Ŋitic. 14:15 - Ebaibul

¹⁵ “A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋitic. 14:15 Iomraidhean Croise

Akisy. 1:1

Anakisyakinet, abu Akuj tosub kidiama ka akwap.

Akisy. 41:16

Tema Yosepu neni a Parao, “Meere ayoŋ; Akuj iŋes elimokini Parao aboŋokinet ŋina ajokan.”

1 Ŋirw. 16:13

Arae ŋun a ŋuna a ŋasecisya a Baasa ka ŋasecisya ŋuna ka Ela alokoku keŋ, ŋasecisya ŋuna kepotu ikes kitiyata, ido apotu torikokis Ŋisirael, toseca, ido apotu kitoŋoa Ekapolon Akuj a Ŋisirael a ŋakujo kec.

1 Ŋirw. 16:26

Abu iŋes kiwuap ŋuna etiyat Yeroboam lokoku a Nebat ka abu kiwuap asecit ŋina abunio Yeroboam torikokinia Ŋisirael nasecit kitoŋo Ekapolon Akuj a Ŋisirael a ŋakujo kec.

2 Ŋirw. 19:16

Okoe Ekapolon, topupok ka kiira; toŋaa ŋakonyen kon, Okoe Ekapolon kiŋolik, ido topupok ŋakiro ŋuna irworit Senakerib ikiyanyit iyoŋ Akuj ŋina iyari.

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

Ŋikiru. 115:15

Elipi ikiterereŋ iyes Ekapolon, ŋolo abu tosub nakuj ka akwap.

Ŋikiru. 124:8

Eyai akiŋarakino yok neni ke Ekapolon a ŋolo asubi nakuj ka akwap.

Ŋikiru. 31:6

Aremokino ayoŋ ŋituŋa ŋulu ikinyomito ŋakujo ŋuna emam ajokis; ido ekekinyomit ayoŋ iyoŋ.

Ŋikiru. 33:6

Abu Ekapolon tosub nakuj a akirot a ŋina alimuni iŋes. abu Ekapolon tosub ibore daadaŋ ŋini eyai kidiama a ŋakiro a ŋuna alimuni iŋes.

Awos. 20:11

anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Yer. 10:8

Imasimasit ka ebaŋaaka ikes daadaŋ; emam akitatam ŋina ejok ŋina eryamunete ikes aneni a ŋakujo a ŋunacaryo.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Yer. 51:15

“Ekapolon koloŋ asubi akwap a apedor keŋ, iŋes ewuakini akwap a aosou keŋ, ka iŋes abu topetak kidiama anayenut keŋ.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Dan. 6:26

Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Yona 2:8

Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

Sakar 12:1

Erae nu ŋakiro a Ekapolon aŋuna a Isirael, ŋakiro a Ekapolon a ŋolo abu tosub kidiama lopite ŋolo eyakar, tosub akwap, ido inak akiyar neni a ituŋanan. Ebala iŋes ebe,

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Yoa. 5:26

Ikwaŋinapei eyakar Papa akiyar tooma keŋ, ainaki iŋes Lokoku keŋ daŋ akiyar ikwaŋinapei.

Yoa. 7:18

Ŋini irworo aŋuna ka apedor keŋ bon, iwarit akitopolooro; nai ŋini iitanit apolou a ŋolo iyakit iŋes, irworo ŋuna a kire, emam adiolyokonu eyai neni keŋ.

Ŋitic. 10:26

Nai kikeu Petero iŋes tema, “Tonyou, anerae ayoŋ daŋ arae ituŋanan pei.”

Ŋitic. 13:32

Ikiinunit tokona isua iyes Ŋakiro ŋuna Ajokak,

Ŋitic. 14:21

Tolimonokis Paulo ka Baranaba Ŋakiro ŋuna Ajokak alo Derube. Ani kedaut aryamun ŋikanupak ŋulu alalak, toboŋosi Antiokio, kitoro Listra ka Ikonio.

Ŋitic. 14:7

Tolimonokis ikes Ŋakiro ŋuna Ajokak lotuŋa aina.

Ŋitic. 16:30

Ya nai iŋes ikes kiŋa, kiŋit ikes tema, “Ŋikapolok, nyo itemokino ayoŋ etiya, ikotere oiun?”

Ŋitic. 27:10

“Ŋikilyok, ani kikirubak iwon ikilosi, eŋolikinit ayoŋ atemar ikiryamuni iwon ŋican ŋulu apipilak; emunaarosi ameeli kaapei ka ŋiboro ka acepaki ikitwaki iwon daŋ.”

Ŋitic. 27:21

Aris kelunyar apaki ŋina aoyan nyimuja ikes aŋuna a ŋatyokisyo a ŋun, tosodi Paulo towo alokidiŋ kec tema, “Ŋikilyok, kerae kiirarito iyes ŋakiro kaŋ, pa kerotokinitoe iwon alo Kirete ka pa keryamunitae ŋican lu ŋulu apipilak ka atwakiyar ŋiboro.

Ŋitic. 27:25

Aŋun, ŋikilyok, toena ŋitai! Anerae anupit ayoŋ ŋakiro ŋuna ka Akuj atemar ikokinete nenipei akalimokinitere ayoŋ.

Ŋitic. 4:24

Ani iirarete ikes ŋakiro ŋun, kikeut daadaŋ ŋitoilon kec kaapei, kilipa neni ka Akuj temasi, “Ekapolon ka ekasuban nakuj, akwap ka anam ta ŋinibore eyai tooma kec daadaŋ!

Ŋitic. 7:26

Akoloŋit ŋina atupakini, toryamu Moses Ŋisirael ŋiarei ejiete. Kikatak iŋes akisisil ikes ebala, ‘Ŋikilyok, iraakasi iyes ŋikaitotoi, kaanukiro icamitotor iyes awana make?’

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

1 Tim. 3:15

ani keketididi ayoŋ, toyenu iyoŋ epite ŋolo itemokino iyoŋ kiboiyo alokidiŋ ŋituŋa ŋulu ka Akuj, ikes atukot a Ŋikristo ŋina erae ŋina ka Akuj a ŋina eyari. Atukot ŋin iŋes erae akigaŋet ka akiyokiyet ŋakiro ŋuna a kire.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Yak. 5:17

Arae koloŋ Eliya ituŋanan ikwa iwon. Abu iŋes kilip nooi, ikotere nyilim akiru ka emam akiru abu kilim ŋikaru ŋiuni ka ŋilapyo ŋikanikapei.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

Akis. 14:7

Abu iŋes kirwor a etoil a ŋolo apolon tema, “Tokerito Akuj ka kitopoloorito iŋes! Anerae adolu apaki ŋina etubokinia iŋes ŋituŋa. Kilipa neni a ŋolo asubuni nakuj, akwap, anam ka ŋilelyan!”

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 19:19

Abu oanyuwa etyaŋ ka ŋirwosi ŋulu ka akwap ka ŋasigarya kec ecunakina akitijiyore ŋolo amet aŋole ka ŋasigarya keŋ.

Akis. 22:9

Nai tema iŋes neni kaŋ ebe, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon ŋikadwarak ta ŋulu daadaŋ ŋulu iwuapito ŋakiro ŋuna ke ekitaabo a lo. Kilip neni ka Akuj!”

Akis. 4:11

“Ekapolon ka Akuj kosi! Emaikina iyoŋ toryamu apolou, akerit, ka apedor, anerae ibu iyoŋ tosub ŋiboro daadaŋ, ka aŋuna ka acamit kon ibu tosub ikes inak akiyar.”

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”