Ŋitic. 10:4 - Ebaibul

⁴ Kitek Kornelio emalaika ekuryanit, kiŋit tema, “Ekapolon, nyo?” Toboŋok emalaika iŋes tema, “Acamu Akuj akilip kon ka ŋainakineta kon lokulyak ka ikitamu iŋes iyoŋ.

Ŋitic. 10:4 Iomraidhean Croise

2 Ŋakiro a ŋirwa 32:24

Ŋirwa ŋul, abu Esekia todyakakin edeke ŋolo adikino eari. Abu iŋes kilip neni a Ekapolon, ido abu Ekapolon toboŋok akilip keŋ, kitiya akujuwuanut, kitaŋaleu iŋes.

2 Ŋakiro a ŋirwa 6:33

ekelipit kiira anakuj aneni erae akibois ŋina iboiyo iyoŋ akilip kec, ido kitiya lopite daadaŋ ŋolo ikinyaritotor iyoŋ ŋigelaanot ŋul, ikotere ŋituŋa daadaŋ anakwap eyenunete ekiro kon ka ikikerete iyoŋ, lopite ŋolo ikikeritotor ŋituŋa kon Ŋisirael. Ŋakiro ŋun nai iteyenikinitere ŋituŋa atemar adaun akituruwor Akai ŋina adau ayoŋ akiduk ŋinakilipet neni kon.

Ŋikiru. 141:2

Tocamu akilip kaŋ lopite ŋolo icamunia iyoŋ eure ke ekinyate ŋolo abobon; tocamu akikyaarit kaŋ ŋakan kaŋ lopite ŋolo icamunia iyoŋ amuronot ŋina ka ataboŋ.

Ŋikiru. 20:3

Elipi atemar tocamu iŋes ŋainakineta kon daadaŋ, elipi tocamu iŋes ŋainakineta kon ŋuna epeyo.

Isa. 43:26

Kisitakinae ayoŋ, apena loikiiko; tolimutu ŋakiro kus, ikotere eyenunere atemar iyookino iyes.

Isa. 45:19

Nyirworo ayoŋ anakimunono, nyirworo ayoŋ anakwap a ŋina ka akiryonut; nyelimokina ayoŋ ŋiletok a Yakob ebe, “Kiwarae ayoŋ aneni nyaryamunor.” Ayoŋ Ekapolon, erworo ŋuna a kire, alimuni ayoŋ ŋakiro ŋuna iyookino.

Dan. 10:11

Kirworik nai emalaika neni kaŋ tema, “Okoe Daniel irae iyoŋ ituŋanan ŋini ikimina Akuj nooi, topupok ejok ŋakiro ŋuna alosi ayoŋ alimokin iyoŋ. Towo, anerae ekeyakuunitae ayoŋ neni kon.” Ani eriŋa emalaika irworo neni kaŋ, abu ayoŋ onyou owo amarani.

Ŋilep. 2:2

ido nai yau inak ŋidwe ka Aron ŋulusapa ŋul ŋulu erae ŋisacaradotin. Emaikina esacaradoti tomuk ŋakirya ŋun ileleba akan imoriunit ka akimyet ta ekinyate daadaŋ, ido kicuny alokidiama namuroet ikwapei ainakinet ŋina epeyo ŋina etamunitae ŋina ebob eure keŋ aneni ke Ekapolon.

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Mat. 26:13

Akalimokini ayoŋ iyes kire atemar, neni daadaŋ anakwap itatamere Ŋakiro ŋuna Ajokak nu, elimoryo tari ŋuna etiya aberu na, aŋuna ka atamunitor iŋes.”

Luk. 1:29

Tosuri etau a Maria nooi totamatama ebala, “Okoe, alimalas lo?”

Luk. 24:5

Tobul ŋaberu nooi kijuuroto; kiŋita ŋikilyok ŋul ikes temasi, “Kaanukiro iwaritotor iyes ituŋanan ŋini eyari lotuŋa ŋulu etwakito?

Ŋitic. 10:31

Kirworik iŋes tema, ‘Kornelio, eira Akuj akilip kon ka atamu daŋ ŋainakineta kon lokulyak.

Ŋitic. 14:9

Apupi iŋes Paulo irworo. Kitek Paulo iŋes, ani keanyuwa atemar eyakar anupit akitaŋaleuno,

Ŋitic. 22:10

Eŋit ayoŋ otema, ‘Nyo itemokino ayoŋ etiya, Ekapolon?’ Tema Ekapolon neni kaŋ, ‘Tonyou toloma Damasko, ikilimokinio iyoŋ aina ŋakiro daadaŋ ŋuna aseu Akuj atemar kitiya iyoŋ.’

Ŋitic. 3:4

Kitekis Petero ka Yoana iŋes, tolimu Petero tema, “Kiŋolikinae isua!”

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

Akis. 8:4

Tolot apuru ŋina ke ekinyate ka ŋakilipasinei ŋuna a ŋituŋa a ŋulu ka Akuj kidiama anakan a ŋina ke emalaika a ŋolo awuoi alokiŋaren Akuj.

1 Sam. 3:10

Abu nai Ekapolon bu towo a nen, tonyara ikwapei sek anyarar ebe, “Samuel, Samuel!” Tema nai Samuel, “Kirworik Ekapolon, anerae apupi ayoŋ ŋolo arae eketiyan kon. ”