Ŋitic. 14:17 - Ebaibul

¹⁷ Tari kikote nen, itoodiunit iŋes jwi jwi akiteyenunet ŋina ka ayakau keŋ aloboro a ŋulu ajokak, a ŋulu itiyae iŋes; ikiinunui iŋes akiru alokidiama ka ŋapakio ŋuna elemeneneere; ikisimuji iŋes iyes ka ikitalakanari iyes.”

Ŋitic. 14:17 Iomraidhean Croise

1 Ŋirw. 18:1

Ani kelunyar ŋirwa ŋulu alalak, ekaku a ŋikaru a ŋiuni emam akiru, bu akirot a Ekapolon neni ke Eliya ebala, “Ape, kitoodiyar neni ka Aab, ido eyakiuni ayoŋ akiru nakwap.”

Neem. 9:25

Apotu Ŋisirael kikamanasi ŋitaunio ŋulu adukitoe ŋaduketa ŋunajiet, kikamasi akwap ŋina ajokan a ŋalup, kituruwosi ŋakais ŋuna elelebitae ŋiboro ŋulu ajokak daadaŋ ŋuna kec, ŋakare, ŋimanikorin ŋulu a ŋikito a epiini, ŋulu a ŋikito ka Olipa ka ŋulu a ŋikito a ŋaraito ŋulu alalak; aŋun apotu ikes kimuja kimwoko ka totuma, tolelyana aŋuna ka ajokis kon a ŋina apolon.

Yob 36:31

Epite ŋol iŋes iyokiyo Akuj ŋituŋa, einanakini Akuj ikes akimuj ŋina alalan.

Yob 37:6

Epedori Akuj alimun ebe, ‘Ekuno totiyaar kwap kilim’; elimokini iŋes ŋakako todoto nakwap, ido epedori alimokin akiru ŋina alalan akilim.

Yob 5:10

Eyaununui iŋes akiru nakwap ka iwuanakini ŋakipi lomanikorin;

Ŋikiru. 145:9

Ejok Ekapolon aneni a daadaŋ, isyoniyenene iŋes daadaŋ ŋulu abu iŋes tosub.

Ŋikiru. 4:7

Iwuak iyoŋ Ekapolon alelyanu lotau kaŋ akilo alelyanu a ŋimoe kaŋ, tari apaki ŋina alemitotor ikes ŋikinyom ŋulu alalak nooi ka apaki ŋina ayakatar epiini ŋolo alalan nooi.

Ŋikiru. 52:1

Kaanukiro ituror iyoŋ aŋuna ka aronis, iyoŋ ekile lo ŋolo igogoŋ akilo? Erae Akuj ŋina esyonion ŋikaru ka ŋikaru.

Isa. 22:13

nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Isa. 40:21

Nyeyenuna iyes a? Nyiirara iyes a? Nyelimokina iyes ŋakiro ŋinapei anakisyakinet akwap a? Nyeyenuna iyes ŋakiro ŋinapei etiyaunere akwap a?

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 5:24

Nyirworosi ikes alotai kec make ebe, ‘Okerito Ekapolon Akuj yok, ŋina ikiinanakini akiru anapaki a ŋina itemokino, iŋes ikiinanakini akiru ŋina ka akiceeret ka ŋina ka atepunet, ŋina itemokinit aŋuna yok ŋisabito ŋulu elemere.’

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Ŋilep. 26:4

akainakini ayoŋ iyes akiru anapakio aŋuna emaikina toyakaunor, ido tora akwap ŋaraito keŋ, toraa ŋikito ŋaraito kec.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Ŋitic. 14:18

Ani tari kirwor Ŋikiyakia ŋakiro ŋun, pa apatana ikes akiretakin ŋasepico aarakin ikes amuronot.

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋikis. 11:14

iŋes nai eyaunia iŋes akiru nakwap kus anapaki a ŋina itemokino, akiru ŋina a ekiŋaren ka akiru ŋina ke ekaku, tosodi ilemete iyes ŋikinyom kus, epiini kus ka akimyet kus

Ŋikis. 28:12

Eŋaari Ekapolon aŋuna kus kidiama neni ebuneneo akiru kiyaku akiru, nakwap kus anapaki a ŋina itemokino, ido kiterereŋ ŋiticisyo daadaŋ ŋulu itiyaete iyes. Idenikinete iyes neni a ŋituŋa a ŋakwapin a ŋuna alalak, nai nyideniunete iyes aneni kec idiobore.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.