Ŋitic. 10:32 - Ebaibul

³² Aŋun, kiyakiya ŋikilyok Yoppa toryamut Simoni ŋolo erae Petero. Iboi iŋes alore a Simoni a ŋolo emanyimanyan ŋilowi a ŋityaŋ. Eyai ere keŋ diyete anam.’

Ŋitic. 10:32 Iomraidhean Croise

2 Ŋakiro a ŋirwa 2:16

Etubunio isua ŋakito daadaŋ ŋuna icamit iyoŋ alo Lebanon, yaunae neni kon eeniyanara. Iwokunete ŋakipi a anam ŋakito ŋun tari Yopa, ido ya iyoŋ ikes a nen tari Yerusalem.”

Mika 4:2

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes; anerae Sion iŋes elomuniata ŋikisila, ido, Yerusalem iŋes elomunia akirot ke Ekapolon.”

Yoa. 18:28

Ani taparacu iwali akwap, torikosi ikes Yesu alokai a Kaipa tari kai ŋina apolon ŋina ke ekapolon a Ŋiromanin, a ŋolo anyaritae Pilato. Nyelomasi ŋikarikok ŋulu a Ŋiyudayan tooma akai ŋin, anerae pa acamito ikes amunaar asegis kec aŋuna ka akimuja ŋasuban ŋuna a Paska.

Yoa. 4:9

Kiŋit Asamaritanoit ŋin Yesu tema, “Kaanukiro iŋitar iyoŋ ŋolo irae Eyudayat ŋakipi aneni kaŋ orae ayoŋ Asamaritanoit?” (Alimuni iŋes ikoŋina, anerae pa acamanara Ŋiyudayan ka Ŋisamaritayon.)

Ŋitic. 10:31

Kirworik iŋes tema, ‘Kornelio, eira Akuj akilip kon ka atamu daŋ ŋainakineta kon lokulyak.

Ŋitic. 10:33

Aŋun, abu ayoŋ atipei eyaki ŋikilyok aomun iyoŋ, ka ajokyar ibu iyoŋ. Ikiya tokona isua daadaŋ ne kiŋaren Akuj, akiirar ŋuna daadaŋ adau Ekapolon akicikakin iyoŋ.”

Ŋitic. 10:5

Tokona kiyakiya ŋikilyok ŋidi Yoppa, tonyaraut Simoni ŋolo erae Petero.

Ŋitic. 11:14

Ikilimokini iŋes iyoŋ ŋakiro ŋuna iunor iyoŋ kaapei ka ekal kon daadaŋ.’

Ŋitic. 11:3

“Kaanukiro ilosyo iyoŋ lotuŋa ŋulu nyileŋeritae, akimuj ka ikes?”

Ŋitic. 15:7

Ani kepeganakinosi ikes apaki ŋina aoyan, tonyou Petero tema, “Ŋikaitotoi kaŋ, iyenete iyes atemar abu koloŋ Akuj okoseu ayoŋ alokidiŋ kus alimonokin Ŋakiro ŋuna Ajokak lotuŋa ŋulu nyerae Ŋiyudayan, ikotere iirarete, tonupa.

Ŋitic. 16:9

Akoloŋit ŋin nakwaare, bu atakanikinet neni a Paulo: awoi ekile ŋolo alo Makedonia edyekit iŋes ebala, “Bua Makedonia, ikiŋarak isua!”

Ŋitic. 9:43

Kiriya Petero ŋirwa ŋulu alalak alo Yoppa, iboi aneni a Simoni, a ŋolo emanyimanyi ŋilowi a ŋityaŋ.

Ŋitic. 9:6

Nai tokona, tonyou toloma lotaun itolimokin ŋuna itemokino iyoŋ kitiya.”