Ŋitic. 11:23 - Ebaibul

²³ Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 11:23 Iomraidhean Croise

2 Ŋirw. 18:6

Emiidikina iŋes neni ke Ekapolon; pa aesyanakini iŋes akiwuapit acamit ŋina ke Ekapolon, nai ericit ŋakiciketa ŋuna abu Ekapolon kicikak Moses.

Ŋikiru. 17:3

Idau iyoŋ akisyem etau kaŋ, ibu iyoŋ bu neni kaŋ nakwaare, idau iyoŋ akikatakin ayoŋ, ido nyeryamuna iyoŋ ŋuna aronok aneni kaŋ; nyelimuno ayoŋ ŋakiro ŋuna aronok.

Ŋakit. 23:15

Ikaakoku, ani kirae iyoŋ ŋini ios alotau kon, alakar ayoŋ daŋ alotau kaŋ;

Ŋakit. 23:28

Eperi amalaat kidat lopite ŋolo idasya ekademanaran, ido iyasi amalaat ŋikilyok ŋulu nyikinyoma.

Dan. 1:8

Nai abu Daniel toseu atemar nyemunaar iŋes anakimuj ŋamuja a erwosit, kori anakimat epiini ŋolo a erwosit; aŋun, abu kiŋit ekapolokiniton akai a apukan akimyekin iŋes nyemunaa akuwan keŋ.

Mat. 16:24

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Mar. 2:5

Ani eyenuni Yesu anupit kec, tolimok ekadyakan tema, “Lokoku, esyoni ŋasecisya kon.”

Yoa. 15:4

Kiboiyoto alotooma kaŋ ka ayoŋ tooma kus. Nyeraii ateni bon, mati eyai lokitoe. Ikwaŋinapei ikoŋin, nyirayete iyes ŋaraito, mati kiboiyoto alotooma kaŋ.

Ŋitic. 13:43

Ani kielarosi ŋituŋa alosinagoga, totupakis Ŋiyudayan ŋulu alalak kaapei ka ŋulu acamunito anupit ŋina a Ŋiyudayan, Paulo ka Baranaba. Apotu lu kisirworo ikes ka kitogogoŋo ikes arubakin anajokis a ŋina ka Akuj.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 14:26

A nen, todoka ikes ameeli, toboŋosi Antiokio, etaun ŋolo ayai Siria, neni ecikakinitae ikes anajokis a ŋina ka Akuj aŋuna ke etic a ŋolo tokona adaut ikes akirikakin.

Ŋitic. 15:40

nai toseu Paulo Silas, ido toloto, kedaut ŋikanupak akicikakin ikes anajokis a ŋina ke Ekapolon.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 4:36

Ayai daŋ ekile ŋolo anyaritae Yosepu ŋolo anateker a Lepi ŋolo edounitoe alo Kupuro. Anyarito Ŋikiyakia iŋes Baranaba (iŋes atemar “Ŋolo esimukekinan”)

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

2 Ŋikor. 1:17

Apaki ŋina atubunio ayoŋ nu, itamete mono iyes atemar kaŋayaŋayat ayoŋ a? Kori atuki ayoŋ alopite a ŋolo a ŋituŋa a ŋulu ka akwap, a ŋulu etenito atemar, “Ee, Ee” ka “Mam, Mam” apaki ŋinapei a?

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 30:20

iminasi Ekapolon Akuj kus, iwuapito ŋakiro keŋ ka imiidikina neni keŋ, anerae erae ŋun akiyar aneni kus ka erae ŋirwa ŋulu alalak ŋulu ka akiyar kus, ikotere iboiyete anakwap a ŋina abu Ekapolon kikoŋ ainakin neni atapapaa kus Aburaam, Isaka ka Yakob.”

Ŋikol. 1:6

Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

2 Tim. 3:10

Nai ŋuna ikikamunito iyoŋ, idau akiwuap akitatam kaŋ, ŋipitesyo kaŋ ka ŋuna alosikinit ayoŋ anakiyar; idau iyoŋ akiwuap anupit kaŋ, atitinyikinit kaŋ, amina kaŋ, akidaŋidaŋ kaŋ,

Yos. 22:5

Nai kiwuapa ejok ŋakiciketa ka Ŋikisila lu ŋulu abu Moses eketiyan a Ekapolon ikicik iyes akiwuap: Amina Ekapolon Akuj kus, akitiya daadaŋ ŋuna ecamit iŋes, akiwuapit ŋakiciketa keŋ, arubakinit iminasi iŋes ka akitiya etic keŋ a ŋitai kus a daadaŋ ka anakiyar kus a daadaŋ.”

Yos. 23:8

Nai kikinyoma Ekapolon ŋolo erae Akuj kus lopite ŋolopei sek iponiata kikinyometa akitodol tari tokona.

1 Pet. 5:12

Silipano iŋes ekeŋarak ayoŋ akigir abaruwa ŋinauriyen na neni kus, ayeni ayoŋ atemar erae iŋes lokaato ŋolo ikinyoma. Acamit ayoŋ akisimukekin iyes ka akiteyenikin atemar erae ŋakiro ŋun ŋuna a kire ŋuna ka ajokis ka Akuj. Torubakisi jik anakirot a na!

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.

3 Yoa. 1:4

Emam alelyan ace ŋina aryamunit ayoŋ akilo akiirar atemar iwuapito ŋidwe kaŋ ŋuna a kire.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.