iŋes iyoŋ aneni a ŋiŋatunyo a?”

Yona 1:9

Toboŋok Yona tema, “Arae ayoŋ Eburaniyat, etopoloorit ayoŋ Ekapolon Akuj ŋina eyai nakuj, ŋina abu tosub anam ka akwap.”

Mika 6:6

“Nyo emaikina ayoŋ oyau neni ke Ekapolon a Akuj a ŋina alokidiama, apaki ŋina abunio akilip neni keŋ? Emaikina mono ayoŋ oyau ŋainakineta ŋuna epeyo, kaapei ka ŋitak ŋulu erae apolou kec ekaru epei a?

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Mat. 8:29

Kiworout ŋikilyok ŋul temasi, “Anukiro eya iyoŋ ka isua, Lokoku ka Akuj? Ibunit iyoŋ amunyar isua eriŋa apaki nyedolo a?”

Mar. 1:24

tema, “Icamit iyoŋ akikokin isua ai, iyoŋ Yesu ŋolo a Nasaret? Ibunit iyoŋ amunyar isua a? Akayeni ayoŋ iyoŋ atemar irae epei bon ŋolo Asegan, ŋolo ka Akuj.”

Mar. 12:14

Ani edolunete ikes neni a Yesu, temasi, “Eketataman, ikiyeni isua atemar irworo iyoŋ ŋuna iyookino ka nyimisit ŋuna etamete ŋituŋa. Nyityakatyakat iyoŋ ŋituŋa, nai itatami ŋuna a kire ŋuna ka Akuj. Ikicamakinito mono isua Ŋikisila akibuk ocur neni ke ekepukan a Roma kori mam?

Mar. 5:7

kiworou nooi tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Ekemaimai kare ca ayoŋ iyoŋ aŋuna ka Akuj ebe, nyikisican kare ca!”

Luk. 1:77

Tolimonok ikes atemar eiunio ikes aŋuna isyoniyere ŋasecisya kec.

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 20:21

Tolimokis ŋibekae ŋul Yesu temasi, “Eketataman, ikiyeni isua atemar iyookino ŋakiro ŋuna irworo iyoŋ ka ŋuna itatami daŋ. Nyimisit iyoŋ kepol ituŋanan kori kemam, nai itatami iyoŋ ŋuna a kire ŋuna ka Akuj alopite a ŋolo iyookino.

Luk. 4:34

“Wooi! Eya iyoŋ ŋakiro ka isua Yesu ŋolo a Nasaret a? Ibunit iyoŋ amunyar isua a? Akayeni ayoŋ iyoŋ, irae iyoŋ ŋolo Asegan ŋolo ka Akuj!”

Luk. 4:41

Tari ŋipyan apotu tolomut alotuŋa iworoete ebasi, “Irae iyoŋ Lokoku ka Akuj!” Nai kikilyanak Yesu ikes nyecamak tari epei akirworikin, anerae ayenete ikes atemar Yesu erae Kristo.

Luk. 8:28

Ani iŋolikini iŋes Yesu, kiworou toramakin kiŋaren keŋ, tocelu tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Akadyekit ayoŋ iyoŋ atemar, nyikisican kare ca!”

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Ŋitic. 18:26

Kisyak nai iŋes erwor alosinagoga pa ekuryanit. Ani iirarete Prisila ka Akwila iŋes, tonyaraiyasi iŋes, tolimokis Erot ŋolo ka Akuj alopite a ŋolo iyookino adepar.

Ŋitic. 19:13

Kikatakis nai Ŋiyudayan ŋice, ŋulu erimito kiritanarete ŋipyan, akisitiya ekiro ŋolo ke Ekapolon Yesu akiritanarya ŋipyan. Abasi ikes lopyan, “Akalimokini ayoŋ iyoŋ alokiro a Yesu, a ŋolo iserae Paulo ŋakiro keŋ, tolot.”

1 Pet. 2:16

Kiboiyoto ikwa ŋituŋa ŋulu ilacakina, nai nyisitiyata alacakina kus akiwaitor aronis. Kiboiyoto ikwa ŋiketiyak ŋulu ka Akuj.

2 Pet. 2:2

Iwuapete ŋikalalak ŋipitesyo kec ŋulu ka asiilyanut; aŋuna kec, iyanyete nooi ŋuluce erot ŋolo a kire.