Ŋitic. 1:13 - Ebaibul

¹³ Ani kelomut ikes lotaun, toloto todokasi nagule ŋina ayai kidiama, neni eboiyoto ikes; araakasi ikes Petero, Yoana, Yakobo, Anderia, Pilipo ka Tomas, Batolomayo ka Matayo, Yakobo lokoku ka Alipayo, Simoni ŋolo arae Eseletoit ka Yuda lokoku a Yakobo.

Ŋitic. 1:13 Iomraidhean Croise

Mat. 9:9

Torotok Yesu a nen; ani eriŋa elosi alorot, toanyuwa ekile ŋolo anyaritae Matayo iboi anapis a ŋina atacere ocur. Tolimok Yesu iŋes tema, “Kiwuapakinae ayoŋ.” Tonyou Matayo, kiwuapak Yesu.

Mar. 14:15

Ikitoodikini iŋes iyes agule ŋina eyai kidiama, ŋina itemokino ŋiboro daadaŋ ŋulu iitana. Kitemokis nen ejok aŋuna yok.”

Mar. 14:33

Torukosi Yesu ka Petero, Yakobo ta Yoana. Togeu iŋes akiil ka kiyaloloŋ,

Mar. 2:14

Ani elosi iŋes alorot, toanyuwa ekeriran ocur ŋolo anyaritae Lepi, lokoku ka Alipayo, iboi anapis a ŋina etacere ocur. Tolimok Yesu iŋes tema, “Kiwuapakinae ayoŋ”. Tonyou nai Lepi, kiwuapak Yesu.

Mar. 5:37

Nyecamak Yesu idiotuŋanan arukor ka iŋes, mati Petero ka Yakobo ta Yoana lokaato a Yakobo.

Mar. 9:2

Kelunyar ŋirwa ŋikanikapei, ya Yesu Petero, Yakobo, ta Yoana, todokasi ikes make kidiama emoru ŋolo aoyan. Kilocokin akuwan keŋ alokiŋaren kec.

Luk. 22:12

Ikitoodikini iŋes iyes agule ŋina eyai kidiama ŋina aloloman ŋina esubakinitae, kitemokis ibore daadaŋ a nen.”

Yoa. 11:16

Abu Tomas (ŋolo anyaritae Emuut) tolimok ŋikasyomak ŋuluce tema, “Apena iwon daŋ orukosi ka Eketataman, otwaka kaapei.”

Yoa. 14:22

Abu Yuda (meere Yuda Isikariot) kiŋit Yesu tema, “Ekapolon, ikokini iyoŋ isileereun neni kosi, nai meere lotuŋa ŋulu ka akwap ai?”

Yoa. 18:17

Kiŋit apese ŋin Petero tema, “Meere iyoŋ daŋ epei alokasyomak ke ekile a ŋol a?” Toboŋok Petero tema, “Meere.”

Yoa. 21:2

Ayakasi ŋituŋa lu iwapei: Simoni Petero ka Tomas (ŋolo anyaritae Emuut), Nasaniel (ŋolo a Kana anakwap a ŋina a Galileya), kaapei ka ŋidwe a Sebedeo ŋulusapa, ta ŋikasyomak a Yesu ŋice ŋiarei.

Ŋitic. 12:17

Kikia iŋes akan keŋ akisililiŋ ikes, ido kitatamik ikes epite ŋolo ayaunia Ekapolon iŋes alomabus. Tolimok iŋes ikes tema, “Tolimokisi nugu neni a Yakobo ka lokaitotoi.” Torotok nai iŋes, tolot iwace.

Ŋitic. 15:13

Ani kedaut ikes erwor, kirworik Yakobo tema, “Ŋikaitotoi, topupokinae ayoŋ!

Ŋitic. 2:14

Abu Petero towua ka Ŋikiyakia ŋuluce ŋulutomon ka epei, tosodi tocelu tema, “Ŋituŋa ŋulu a Yudeya ka iyes daadaŋ ŋulu iboiyete alo Yerusalem, toyenutu nu ka topupokisi ŋakiro kaŋ kojokan!

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 20:8

Ayakasi ŋitaae ŋulu alalak nagule ŋina alokidiama, ŋina ikitukokina isua.

Ŋitic. 4:13

Toumok Atukot iŋolikini atitinyu a Petero ka Yoana, a ŋulu tari pa asyomito ka torae ŋikoŋinae ka toyenut daŋ atemar arae ikes ŋirukitos a Yesu.

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

1 Ŋikor. 15:7

Ekaku nai, abu kitoodikin neni a Yakobo ka neni a Ŋikiyakia a ŋuluce a daadaŋ.

Ŋigal. 1:19

Nai emam ekiyakia ece ŋolo abu ayoŋ oanyu a nen, mati Yakobo lokaato ke Ekapolon Yesu.

Ŋigal. 2:9

Apotu Yakobo, Petero ka Yoana, ŋulu asibito ŋipirin a Ŋikristo, toyenut atemar kebu Akuj okoinak ayoŋ ajokis ŋinakitiyaet etic ŋolo apolon lo; aŋun, apotu ikes tonyout otiŋakinos ka ayoŋ ka Baranaba ŋakan ŋuna aloteten, kitoodiu nen atemar ikirae isua ka ikes ŋipei. Tocamunetei atemar etiyata ayoŋ ka Baranaba alokidiŋ ŋituŋa ŋulu nyerae Ŋiyudayan, ido kitiyata ikes alokidiŋ Ŋiyudayan.

Yak. 1:1

Ayoŋ Yakobo eketiyan ŋolo ka Akuj ka ŋolo ke Ekapolon Yesu Kristo, emalae ŋatekerin ŋunatomon ka ŋaarei ŋuna a ŋituŋa a ŋulu ka Akuj, a ŋulu ielakina nakwapin daadaŋ.

2 Yoa. 1:1

Abaruwa aneni ke ekatukon, neni a toto a ŋina seuna ka ŋidwe keŋ ŋulu amina ayoŋ kire. Meere ayoŋ bon, ikiminasi iyes daadaŋ ŋulu eyenete ŋuna a kire;

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo: