Ŋitic. 12:15 - Ebaibul

¹⁵ Tolimokis ŋituŋa iŋes temasi, “Ikibilerit iyoŋ!” Nai torubak iŋes ebala ebe erae kire. Toboŋokis ikes temasi, “Erae emalaika keŋ.”

Ŋitic. 12:15 Iomraidhean Croise

Akisy. 48:16

elipi emalaika ŋolo akalaku ayoŋ anawana a daadaŋ, kiterereŋ ŋidyain lu; ido alodwe a lu, torubakinae etamunitae ekiro kaŋ ka ŋirorwa atapapaa kaŋ Aburaam ka Isaka; elipi toruworos ikes ŋituŋa ŋulu elalak anakwap.”

Yob 9:16

Ani kanyara ayoŋ iŋes, idio okoboŋok iŋes ayoŋ, nyanupit ayoŋ atemar epupokini iŋes ŋakiro kaŋ;

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mar. 16:11

Ani iirarete ikes Maria Magadalena ebala, “Ayaru Yesu, eŋolik ayoŋ”, nyenupa ikes ŋakiro keŋ.

Mar. 16:14

Ekaku, abu Yesu totakanu neni a ŋikasyomak keŋ a ŋulutomon ka epei apaki ŋina emujata. Kisibura iŋes ikes aŋuna pa anupitotor ka aŋuna ka aniniku a ŋatameta kec, anerae nyenupa ikes ŋakiro a ŋulu kepotu toanyut iŋes eyaruni.

Luk. 22:59

Kelunyar epeisaa, kitogogoŋ nooi ituŋanan ice tema, “Arukito jik ekile lo ka Yesu, anerae erae iŋes daŋ ŋolo alo Galileya!”

Luk. 24:11

Nai tobas ŋikasyomak erae ŋakiro ŋuna alimokinete ŋaberu ikes alyokonu, towout akinup.

Ŋitic. 12:16

Nai torubak Petero ikoŋikoŋi epuke. Ani eŋaarete ikes, kiŋolikis iŋes toumokis.

Ŋitic. 26:24

Ani irworikini Paulo aŋuna keŋ alopite a lo, kiŋenyak Pesto iŋes tema, “Ikikerepikinit iyoŋ Paulo! Kikimunaiya iyoŋ asyomit kon ŋina apolon!”