Ŋitic. 13:2 - Ebaibul

² Ani ilipete ikes neni ke Ekapolon ka kikanyete, tolimok Etau ŋolo Asegan ikes tema, “Kimyekisi Baranaba ka Saulo kitiyata etic ŋolo anyaritor ayoŋ ikes.”

Ŋitic. 13:2 Iomraidhean Croise

1 Ŋakiro a ŋirwa 16:4

Toseu nai Daudi ŋilepi ŋidi akirik akilip aneni ayai Asaduku ke Ekapolon, akidyek Ekapolon ka alakar neni a Ekapolon ta akipuro Ekapolon Akuj a Isirael.

Dan. 9:3

Abu nai ayoŋ ewar Ekapolon Akuj ewarit aboŋokinet, abu etiya ŋun, anakilip, anadyekitoi, anakiredakin akiron, ananapit ŋiguniyae ka akipurupura ekuron.

Mat. 17:21

Nai nyenyouni ŋolo ikoni ŋol, mati kiritar ka akilip ka akikany.]”

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Mat. 9:38

Aŋun, kilipa elope ŋolo ka akilem kiyakiya ŋikalemak ŋulu alalak nakilem keŋ.”

Luk. 10:1

Ekaku a ŋakiro a ŋun, toseu Ekapolon ŋicetuŋa ŋulu arae ŋatomonikanikaarei ka ŋiarei; kiyakiya a ŋiarerei kiŋareno lorerya ka nakwapin daadaŋ ŋuna eitanit iŋes akidol.

Luk. 2:37

Arae iŋes apuserut ŋina adolito ŋikeekaru ŋatomonikanikauni ka ŋiomwon. Pa arotonokini iŋes alo Kai ka Akuj; etiyae etic ŋolo ke Ekapolon Akuj apaaran jwii ka akuwar kya, kikanyanakini akimuj kilipi akilip bon.

Ŋitic. 10:19

Ani eriŋa Petero etamatamae jik ŋuna ka atakanikinet, tolimok Etau ŋolo Asegan iŋes tema, “Simoni! Ikiitanito iyoŋ a ne ŋikilyok ŋiuni.

Ŋitic. 10:30

Toboŋok Kornelio tema, “Ŋirwa ŋiuni ŋulu alunyarosi, elipi ayoŋ alokai kaŋ ŋisaae ŋikanikaomwon ŋulu ka apaaran--arae esaa lopeilo. Apaki ŋinapei ŋin, onaŋakin ekile ŋolo anapit ŋilowi ŋulu amilimilete ewuoi alokiŋaren kaŋ.

Ŋitic. 13:3

Ani kedaut ikes akikany akimuj ka kilipete, kidokokis ŋakan kec neni a Baranaba ka Saulo, kiyakiyasi ikes.

Ŋitic. 13:4

Aŋun, kedau Etau ŋolo Asegan akiyak Baranaba ka Saulo, toloto ikes Seleukia; a nen, todoka ameeli toloto loculat ŋolo enyaritae Kupuro.

Ŋitic. 14:26

A nen, todoka ikes ameeli, toboŋosi Antiokio, etaun ŋolo ayai Siria, neni ecikakinitae ikes anajokis a ŋina ka Akuj aŋuna ke etic a ŋolo tokona adaut ikes akirikakin.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 22:21

Tema Ekapolon neni kaŋ, ‘Tolot, anerae ekeyakiyari ayoŋ iyoŋ neni elwana nooi, lotuŋa ŋulu nyerae Ŋiyudayan!’ ”

Ŋitic. 4:36

Ayai daŋ ekile ŋolo anyaritae Yosepu ŋolo anateker a Lepi ŋolo edounitoe alo Kupuro. Anyarito Ŋikiyakia iŋes Baranaba (iŋes atemar “Ŋolo esimukekinan”)

Ŋitic. 6:4

Nai ericakisi isua akilip ka etic ŋolo ka akitatam ŋakiro ŋuna ka Akuj.”

Ŋitic. 8:29

Tolimok Etau ŋolo Asegan Pilipo tema, “Tolot nagaari ŋin, kidunya neni keŋ.”

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

1 Ŋikor. 12:11

Ŋainakineta ŋun daadaŋ erae Etau ŋolo Asegan ŋolopei ŋol einanakini, iŋes ekoranakini neni a ŋinituŋanan anacamit keŋ.

1 Ŋikor. 7:5

Nyimikasi make ŋawat kus, mati sek icamuna iyes ikoŋina apaki adio, ikotere kisitiyata apaki ŋin akilipya. Nai kiryamunos nabo ikwapei ekile ka aberu ikwaŋinapei sek, ikotere nyikitem Satan iyes, anerae imamukatar iyes akiyapara.

2 Ŋikor. 11:27

Alal etic ka ŋatyokisyo; ŋarwa ŋakalalak pa ajotoonor ayoŋ; abu akoro ka akure okonyam, ŋarwa ŋuna alalak, amam akimuj ŋina etemokino, amam neni perot, kori ŋilowi ŋulu napan.

2 Ŋikor. 6:5

Aponi ikibuŋae isua, ikiwuakin mabus ka itosutonokin; aponi ikisitiyae isua nooi, nyejotooro kori nyimuja.

Ŋigal. 1:15

Nai abu Akuj tolakar okoseu ayoŋ eriŋa tari nyidouno, okonyar ayoŋ anajokis keŋ akitiyanakin iŋes. Abu iŋes eketoodik ayoŋ Lokoku keŋ, ikotere olimonok Ŋakiro ŋuna Ajokak ŋuna ikamunito iŋes lotuŋa ŋulu nyerae Ŋiyudayan. Apaki ŋina atakanuniata ŋun, abu ayoŋ nyecanican apaki alosit neni a idiotuŋanan aryamun ŋakiro ŋuna eŋarakinak;

Ŋiep. 3:7

Aponi eketuruwor ayoŋ eketiyan ŋolo a Ŋakiro a ŋuna Ajokak alotooma ainakinet ŋina abu Akuj okoinak ayoŋ anajokis keŋ alotooma apedor keŋ ŋina itiyaa iŋes etic.

Ŋikis. 10:8

Apaki ŋin abu Ekapolon totyaka ekabila a Lepi aŋuna ke etic a ŋolo ka adakit Asaduku ŋina ka Acamunet ke Ekapolon ka aŋuna ke etic ŋolo ka akiwo alokiŋaren Ekapolon akitiyanakin iŋes ta aŋuna ke etic ŋolo ka akiterereŋ ŋituŋa alokiro ke Ekapolon. Tari tokona ŋiticisyo a ŋilepi ikes ŋul.

Ŋikol. 4:17

Tolimokisi Arikipo ebe, “Itemokino iyoŋ kirikak etic ŋolo ke Ekapolon, ŋolo aponi ikiinakin iyoŋ akitiya.”

1 Tim. 2:7

Iŋes nai ekeyakuunere ayoŋ ikwapei ekeseran ka ekiyakia, akitatam ŋituŋa ŋulu nyerae Ŋiyudayan ŋakiro ŋuna ka anupit ka ŋuna a kire. Nyesudi ayoŋ ŋakiro; erworo ayoŋ ŋuna a kire!

2 Tim. 1:11

Iŋes nai ekeyakuunere ayoŋ ikwapei ekeseran ka ekiyakia akitatam Ŋakiro ŋuna Ajokak ŋun;

2 Tim. 2:2

Ŋakiro ŋuna ibu iyoŋ kiira eserae ayoŋ alokiŋaren ŋisuudae ŋulu alalak, kicikak ŋakiro ŋun lokilyok ŋulu ikinyoma ŋulu epedorete akitatam ejok ŋuluce daŋ.

2 Tim. 4:11

Luka bon iŋes ikirukit ka ayoŋ. Toryamu Mariko, ido torukut ka iyoŋ, anerae epedori iŋes akiŋarakin ayoŋ alotic.

2 Tim. 4:5

Nai aneni kon, itemokino torae ŋolo ipakit anakiro a daadaŋ, kidaŋidaŋi ŋican, kitiya etic ŋolo ke ekalimonokinan a Ŋakiro a ŋuna Ajokak ka kitiya etic kon daadaŋ irae eketiyan ŋolo ka Akuj.

Ŋibur. 5:4

Nyeseun ituŋanan bon tema apoloor iŋes oruwor Esacaradoti ŋolo Apolon nooi. Akuj bon enyarae ituŋanan kituruwo Esacaradoti ŋolo Apolon nooi--ikwapei anyaraa koloŋ Aron.

1 Sam. 2:11

Toboŋo nai Elkana lore keŋ Rama, kidoŋ Samuel Silo akitiyanakin Ekapolon, topolokinite esacaradoti Eli iŋes.