Ŋitic. 15:4 - Ebaibul

⁴ Ani edolunete ikes Yerusalem, kijau atukot ŋina a Ŋikristo ka Ŋikiyakia ta ŋikatukok ikes. Tolimokis Paulo ka Baranaba ikes ŋakiro daadaŋ ŋuna abu Akuj kitiya aneni kec.

Ŋitic. 15:4 Iomraidhean Croise

Mat. 10:40

“Ituŋanan ŋini ikijauni iyes, ekejau ayoŋ, nabo ŋini ekejauni ayoŋ, ejau iŋes ŋini ekeyakuunit ayoŋ.

Ŋitic. 11:30

Kitiyata ikes ŋun, kiyakiyasi Baranaba ka Saulo yaasi ŋisiliŋa, inakis ŋikatukok ŋulu ka atukot a Ŋikristo alo Yudeya.

Ŋitic. 14:27

Ani edolunete ikes Antiokio, tocunakis ŋikanupak, tolimokis ikes ŋakiro daadaŋ ŋuna abu Akuj kitiya aneni kec ka epite ŋolo abunio Akuj toŋaarya erot ŋolo enupyata ŋituŋa ŋulu nyerae Ŋiyudayan.

Ŋitic. 15:12

Kililiŋa ŋituŋa ŋulu ka atukot daadaŋ, topupokis daŋ Baranaba ka Paulo elimonorete ŋuna a ŋaumonokineta ka ŋakujuwuanisya daadaŋ ŋuna kitiyat Akuj aneni kec alokidiŋ ŋituŋa ŋulu pa arae Ŋiyudayan.

Ŋitic. 15:2

Apotu ŋakiro nu inakis Paulo ka Baranaba ebura ka apeganakin ka ikes. Toseunae nai Paulo ka Baranaba ta ŋikanupak ŋice alosit Yerusalem aanyun Ŋikiyakia kaapei ka ŋikatukok a Ŋikristo aŋuna a ŋakiro a ŋun.

Ŋitic. 15:22

Tosodo nai Ŋikiyakia ka ŋikatukok kaapei ka ŋikanupak daadaŋ totyakut atemar, kejoikinit toseunae ŋikilyok ŋidi alokidiŋ kec, ido kiyakiyarae Antiokio kaapei ka Paulo ta Baranaba. Toseut ikes Silas ka Yuda ŋolo anyaritae Barasaba, ŋikilyok ŋulu akerer nooi alokanupak.

Ŋitic. 15:3

Aŋun, kiyaki atukot a Ŋikristo ikes. Ani etubete ikes neni anyaritae Poenikia ka Samaria, kitatamikis ikes ŋituŋa ŋul epite ŋolo anupyata ŋituŋa ŋulu nyerae Ŋiyudayan Akuj. Kitelelyana ŋakiro ŋun ŋikanupak daadaŋ.

Ŋitic. 15:6

Totukokin nai Ŋikiyakia ka ŋikatukok aripirip ŋakiro ŋun.

Ŋitic. 16:4

Ani irimorete ikes lotaunio, tolimonokis ikes ŋikanupak akiwuap ŋakiro ŋuna apotu Ŋikiyakia ka ŋikatukok totubut alo Yerusalem.

Ŋitic. 18:27

Ani etyakuni Apolo alosit Akaia, kisimukekis ŋikanupak ŋulu a Epeso iŋes alosit, kigirakis ŋabaruwae neni a ŋikanupak a ŋulu alo Akaia akijaun iŋes aina. Ani edoli iŋes inaa, kiŋarak iŋes nooi Ŋikristo ŋulu keris keruworosi ŋikanupak anajokis a ŋina ka Akuj.

Ŋitic. 21:17

Ani edolunio isua Yerusalem, ikijaut ŋikanupak isua ka alakara.

Ŋitic. 21:19

Kimala Paulo ikes, ido kitatamik ereunit a ŋapeipei ŋakiro daadaŋ ŋuna aris Akuj kitiya alotic keŋ lotuŋa ŋulu pa arae Ŋiyudayan.

Ŋirom. 15:18

Erwori ayoŋ emam akuryanu, ido alimuni ŋuna etiya Kristo aneni kaŋ, ŋuna ka akirik ŋituŋa ŋulu nyerae Ŋiyudayan tokera Akuj. Apotu ŋun kitiyakinos alotooma alimonokin ka ŋiticisyo,

Ŋirom. 15:7

Tocamuna nai make, aŋuna ka akitopoloor Akuj, ikwapei adaunia Kristo acamun iyes.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

2 Ŋikor. 5:19

Akuj iŋes abu kimorikinos ka akwap alotooma Kristo, nyimari iŋes ŋasecisya a ŋituŋa aŋuna ka akisicania ikes. Ikicikak iŋes isua etic ŋolo ka akimoryanakin.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋikol. 4:10

Iyakuunit Aristako ŋolo eyai mabus kaapei ka ayoŋ ŋimalasyo neni kus; Mariko daŋ lokaaya a Baranaba iyakuunit ŋimalasyo neni kus. (Idaut iyes ayenun ŋuna kitiya aŋuna ka akijaun Mariko erae kebu inaa.)

2 Yoa. 1:10

Ani kebu ituŋanan neni kus nyikilimok iyes akitatam ŋin, nyijaut iŋes kai, kori nyimalata iŋes;