Ŋitic. 14:26 - Ebaibul

²⁶ A nen, todoka ikes ameeli, toboŋosi Antiokio, etaun ŋolo ayai Siria, neni ecikakinitae ikes anajokis a ŋina ka Akuj aŋuna ke etic a ŋolo tokona adaut ikes akirikakin.

Ŋitic. 14:26 Iomraidhean Croise

Ŋitic. 11:19

Toloto ŋikanupak ŋulu aponi kielarae aŋuna ka akisicanio a ŋina atakanuni kelunyar atwanare a Stepano, todolo Poenikia, Kupuro ka Antiokio. Kitatama ikes Ŋakiro ŋuna Ajokak neni a Ŋiyudayan make.

Ŋitic. 11:20

Nai apotu ŋikanupak ŋice ŋulu arae ŋulu alo Kupuro ka Kurene toloto Antiokio, kirworo tari lotuŋa ŋulu pa arae Ŋiyudayan, tolimonokis ikes Ŋakiro ŋuna Ajokak ŋuna ke Ekapolon Yesu.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 11:26

Ani eryamuni, yau iŋes Antiokio. Yaasi ikes ekaru daadaŋ iryamiryameneneete ka ŋikanupak, kitatama daŋ ŋituŋa ŋulu alalak. Arae Antiokio esyakinere anyarare ŋikasyomak atemar Ŋikristo.

Ŋitic. 11:27

Alorwa a ŋul, aponeneete ŋikadwarak alo Yerusalem tari Antiokio.

Ŋitic. 14:19

Nai aponito nen Ŋiyudayan alo Antiokio ka Ikonio, kicocoiyasi ikes ŋasepico, kitiriwo lowae kec; ido kimasamasata Paulo a ŋamoru, kiriyasi kiŋa etaun etamete atemar kori atwana.

Ŋitic. 14:21

Tolimonokis Paulo ka Baranaba Ŋakiro ŋuna Ajokak alo Derube. Ani kedaut aryamun ŋikanupak ŋulu alalak, toboŋosi Antiokio, kitoro Listra ka Ikonio.

Ŋitic. 14:23

Toseut nai Paulo ka Baranaba ŋikatukok a ŋinatukot a Ŋikristo, ŋulu epolokinete ikes. Alotooma ŋakilipeta ka akikany akimuj, apotu Ŋikiyakia kicikakis ikes neni ke Ekapolon, a ŋolo anupito ikes.

Ŋitic. 15:22

Tosodo nai Ŋikiyakia ka ŋikatukok kaapei ka ŋikanupak daadaŋ totyakut atemar, kejoikinit toseunae ŋikilyok ŋidi alokidiŋ kec, ido kiyakiyarae Antiokio kaapei ka Paulo ta Baranaba. Toseut ikes Silas ka Yuda ŋolo anyaritae Barasaba, ŋikilyok ŋulu akerer nooi alokanupak.

Ŋitic. 15:30

Aŋun, kiyakiyarae ikes etiŋito abaruwa ŋin, toloto Antiokio. Kedaut acunakin ŋikanupak, inakis abaruwa neni kec.

Ŋitic. 15:40

nai toseu Paulo Silas, ido toloto, kedaut ŋikanupak akicikakin ikes anajokis a ŋina ke Ekapolon.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Ŋigal. 2:11

Nai ani ebuni Petero Antiokio, abu ayoŋ etepeg iŋes alokiŋaren ŋikanupak daadaŋ, anerae eleere atemar pa eyookino ŋakiro ŋuna etiyat iŋes.

Ŋikol. 1:25

Abu Akuj eketuruwo ayoŋ eketiyan ŋolo a Ŋikristo, abu iŋes okoinaki ayoŋ etic lo akitiya aŋuna kus akiteyenun ŋituŋa daadaŋ ŋakiro ka Akuj.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

Ŋikol. 4:17

Tolimokisi Arikipo ebe, “Itemokino iyoŋ kirikak etic ŋolo ke Ekapolon, ŋolo aponi ikiinakin iyoŋ akitiya.”

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.