Ŋitic. 14:7 - Ebaibul

⁷ Tolimonokis ikes Ŋakiro ŋuna Ajokak lotuŋa aina.

Ŋitic. 14:7 Iomraidhean Croise

Ŋitic. 11:19

Toloto ŋikanupak ŋulu aponi kielarae aŋuna ka akisicanio a ŋina atakanuni kelunyar atwanare a Stepano, todolo Poenikia, Kupuro ka Antiokio. Kitatama ikes Ŋakiro ŋuna Ajokak neni a Ŋiyudayan make.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 14:21

Tolimonokis Paulo ka Baranaba Ŋakiro ŋuna Ajokak alo Derube. Ani kedaut aryamun ŋikanupak ŋulu alalak, toboŋosi Antiokio, kitoro Listra ka Ikonio.

Ŋitic. 16:10

Ani keanyuwa Paulo atakanikinet ŋin, kiitanae isua atipei alosit Makedonia, anerae ikipotu oyenutu atemar kikinyar Akuj isua alimonokin Ŋakiro ŋuna Ajokak neni kec.

Ŋitic. 17:2

Ikwaŋina araakar epite a Paulo, abu tolosene losinagoga. Kiyana iŋes ka ŋituŋa a nen ŋirwa ŋuluuni ŋulu arae ŋulu a Sabato, tolimonokini ikes ŋakiro ŋuna igiritae Nakigireta.

Ŋitic. 8:4

Apotu ŋikanupak ŋulu aponi kielarae tolimonokis Ŋakiro ŋuna Ajokak nakwapin daadaŋ ŋuna apotu ikes toloto.

1 Ŋites. 2:2

Iyenete iyes epite ŋolo aponere ikiteryamunere isua ŋican ka itobolyare alo Pilipi. Kikote neni daŋ, abu Akuj yok ikiinak isua atitinyu ŋina limonokinet iyes Ŋakiro ŋuna Ajokak ŋuna eponito aneni keŋ, tari ŋina atyonio nooi etic kosi.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.