Ŋitic. 13:38 - Ebaibul

³⁸ Aŋun ŋikaitotoi, itemokino iyes toyenut atemar alotooma Yesu, iserao neni kus ŋakiro ŋuna ka akisyon ŋasecisya.

Ŋitic. 13:38 Iomraidhean Croise

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 32:1

Erereŋ ŋulu adau Akuj akisyon aŋuna ka aronis kec, ŋulu ekisar ŋasecisya kec.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Esek. 36:32

Alimu Ekapolon Akuj atemar, meere aŋuna kus eapiya ayoŋ akitiyakin ŋakiro ŋadi, emaikina iyes toyenete ŋun. Okoe Ŋisirael, emaikina iyes ikiruma ŋileec kus a ŋilopeyek ka itokadak iyes ŋilopeyek alotooma ŋuna iwuapito iyes.

Dan. 3:18

Ani kemam, toyenu nu okoe erwosit atemar nyikitiyanakini isua ŋakujo kon ka nyikilipi neni a etorube a ŋolo a egolid a ŋolo idau iyoŋ asipokin.”

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Ŋitic. 10:43

Iteyenunito ŋikadwarak daadaŋ aŋuna keŋ atemar, ŋini daadaŋ enupi Yesu, isyoniyo ŋasecisya keŋ alokiro a Yesu.”

Ŋitic. 2:14

Abu Petero towua ka Ŋikiyakia ŋuluce ŋulutomon ka epei, tosodi tocelu tema, “Ŋituŋa ŋulu a Yudeya ka iyes daadaŋ ŋulu iboiyete alo Yerusalem, toyenutu nu ka topupokisi ŋakiro kaŋ kojokan!

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 28:28

Toŋetaki Paulo tema, “Toyenete nai atemar, eyakiya tokona Akuj ŋakiro ŋuna ka aiuno a ŋituŋa neni a ŋulu nyerae Ŋiyudayan. Nai iirarete ikes!” [

Ŋitic. 4:10

itemokino nai iyes daadaŋ ka ŋituŋa ŋulu a Isirael daadaŋ toyenut atemar, ewuoi ekile lo alokiŋaren kus eŋale nooi aŋuna ka apedor a ŋina ke ekiro a Yesu a ŋolo a Nasaret. Yesu ŋol, iŋes ŋolo ipotu iyes kibubukis lomusalaba, nai abu Akuj kiteyaru.

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 4:32

Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

Ŋikol. 1:14

ŋolo ikilakunia Akuj iwon, iŋes atemar, esyoni ŋasecisya yok.

Ŋibur. 8:6

Nai tokona, ainakin Yesu etic ŋolo ke esacaradoti ŋolo epol nooi akilo. Nabo ikoŋinapei, erae Acamunet ŋina iloit--Acamunet ŋina eyaunitor iŋes akimorikina ŋina ka Akuj ka ŋituŋa, anerae itorunit nakiikineta ŋuna ajokak nooi akilo.

Ŋibur. 9:22

Kire, aŋuna a Ŋikisila, etaleununuyo ŋiboro ŋulu alalak a ŋaokot, nabo nyisyoniyo ŋasecisya, mati kebukorosi ŋaokot.

1 Yoa. 2:12

Ŋidwe kaŋ, ekegirakinit ayoŋ iyes, anerae esyoni ŋasecisya kus aŋuna a Yesu Kristo.