Ŋitic. 1:26 - Ebaibul

²⁶ Kilamilama ikes ŋamoru ŋuna egiritae ŋirorwa, kilo ekiro a Matia; toseunae nai iŋes kimorikinae Lokiyakia ŋulutomon ka epei.

Ŋitic. 1:26 Iomraidhean Croise

1 Ŋakiro a ŋirwa 24:5

Aponi ikes totyakae emam ŋini ariit neni a ŋice, kisitiyae akilamilam, anerae amaikina toryamunae ŋikarikok ŋulu ka akibois a ŋina asegan ka ŋikarikok ŋulu ke etic ka Akuj alopapae ke Eleasar ka Isamar.

Neem. 10:34

Adaun daŋ isua ŋisacaradotin, ŋilepi ka ŋituŋa ŋuluce akilamilam aŋuna a ŋainakineta a ŋakito, ikotere eyeununio ateker ŋina emaikina yau ŋakito alotooma apaki ŋina etubokinitae ikes a ŋolokaru; emaikina yaunae ŋakito ŋun Kai ka Akuj aŋuna ka akinokia akim alokidiama Namuroet a Ekapolon kosi, lopite ŋolo igiritere lokisila.

Neem. 11:1

Apaki ŋin eboiyete ŋikarikok a ŋituŋa alo Yerusalem, ido apotu ŋituŋa ŋuluce kilamilama aŋuna ka ayaun ituŋanan ipei alotooma ŋitomon akiboi alo Yerusalem, alotaun a ŋolo asegan, kidoŋo ŋituŋa ŋikanikaomwon alotooma ŋitomon akiboi alotaunio a ŋuluce.

Ŋakit. 16:22

Erae aosou eitanit ŋolo ka akiyar a ituŋanan a ŋini eyakar aosou, nai erae abaŋao akisicanet ŋina a ŋibaŋaanotin.

Ŋakit. 16:33

Ilamilamakini ituŋanan ŋamuk alodiyete ŋamuroi keŋ, nai ŋuna itamunete ŋamuk, erae Ekapolon isiyookini.

Ŋilep. 16:8

Emaikina iŋes kilamilam a nen aŋuna a ŋikorwa a ŋul, apeimukat erae aŋuna ke ekore a ŋolo ke Ekapolon ka ŋinace erae aŋuna ke ekoroe a ŋolo ka Asasel.

Yona 1:7

Kirworiut ŋikametok ameeli make temasi, “Ocunakin elamilama ikotere ikiyanyuni ŋini ebunitor aronis na neni yok.” Kilamilama ikes toryamut erae Yona kebunitor aronis ŋin neni kec.

Mar. 6:30

Toboŋosi Ŋikiyakia neni a Yesu, tolimokis iŋes daadaŋ ŋuna kepotu ikes kitiyata ka kitatama.

Ŋitic. 1:23

Aponi nai tolimunoe ŋikilyok ŋiarei: Yosepu ŋolo anyaritae Barisaba (ŋolo arae ekiro keŋ ece Yusito) ka Matia.

Ŋitic. 13:19

Abu iŋes kilou ŋakwapin ŋakanikaarei alo Kanaan, ido inak ŋituŋa keŋ akwap a ŋituŋa a ŋul, kituruwo ŋina kec.

Ŋitic. 2:14

Abu Petero towua ka Ŋikiyakia ŋuluce ŋulutomon ka epei, tosodi tocelu tema, “Ŋituŋa ŋulu a Yudeya ka iyes daadaŋ ŋulu iboiyete alo Yerusalem, toyenutu nu ka topupokisi ŋakiro kaŋ kojokan!

Yos. 14:2

Aponi ŋikabilae ŋulu apiyanuna ŋulu arae ŋikanikaomwon ka atutubet tokorakinae ŋalup anakilamilam ikwaŋina kicikitor Ekapolon Moses.

Yos. 18:10

Kilamilam nai Yosua aŋuna kec alokiŋaren Ekapolon alo Silo. Arae Silo akorya Yosua akwap neni a Ŋisirael a ŋikabilae kec.

Akis. 21:14

Adukokinitae arwatata ŋina ke etaun a ŋol namoru ŋunatomon ka ŋaarei ŋuna ka akisyakinet, ŋuna egiritae ŋirorwa ŋulu a Ŋikiyakia a ŋulutomon ka ŋiarei a ŋulu a Imesek.