Ŋitic. 10:34 - Ebaibul

³⁴ Togeu Petero erwor tema, “Tokona ayenu ayoŋ kire atemar nyetyakatyakat Akuj ŋituŋa;

Ŋitic. 10:34 Iomraidhean Croise

2 Ŋakiro a ŋirwa 19:7

Tocamutu tokona akitopoloorit Ekapolon alotai kus; totamete ejok anakiro a ŋuna itiyaete iyes, anerae aneni ke Ekapolon Akuj yok, emam amodyanakin kori, ariit neni a ŋice, kori ŋakaluŋuluŋui.”

Yob 34:19

Ŋini nyeriito ka ŋikepukak, kori nyemina ŋikabarak akilo ŋikulyakanotin, anerae erae ikes daadaŋ ŋisubuna keŋ a?

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Mat. 5:2

kisyak nai iŋes akitatam ikes ebala,

Luk. 20:21

Tolimokis ŋibekae ŋul Yesu temasi, “Eketataman, ikiyeni isua atemar iyookino ŋakiro ŋuna irworo iyoŋ ka ŋuna itatami daŋ. Nyimisit iyoŋ kepol ituŋanan kori kemam, nai itatami iyoŋ ŋuna a kire ŋuna ka Akuj alopite a ŋolo iyookino.

Ŋitic. 10:33

Aŋun, abu ayoŋ atipei eyaki ŋikilyok aomun iyoŋ, ka ajokyar ibu iyoŋ. Ikiya tokona isua daadaŋ ne kiŋaren Akuj, akiirar ŋuna daadaŋ adau Ekapolon akicikakin iyoŋ.”

Ŋitic. 15:9

Abu nyiwuak atyaketait kidiŋ yok ka ikes, nai abu kitesegu ŋitai kec anakisyon ŋasecisya, anerae apotu tonupa.

Ŋitic. 8:35

Kirworik nai Pilipo, togeu a Nakigireta a ŋunapei a ŋun, tolimonok iŋes Ŋakiro ŋuna Ajokak ŋuna a Yesu.

Ŋirom. 2:11

Anerae, nyetyakatyakat Akuj ŋituŋa.

Ŋirom. 3:29

Erae mono Akuj ŋina a Ŋiyudayan bon a? Meere mono iŋes Akuj a ŋituŋa a ŋulu nyerae Ŋiyudayan daŋ a? Ee, erae iŋes Akuj a ŋulu nyerae Ŋiyudayan daŋ.

Ŋigal. 2:6

Nai ikes ŋulu asibito ŋikarikok, apotu nyakalimokis ayoŋ ŋakiro ŋace ŋuna kitet. (Aneni kaŋ, nyerae ikes ŋikarikok, aŋuna ke epite a ŋolo paaran ayakatar ikes; anerae nyetubonokini Akuj aŋuna ke etakane.)

Ŋiep. 6:9

Ŋikapolok, totiŋito ŋipi kus ikwaŋinapei, lopite ŋolo ejok alokiŋaren Ekapolon; tojoŋoto akitukuryan ikes. Toyenete atemar iraakasi iyes ka ŋipi kus ŋulu ke Ekapolon a epei a ŋolo eyai nakuj, a ŋolo etubonokini ŋituŋa daadaŋ alopite a epei, emam atyakatyak.

Ŋikis. 1:17

Nyemaikina iyes iriito ka ituŋanan ipei apaki ŋina itubioto iyes ŋakiro, totubo ŋakiro eriyan aŋuna a ŋulu itopolooritae ka ŋulucaryo, nyemaikina ituŋanan idio ikitukuryan iyes, anerae erae atubokinet ŋina ka Akuj. Ŋakiro ŋuna egogoŋ iyes akitub iyautu neni kaŋ, ido opupok ayoŋ.’

Ŋikis. 10:17

anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

Ŋikol. 3:25

Ŋini daadaŋ itiyae aronis, isicanio emam atyakatyak aŋuna a ŋakiro a ŋuna aronok a ŋuna itiyae iŋes.

Yak. 2:1

Ŋikaitotoi kaŋ, ikwapei iraakatar iyes ŋikanupak ŋulu ke Ekapolon yok a Yesu Kristo, ŋolo erae Ekapolon ka apolou, nyitemokino iyes atyakatyak ŋituŋa.

Yak. 2:4

nyeruworo nai iyes ŋulu ityakatyaka alokidiŋ kus ka nyeruworo ŋikatubok alopite a ŋolo aronon a?

Yak. 2:9

Nai ani kityakatyakato iyes ŋituŋa, isecito iyes ka ikitubokinete iyes Ŋikisila ikwa ŋulupei ebilito ekisil.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.