Ŋitic. 13:36 - Ebaibul

³⁶ Nai kire abu Daudi totwan, kedau akitiya ŋuna acamit Akuj iŋes kitiya ananyamet keŋ, tonukae diyete atapapaa keŋ, ido tobos.

Ŋitic. 13:36 Iomraidhean Croise

Akisy. 3:19

Imuji iyoŋ kidau abukor ŋakinyinyir aloreet akitodol ŋina iboŋorya iyoŋ nalup, anerae nalup iŋes ikilemunere iyoŋ; irae iyoŋ ŋalup, tosodi nalup iŋes iboŋori iyoŋ.”

2 Sam. 7:12

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

1 Ŋirw. 2:10

Totwana nai Daudi iwapei ata papaa keŋ tonukae akuwan keŋ lotaun a Daudi.

1 Ŋakiro a ŋirwa 11:2

Ani paaran eriŋa Saul ikipukat isua, iyoŋ ibu torik ŋajorei a Isirael, ido mam ituŋanan ibu iyoŋ tocaka. Abu Ekapolon Akuj kon tema neni kon, ‘Iyoŋ iruwor ekeyokon a ŋituŋa kaŋ a Ŋisirael, iyoŋ iruwor ekepukan kec.’ ”

1 Ŋakiro a ŋirwa 17:11

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit, kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

1 Ŋakiro a ŋirwa 18:14

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

1 Ŋakiro a ŋirwa 29:28

Abu iŋes totwana emojoŋit nooi ka ebarit, torae ŋolo etopolooritae; ido abu Solomon lokoku keŋ kilunyokin lokicoloŋ keŋ ikwapei erwosit.

2 Ŋakiro a ŋirwa 12:16

Abu Reoboam totwana, ido aponi tonukae iŋes lotaun a Daudi. Abu lokoku keŋ Abiya kilunyokin lokicoloŋ keŋ kipuka Yudaya.

2 Ŋakiro a ŋirwa 21:1

Ekaku, abu Yeosapat totwana ikwapei atapapaa keŋ, ido aponi tonukae lotaun a Daudi neni anukitae atapapaa keŋ. Abu Yeoram lokoku keŋ kilunyokin lokicoloŋ keŋ kipuka Yudaya.

2 Ŋakiro a ŋirwa 26:23

Abu Usia totwana, tonukae akuwan keŋ neni anukitae atapapaa keŋ, nai meere neni anukio ŋirwosi, anerae apotu ŋituŋa temasi, “Edyaka iŋes atapon.” Kilunyokin Yosam ŋolo arae lokoku keŋ lokicoloŋ keŋ kipuka Yudaya.

2 Ŋakiro a ŋirwa 9:31

Abu Solomon totwana ikwapei atapapaa keŋ ka aponi tonukae lotaun a Daudi a papa keŋ, kilunyokin Reoboam lokoku keŋ lokicoloŋ toruwor erwosit.

Yob 17:14

ani katema ayoŋ neni ka akipany ebe, ‘Irae iyoŋ papa kaŋ,’ ido ani katema ayoŋ neni a ekurut ebe, ‘Irae iyoŋ toto kaŋ, kori nakaato kaŋ,’

Yob 21:26

ani etwakete ikes daadaŋ, enukakinio nalup, ido ebutarete ŋikur ikes daadaŋ kirikasi.

Ŋikiru. 49:14

Elomarete ikes nakibois a ŋikatwak, lopite ŋolo elomaryata ŋamesekin nakibois ŋina eŋolere, ido etwakete ikes. elomarete ikes kwap, meere iwace, eŋopiyarete ŋasima kec; eruwor akibois a ŋikatwak ŋina kec.

Ŋikiru. 49:9

torubakinia ituŋanan iboi ŋikaru ka ŋikaru nyetwana.

Mat. 25:16

Abu eketiyan ŋolo akorakinitae ŋicweei ŋikan tolot atipei kicurutak, toryamu ŋicweei ŋice ŋikan.

Yoa. 11:39

Tolimok Yesu ikes tema, “Tolemasi amoru alopuke.” Tolimok Marita, nakaato keŋ ke ekatwan Yesu tema, “Ekapolon, abosu tokona iŋes, anerae adau akiriya analyal ŋirwa ŋiomwon.”

Ŋitic. 13:22

Ani kelema Akuj Saulo, kilunyok Daudi aruwor erwosit kec. Kiteyenu Akuj nu aŋuna a Daudi: ‘Aanyu ayoŋ atemar erae Daudi, lokoku a Yese ekile ŋolo elelyania etau kaŋ; itiyakini iŋes ŋuna daadaŋ acamit ayoŋ iŋes kitiya.’

Ŋitic. 2:29

“Ŋikaitotoi: itemokino ayoŋ ekesileerek iyes ŋakiro ŋuna a papaa yok a Daudi. Abu iŋes totwan ka aponi tonukae, ido eyai alyal keŋ tari tokona ne neni ikiya iwon.

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

Ŋitic. 7:60

Toryedik nai tocelu a etoil a ŋolo apolon tema, “Ekapolon! Nyimarak asecit na neni kec!” Ani kedau iŋes alimun ŋun, kiridak.

Ŋitic. 8:1

Ayai Saulo nen, kitojokite atwanare a Stepano. Akoloŋit ŋin, tolomu akisicanio ŋina aronon nooi natukot a ŋikanupak a Yesu ŋina ayai Yerusalem. Kielarae ŋikanupak daadaŋ, toloto ikes Yudeya ka Samaria; kidoŋo Ŋikiyakia bon.

1 Ŋikor. 15:18

Iŋes nabo atemar, tari ŋulu atwaka enupito Kristo daŋ abukorosi.

1 Ŋikor. 15:6

Ekaku nabo, abu kitoodiun apaki apei neni a ŋikewuapak keŋ a ŋulu adeparit ekimar kec ŋamiae ŋakan. Eriŋa tokona ŋice kec daŋ eyarete, erae ketwakito ŋice daŋ.

1 Ŋites. 4:13

Ŋikaitotoi, ikicamit isua iyes toyenut ŋakiro ŋuna a ŋituŋa a ŋulu atwaka, ikotere nyiyaloloŋioto iyes ikwa ŋituŋa ŋuluce ŋulu emam akigeno.