Ŋitic. 10:28 - Ebaibul

²⁸ Tolimok ikes tema, “Iyenete iyes ŋilopeyek epite ŋolo italeere ituŋanan ŋini Yudayat akipeyokin kori arukit ka ituŋanan ŋini gela. Nai eketoodik Akuj ayoŋ atemar nyitemokino abala idiotuŋanan erono kori nyeseg.

Ŋitic. 10:28 Iomraidhean Croise

Isa. 65:5

a ŋituŋa a ŋulu ebasi, “Kiboi bon ai na, nyibu diyete kaŋ, anerae aseg ayoŋ nooi akilo iyoŋ.” Erae ŋituŋa ŋulu ikote ŋul ŋikoŋinae aneni kaŋ ikwaan ka apuru a ŋikumes, ikwaan ka akim ŋina enoki apaaran daadaŋ.

Mar. 7:2

apotu toanyuwasi ŋikasyomak a Yesu ŋice imujete a ŋakan a ŋuna pa elotot lopite ŋolo elosyata Ŋiparisayon.

Luk. 18:11

“Towo Eparisayot kilip nenipei keŋ bon tema, ‘Akuj, alakara ayoŋ neni kon, anerae nyikikwaan ayoŋ ka ŋituŋa ŋuluce, ŋikademanarak, ŋikokolak, ŋikalomak, kori daŋ ikwa ekeriran ocur ŋol.

Yoa. 18:28

Ani taparacu iwali akwap, torikosi ikes Yesu alokai a Kaipa tari kai ŋina apolon ŋina ke ekapolon a Ŋiromanin, a ŋolo anyaritae Pilato. Nyelomasi ŋikarikok ŋulu a Ŋiyudayan tooma akai ŋin, anerae pa acamito ikes amunaar asegis kec aŋuna ka akimuja ŋasuban ŋuna a Paska.

Yoa. 4:27

Ŋinapeipaki, todolut ŋikasyomak keŋ, toumokis eryamunete Yesu irworosi ka aberu. Nai emam idio daŋ ŋini abu kiŋit tema, “Nyo iitanit iyoŋ?” kori “Nyo irworotor iyoŋ ka aberu na?”

Yoa. 4:9

Kiŋit Asamaritanoit ŋin Yesu tema, “Kaanukiro iŋitar iyoŋ ŋolo irae Eyudayat ŋakipi aneni kaŋ orae ayoŋ Asamaritanoit?” (Alimuni iŋes ikoŋina, anerae pa acamanara Ŋiyudayan ka Ŋisamaritayon.)

Ŋitic. 10:29

Aŋun, ani akaomunio ayoŋ, abu nyawou. Eŋita nai ayoŋ ŋakiro ŋuna ikinyaritotor iyes ayoŋ.”

Ŋitic. 11:9

Nai kirworik nabo etoil anakuj tema, ‘Ibore ŋini etesegu Akuj, nyitemokino iyoŋ ibala nyeseg.’