Ŋitic. 13:15 - Ebaibul

¹⁵ Ani kesyomi ekitaabo ŋolo a Ŋikisila a Moses ka ŋakigireta ŋuna a ŋikadwarak, kiyakikis ŋikapolokinitok esinagoga ikes akirot ebasi, “Ŋikaitotoi, ani keyai iyes akirot ŋina isimukekini ŋituŋa, tolimutu.”

Ŋitic. 13:15 Iomraidhean Croise

Mar. 5:22

Bu ekapolon ŋolo ke esinagoga daŋ epei ŋolo anyaritae Yairo. Ani iŋolikini iŋes Yesu, toramakin nakejen keŋ,

Luk. 16:16

“Etatamyo koloŋ Ŋikisila a Moses ka ŋakigireta ŋuna a ŋikadwarak tari lorwa ŋulu a Yoana ke Ekebatisan. Ŋinapei alorwa a ŋul, aponi kisyakinae alimonokin Ŋakiro ŋuna Ajokak ŋuna ka Apukan ka Akuj. Nabo ecamit ŋinituŋanan alomar Napukan ka agogoŋu.

Ŋitic. 1:16

tema, “Ŋikaitotoi kaŋ, itemokino Ŋakigireta kiyookin lopite ŋolo koloŋ adwaritor Etau ŋolo Asegan anakituk a Daudi. Adwarit iŋes aŋuna a Yuda, a ŋolo etenuni ŋituŋa ŋulu ekamunete Yesu.

Ŋitic. 13:27

Apotu ŋituŋa ŋulu a Yerusalem ka ŋikarikok kec nyeyena Yesu, kori nyiirasi ŋakiro ŋuna a ŋikadwarak ŋuna esyomeneneo a ŋinakoloŋit a Sabato. Tari kikote nen, apotu kisiyookis ŋun, toara iŋes.

Ŋitic. 15:21

Anerae elimonokinio Ŋikisila a Moses lotaunio daadaŋ ŋinapei koloŋ ka esyomeneneo alosinagogae a ŋinakoloŋit a Sabato.”

Ŋitic. 15:7

Ani kepeganakinosi ikes apaki ŋina aoyan, tonyou Petero tema, “Ŋikaitotoi kaŋ, iyenete iyes atemar abu koloŋ Akuj okoseu ayoŋ alokidiŋ kus alimonokin Ŋakiro ŋuna Ajokak lotuŋa ŋulu nyerae Ŋiyudayan, ikotere iirarete, tonupa.

Ŋitic. 18:17

Kikamut ikes daadaŋ Sostene ekapolokiniton esinagoga, kibuŋata iŋes alokiŋaren eikiiko. Nai nyemitak Galio ŋun tari iwadio.

Ŋitic. 18:8

Tonupa nai ekapolokiniton esinagoga ŋolo arae ekiro keŋ Kirispo ka ekal keŋ daadaŋ Ekapolon Yesu. Ani iirarete ŋituŋa ŋulu alalak ŋulu alo Korinto ŋakiro ŋun, tonupa, kibatisae.

Ŋitic. 2:29

“Ŋikaitotoi: itemokino ayoŋ ekesileerek iyes ŋakiro ŋuna a papaa yok a Daudi. Abu iŋes totwan ka aponi tonukae, ido eyai alyal keŋ tari tokona ne neni ikiya iwon.

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋitic. 2:4

Kilelebikin Etau ŋolo Asegan neni kec daadaŋ, togeut akirwor ŋaŋajepa ŋuna agelegelya, ikwaŋina ainakinitor Etau ŋolo Asegan ikes akirwor.

Ŋitic. 20:2

Ani kedau akirim ŋitela ŋul daadaŋ, kisimukek ŋikanupak a nen, ido tolot Akaia.

Ŋitic. 22:1

“Ŋikaitotoi ka atapapa, topupokinae ayoŋ erworo aŋuna kaŋ alokiŋaren kus!”

Ŋitic. 4:36

Ayai daŋ ekile ŋolo anyaritae Yosepu ŋolo anateker a Lepi ŋolo edounitoe alo Kupuro. Anyarito Ŋikiyakia iŋes Baranaba (iŋes atemar “Ŋolo esimukekinan”)

Ŋitic. 7:2

Toboŋok Stepano tema, “Ŋikaitotoi ka atapapa, topupokisi ŋakiro kaŋ! Abu koloŋ Akuj ŋina ka apolou totakanu neni a papaa yok Aburaam alo Mesopotamia, eriŋa iŋes nyewuoto Aran.

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

1 Ŋikor. 14:3

Nai ituŋanan ŋini edwari, irworo lotuŋa aŋuna ka akitogogoŋ, akisimukekin ka akimaima ikes.

2 Ŋikor. 3:14

Apotu ŋatameta kec kiryokiata! Tari tokona daŋ, ŋina esyometa ikes ŋakiro ŋuna ka Acamunet a ŋina Ŋorot, eriŋa ŋatameta kec erapap ka akitambara a ŋinapei a ŋin. Elemanaryo akitambara ŋin apaki bon ŋina imorikinotor ituŋanan ka Kristo.

1 Ŋites. 2:3

Apaki ŋina ekatakinitere isua akitacamun iyes Ŋakiro ŋuna Ajokak, pa adyakaritae isua, kori pa erworoe ŋakiro ŋuna ka asiilyo ka daŋ pa arae ŋuna modikinet idiotuŋanan.

Ŋibur. 13:22

Ekemaimai ayoŋ iyes ŋikaitotoi kaŋ atemar topupokis alotooma akidaŋidaŋakinit ŋakiro nu ŋuna ka akitumunikin, anerae nyeoya abaruwa na ŋina ekegirak ayoŋ iyes.