Ŋitic. 1:7 - Ebaibul

⁷ Tolimok Yesu ikes tema, “Etubunit Akuj Papa ŋirwa ka ŋapakio keŋ. Nyerae ŋuna kus ayenut ŋuna itemokinit iŋes anapedor keŋ.

Ŋitic. 1:7 Iomraidhean Croise

Yob 24:1

“Kirworik nai Yob tema, Kaanukiro nyiwuakinitor Akuj ŋina etiron apaki ŋina etubio ŋakiro a ŋituŋa? Kaanukiro nyiteoto ŋulu eyenete Akuj ŋirwa ŋul?

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Mat. 20:23

Tolimok Yesu ikes tema, “Kire imasete ekopo kaŋ, nai ŋuna ka akiboikin teten ka kedyany kaŋ, nyerae apedor kaŋ ainakin. Erae ŋakiboisyo ŋun ŋuna a ŋulu eseunit Papa kaŋ.”

Mat. 24:36

“Nai ŋuna ka akoloŋit a ŋin, kori ke esaa a ŋol, emam ituŋanan eyeni, nyeyenete tari ŋimalaikan ŋulu anakuj, kori tari Lokoku, nai mati Papa bon.

Mar. 10:40

Nai akiboikin teten kori kedyany kaŋ, meere ayoŋ aseuni, anerae erae ŋiwaetin ŋul ŋulu a ŋulu eseunit Akuj.”

Mar. 13:32

“Nai, ŋuna ka Akoloŋit a ŋin, kori ke esaa a ŋol, emam ituŋanan eyeni, nyeyenete tari ŋimalaikan ŋulu ka Akuj, kori Lokoku daŋ, nai mati Papa bon.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋiep. 1:10

Irikakini Akuj alosikinet ŋin apaki ŋina itemokinor. Alosikinet ŋin, iŋes acunakin ŋisubuna daadaŋ iwapei, ibore daadaŋ ŋini eyai nakuj ka ŋini eyai kwap, ido toruwor Kristo Ekapolon kec.

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

1 Tim. 6:15

Eyauni Akuj atakanun ŋina a Yesu Kristo anapaki a ŋina itemokino, Akuj ŋina erereŋ ka ŋina erae iŋes bon erae Ekapolon, Erwosit ŋolo a ŋirwosi ka Ekapolon ŋolo a ŋikapolok.

2 Tim. 3:1

Totamunite rika atemar eyakaunosi ŋarwa ŋuna a ŋatyokisyo, ŋirwa ŋulu esidyok.