Ŋitic. 13:25 - Ebaibul

²⁵ Ani eapuuni Yoana akirikakin akitatam keŋ, tolimok ŋituŋa tema, ‘Itamete iyes atemar ŋae ayoŋ? Nyarae ayoŋ ŋolo idarito iyes. Emam, nai ekaku kaŋ, ebuni iŋes ŋolo nyapedori ayoŋ tari alacun ŋamuk keŋ.’

Ŋitic. 13:25 Iomraidhean Croise

Mat. 3:11

“Kire ekebatisae ayoŋ iyes a ŋakipi a ŋuna ka akiki, nai ŋolo ebunit alokaku kaŋ, epol iŋes akilo ayoŋ, nyitemokino ayoŋ akikod tari ŋamuk keŋ. Iŋes ikibatisae iyes a Etau a ŋolo Asegan ka akim.

Mar. 1:7

Kitatam iŋes ŋituŋa tema, “Ebunit alokaku kaŋ ŋolo epol akilo ayoŋ, ŋolo nyitemokino ayoŋ tari okukokin olacak ŋarukanes ŋuna a ŋamuk keŋ.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 1:34

Adau tokona ayoŋ akiŋolikin ka eketeyenik iyes atemar erae iŋes Lokoku ka Akuj.”

Yoa. 1:36

Kiŋolik iŋes Yesu elosi, tolimok ŋikasyomak keŋ tema, “Kiŋolikisi Imesek ŋini ka Akuj.”

Yoa. 4:34

Tolimok Yesu ikes tema, “Akaakimuj iŋes akitiya ŋuna ecamit Akuj ŋina ekeyakuunit ayoŋ ka akirikakin ekeetic.

Yoa. 7:18

Ŋini irworo aŋuna ka apedor keŋ bon, iwarit akitopolooro; nai ŋini iitanit apolou a ŋolo iyakit iŋes, irworo ŋuna a kire, emam adiolyokonu eyai neni keŋ.

Ŋitic. 13:36

Nai kire abu Daudi totwan, kedau akitiya ŋuna acamit Akuj iŋes kitiya ananyamet keŋ, tonukae diyete atapapaa keŋ, ido tobos.

Ŋitic. 19:4

Tema nai Paulo, “Abu Yoana kibatisa a ebatisimu a ŋolo kiyet ŋasecisya; nai alimonokini iŋes ŋituŋa akinup ŋolo ebuni alokaku keŋ, iŋes Yesu.”

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

2 Ŋikor. 4:5

Nyikilimonokini isua ŋuna ikikamunito isua; nai ikilimonokini Yesu Kristo ikwapei Ekapolon, ka isua ikwapei ŋiketiyak kus aŋuna a Yesu.

2 Tim. 4:7

Adau ayoŋ ajore ejiye ŋolo ajokan ŋolo ka anupit, aŋetak ayoŋ akerit ŋina ka anupit ka eric ayoŋ anupit kaŋ Kristo.

Akis. 11:7

Ani kedaut ikes alimonokin ŋakiro kec, elomuni etyaŋ anakipany a ŋina aoyan a ŋina nyesalunit alokwap akitijiyore ikes. Ilouni iŋes ikes ka toar,