Ŋitic. 15:33 - Ebaibul

³³ Ani kiboiyoto ikes a nen ŋirwa ŋidi, kitoloto ŋikanupak ikes ke ekisil, toboŋosi neni a ŋulu eyakuunito ikes. [

Ŋitic. 15:33 Iomraidhean Croise

Akisy. 26:29

ikotere nyitiya iyoŋ ŋadi ŋuna aronok neni kosi, lopite ŋolopei nyetapya isua iyoŋ ka nyitiya isua ŋadi ŋuna aronok neni kon, nai ŋuna ajokak, ido aponi isua ikitowuotokin iyoŋ emam ŋace. Tokona irae iyoŋ ŋolo ikiterereŋit Ekapolon.”

Awos. 4:18

Tolot nai Moses a nen neni a Yesiro alokamuran keŋ tema, “Ekemaimai ayoŋ iyoŋ papa, kimyekinae ayoŋ oboŋo neni a ŋiyeneta kaŋ nakwap a Ijipit eŋolik erae keriŋa eyarete.” Tema Yesiro neni a Moses, “Ape a ekisil.”

Mar. 5:34

Tolimok Yesu iŋes tema, “Nakoku, ikitaŋaleu iyoŋ anupit kon. Toŋaleu, tolot a ekisil.”

Ŋitic. 15:22

Tosodo nai Ŋikiyakia ka ŋikatukok kaapei ka ŋikanupak daadaŋ totyakut atemar, kejoikinit toseunae ŋikilyok ŋidi alokidiŋ kec, ido kiyakiyarae Antiokio kaapei ka Paulo ta Baranaba. Toseut ikes Silas ka Yuda ŋolo anyaritae Barasaba, ŋikilyok ŋulu akerer nooi alokanupak.

Ŋitic. 15:34

Nai totyaku Silas akidoŋ nen.]

Ŋitic. 16:36

Tosodi ekapolokiniton mabus tolimok Paulo ŋakiro ŋun tema, “Eyakuut ŋikatubok akirot atemar ikilacakin iyes. Tonyoutu nai, toloto a ekisil.”

1 Ŋikor. 16:11

Nyejamuwa idiotuŋanan iŋes. Kiŋarakisi iŋes, ikotere torubak elosi a ekisil, ido toboŋu neni kaŋ; anerae edarit ayoŋ iŋes torukut ka ŋikanupak.

Ŋibur. 11:31

Anupit iŋes ejaunia amalaat ŋina anyaritae Raab ŋirototin ŋulu a Ŋisirael; aŋun aponi nyeari iŋes ikwa ŋituŋa ŋuluce ŋulu aŋerito Akuj.

2 Yoa. 1:10

Ani kebu ituŋanan neni kus nyikilimok iyes akitatam ŋin, nyijaut iŋes kai, kori nyimalata iŋes;