Ŋitic. 13:51 - Ebaibul

⁵¹ Totwakis ŋikasyomak apuwa anakejen kec neni kec, kitoodiu nen atemar esecito ikes, ido toloto Ikonio.

Ŋitic. 13:51 Iomraidhean Croise

Mat. 10:14

Ani kemam ituŋanan ŋini ikijauni kori ŋini iirari ŋakiro kus, totwakisi apuwa ŋina a ŋakejen kus nen, apaki ŋina irotokinioto iyes alokai a ŋin kori alotaun a ŋol.

Mar. 6:11

Akibois daadaŋ ŋina nyikijauniata iyes ŋituŋa, kori ewouniata akiirar iyes, totwakisi apuwa ŋina a ŋakejen kus nen, kitoodiu nen atemar esecito ikes.”

Luk. 10:11

‘Tari apuwa ŋina alotaun kus ŋina etapunito ŋakejen kosi, ikitwakini isua neni kus. Nai toyenete atemar aapuu Apukan ka Akuj!’

Luk. 9:5

Ani ca neni nyikijauniata ŋituŋa iyes, torotokis a nen, totwakis apuwa ŋina a ŋakejen kus nen, kitoodiu neni atemar esecito ikes.”

Ŋitic. 14:1

Alo Ikonio, toloto Paulo ka Baranaba lopite ŋolopei sek, tooma esinagoga a Ŋiyudayan. Kirworo ikes a nen alopite a ŋolo abu kitunup Ŋiyudayan ŋulu alalak ka ŋulu pa arae Ŋiyudayan ŋakiro a Yesu.

Ŋitic. 14:19

Nai aponito nen Ŋiyudayan alo Antiokio ka Ikonio, kicocoiyasi ikes ŋasepico, kitiriwo lowae kec; ido kimasamasata Paulo a ŋamoru, kiriyasi kiŋa etaun etamete atemar kori atwana.

Ŋitic. 14:21

Tolimonokis Paulo ka Baranaba Ŋakiro ŋuna Ajokak alo Derube. Ani kedaut aryamun ŋikanupak ŋulu alalak, toboŋosi Antiokio, kitoro Listra ka Ikonio.

Ŋitic. 16:2

Etojokito ŋikanupak daadaŋ ŋulu alo Listra ka Ikonio Timoteo.

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

2 Tim. 3:11

ŋakisicaneta ŋuna aryamunit ayoŋ ka ŋican kaŋ. Iyeni iyoŋ daadaŋ ŋuna apotu totakanut neni kaŋ alo Antiokio ka alo Ikonio ta alo Listra, ŋakisicaneta ŋuna aronok nooi ŋuna edaŋidaŋi ayoŋ! Nai abu Ekapolon okoiu ayoŋ aneni kec a daadaŋ.