Ŋitic. 11:14 - Ebaibul

¹⁴ Ikilimokini iŋes iyoŋ ŋakiro ŋuna iunor iyoŋ kaapei ka ekal kon daadaŋ.’

Ŋitic. 11:14 Iomraidhean Croise

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 112:2

Eruwor ŋipapae kec ŋulu eyakatar apedor anakwapin; iterereŋio anyamet a ŋulu iyookino.

Ŋakit. 20:7

Iboi ituŋanan ŋini iyookino anakiyar a ŋina emam ŋuna itoroniyaritere, ido eryamunete ŋidwe a ituŋanan a ŋin ŋarereŋisyo ekaku a ikauruunan kec.

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Mar. 16:16

Ituŋanan ŋini enupi kibatisae, eiunio, nai ŋini nyenupi, etubokinio.

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Yoa. 12:50

Ayeni ayoŋ atemar akiciket keŋ iŋes eyauni lotuŋa akiyar ŋina nyedaun. Ŋuna alimuni ayoŋ, alimuni alopite a ŋolo akalimokinitor Papa.”

Yoa. 20:31

Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Yoa. 4:53

Totamu nai papa ke edya atemar kerae esaa ŋolopei kelimokinia Yesu iŋes atemar, “Eyari lokoku kon.” Apotu nai iŋes ka ŋituŋa keŋ tonupa.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Yoa. 6:68

Toboŋok Simoni Petero iŋes tema, “Ekapolon, neni a ŋae ikilosi? Iyakar iyoŋ ŋakiro ŋuna ka akiyar a ŋina nyedaun.

Ŋitic. 10:2

Arae iŋes ekile ŋolo ainakina neni ka Akuj, ŋolo akerit ekal keŋ daadaŋ Akuj. Epotonori iŋes lokulyak ŋainakineta ŋuna alalak, kilipenenee iŋes Akuj ŋirwa daadaŋ.

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋitic. 10:43

Iteyenunito ŋikadwarak daadaŋ aŋuna keŋ atemar, ŋini daadaŋ enupi Yesu, isyoniyo ŋasecisya keŋ alokiro a Yesu.”

Ŋitic. 10:6

Iboi iŋes alore a Simoni, a ŋolo emanyimanyan ŋilowi a ŋityaŋ. Eyai ere keŋ diyete anam.”

Ŋitic. 11:13

Ikitatamik iŋes isua epite ŋolo keanyuwaritor iŋes emalaika ewuoi alokai keŋ ebala, ‘Kiyakiya ŋikilyok Yoppa, tonyaraut Simoni ŋolo erae Petero.

Ŋitic. 16:15

Ani kibatisae iŋes kaapei ka ŋituŋa ŋulu ke ekal keŋ, itodyek isua tema, “Ani kire kitamete iyes atemar arae ayoŋ akanupan ŋina ke Ekapolon, potu kiboiyoto alokai kaŋ.” Abu iŋes ikitacamu isua alosit ka iŋes.

Ŋitic. 18:8

Tonupa nai ekapolokiniton esinagoga ŋolo arae ekiro keŋ Kirispo ka ekal keŋ daadaŋ Ekapolon Yesu. Ani iirarete ŋituŋa ŋulu alalak ŋulu alo Korinto ŋakiro ŋun, tonupa, kibatisae.

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

1 Ŋikor. 1:16

(Ikwa kire abu ebatisa tari ŋituŋa a Stepana; nyayeni erae kebatisat icetuŋanan.)