Ŋitic. 15:20 - Ebaibul

²⁰ Nai itemokino akigirakin ikes abaruwa, ikotere toesikis akinyam ŋamuja ŋuna nyitesegunitae, anerae einakinitae sek nakujo; toesikis daŋ amalao ka nyenyamete ediotyaŋ ŋolo emyeditae kori ŋaokot.

Ŋitic. 15:20 Iomraidhean Croise

Akisy. 35:2

Aŋun, abu Yakob tolimok ŋituŋa a ekal keŋ ka ŋituŋa daadaŋ ŋulu arukitotor iŋes tema, “Tocakasi nariet ŋakujo ŋunagelaanotin ŋuna iyakatar iyes. Kitaleutu ŋawat kus ka tonapa ŋilowi ŋice;

Akisy. 9:4

Nai nyinyama akiriŋ eyakasi ŋaokot, nyiira ŋaokot tari anakiriŋ.

Awos. 20:23

Nyitiyaut aŋuna kus ŋakujo kilipete neni kec, ido kilipete neni kaŋ daŋ, nyemaikina iyes kitiyaut aŋuna kus ŋakujo tari alosilipa, kori alogolid.

Esek. 33:25

Aŋun, tolimok ikes ebe, ‘Alimu Ekapolon Akuj atemar, inyamete iyes akiriŋ eyakasi ŋaokot, ido erae neni a ŋakujo ikinyomito iyes ka iarete ŋuluce; ipedorete kire iyes aryamun akwap ŋina eruwor ŋina kus a?

Esek. 4:14

Abu nai ayoŋ otema, “Meere ikoŋina Ekapolon Akuj! Nyemunaara ayoŋ ŋinapei akuwan kaŋ. Ŋinapei anasoroko kaŋ akitodol tokona, nyenyama ayoŋ ibore ŋini etwani bon, kori ŋini earito ŋityaŋ ŋulu ka ariet. Nyiwuakina ayoŋ nakituk kaŋ akiriŋ ŋina eketaleo.”

Dan. 1:8

Nai abu Daniel toseu atemar nyemunaar iŋes anakimuj ŋamuja a erwosit, kori anakimat epiini ŋolo a erwosit; aŋun, abu kiŋit ekapolokiniton akai a apukan akimyekin iŋes nyemunaa akuwan keŋ.

Ŋilep. 18:6

“‘Mam ituŋanan emaikina tolot neni a iyenet keŋ aŋuna ka akiryamakin. Arae ayoŋ Ekapolon.

Ŋilep. 19:26

“‘Nyinyama akiriŋ a ityaŋ, kori a ibarasit a ŋini nyeŋolitae toitasi ŋaokot. Nyemaikina iyes toruworos ŋimurok, kori ŋikekukujak.

Ŋilep. 3:17

Emaikina nu toruworos etal ananyameta kus a daadaŋ ka anakiboisyo kus a daadaŋ: Nyemaikina iyes tonyama asepwae adio, kori tonyama ŋaokot ŋadi.

Ekim. 25:2

Apotu ŋaberu ŋun torikokis Ŋisirael akitiya ŋamuronisya neni a ŋakujo a Ŋimoabi, kisyakis Ŋisirael akimuj ka akilip neni a ŋakujo a Ŋimoabi.

Ŋitic. 15:29

itemokino iyes toesikis akinyam ŋamuja ŋuna einakinitae nakujo, ŋaokot, ediotyaŋ ŋolo emyeditae ka akitiya amalao. Ani kicoikis iyes ŋun, itiyaete ejok. Ikianyun.”

Ŋitic. 21:25

Nai lotuŋa ŋulu nyerae Ŋiyudayan, ŋulu sek aris keruworosi ŋikanupak, ikiyakik isua ikes abaruwa alimokin ikes ebe aponi isua totyakunae atemar itemokino ikes toesikis akinyam ŋamuja ŋuna einakinitae nakujo, ŋaokot, ediotyaŋ ŋolo emyeditae ka akitiya amalao.”

1 Ŋikor. 5:11

Nai ŋuna abu ayoŋ olimu ikes nu: nyirukito ka ituŋanan ŋini ebala arae iŋes lokaato alotooma Kristo, nai tomalaana kori tororokana kori kilipi neni a ŋakujo a ŋace kori tosyomar ŋuluce kori tomerana kori tokokolana. Nyimora tari ka ituŋanan ŋin akimuj.

1 Ŋikor. 6:13

Etemari ice ebe, “Erae akimuj ŋina ka akook ka erae akook ŋina ka akimuj.” Iyookino, nai itasaluni Akuj ikes daadaŋ. Nyitemokino akuwan isitiyao aŋuna ka amalao, nai itemokino kitiyanakinere Ekapolon ka Ekapolon iŋes iyokit akuwan.

1 Ŋikor. 6:18

Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

1 Ŋikor. 7:2

Nai aŋuna elalaata ŋakitemyeta ŋuna ka adoteu, itemokino ŋolokile toryamu aberu keŋ a elope ka ŋinaberu ekile keŋ ka alope.

1 Ŋikor. 8:1

Egiri tokona ŋuna ikamunito ŋuna ipotu iyes kigira aŋuna a ŋamuja a ŋuna einanakinio erae amuronot nakujo ŋace. Iyookino kire atemar, “Ikiyakar iwon daadaŋ ayenut.” Isiturokini ayenut ituŋanan, nai amina iŋes itogogoŋi ituŋanan.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

Ŋigal. 5:19

Ileere aseconu ŋina itiya alotooma ituŋanan anakiro a nu: amalao, asiilyanut, adoteu,

Ŋiep. 5:3

Ikwapei iraakatar iyes ŋituŋa ŋulu ka Akuj, nyitemokino ŋakiro daadaŋ ŋuna ka amalao kori ŋuna ka asiilyanut kori arorokanut elimitoe alokidiŋ kus.

Ŋikis. 12:16

Nai nyemaikina iyes tonyama ŋaokot, tobukokisi ikes nalup ikwa ŋakipi.

Ŋikis. 14:21

Nyinyama idiobore ŋini etwani bon, ani kicamito inakisi tonyama ŋituŋa ŋulugelae ŋulu iboiyete ka iyes alotaunio kus, kori togyelakisi neni a ituŋanan a ŋinigela, anerae irae iyes ŋulu asegak aneni ke Ekapolon Akuj. Nyidorokis ikale ŋinimeot a ŋakile a toto keŋ.

Ŋikis. 15:23

Nyemaikina nai iyes tonyama ŋaokot kec, tobukokisi nalup ikwa ŋakipi.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

1 Ŋites. 4:3

Ŋuna ecamit Akuj ikes nu: toruworos ŋulu isegak ŋulu itoodiuna anakiyar kus atemar irae ŋulu keŋ. Toŋero amalao;

Ŋibur. 12:16

Nyitemokino idio kus eruwor ŋini emalaana kori ŋini ejamuwarit Akuj, ikwa Esau ŋolo abu kisyeca anakimujet ka apei bon apolou ŋina araakar iŋes esapat ŋolo kiyae.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

1 Pet. 4:3

Ipotu iyes yaa apaki ŋina aoyan alorwa a ŋulu alunyar itiyaete ŋuna a ŋulu nyenupito Akuj: anasiilyanut, alokibure a ŋolo a ŋawat kus, anamera ka anaronis a ŋina ilipyata ŋakujo ŋuna itiyaunitae.

Akis. 10:2

Ayai nakan keŋ ekitaabo ŋolo adit ŋolo aŋaara. Abu kiwuak akeju keŋ ŋina aloteten nanam ka ŋina alokedyen kwap,

Akis. 10:8

Abu nabo etoil ŋolo sek eirarit ayoŋ irworo anakuj okolimok ayoŋ tema, “Ape tolema ekitaabo ŋolo eŋaara ŋolo eyai nakan ŋina ke emalaika a ŋolo ewuoi ananam ka anakwap.”

Akis. 2:14

Nai eketoroniyarit ayoŋ iyoŋ a ŋakiro a ŋadi a nu: “Eyakasi kidiŋ kus ŋituŋa ŋice ŋulu etupito akitatam ŋina ke ekile a ŋolo enyaritae Balaam, a ŋolo koloŋ abu kitatam ekile ŋolo enyaritae Balak akicocoiyar Ŋisirael nasecit anakitanyam ŋamuja ŋuna ainakinitae ŋakujo ka akitiya amalao.

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.

1 Sam. 14:32

Aŋun, apotu ŋajorei a Ŋisirael toemakin loboro ŋulu aŋatunito, tomyaasi ŋamesekin, ŋimoŋin ka ŋitak. Toarakis Ŋisirael ŋibaren ŋul daadaŋ kwap, tonyama akiriŋ eyakasi ŋaokot.

1 Sam. 14:33

Aponi nai tolimokinae Saul ebe, “Kiira, aseca ŋituŋa aneni ke Ekapolon aŋuna anyamyata akiriŋ eyakasi ŋaokot.” Tema nai Saul, “Itiyata iyes ŋuna nyikicamakinitae. Kikokoriutu tokona amoru ŋina aburon ne.”