Ŋitic. 1:10 - Ebaibul

¹⁰ Ani eriŋa ikes ireorito kidiama eyaaryo iŋes, apotu ŋikilyok ŋiarei towua alodiye kec, enapito ŋilowi ŋulu akwaŋak kya

Ŋitic. 1:10 Iomraidhean Croise

2 Ŋirw. 2:10

Tolimok Eliya iŋes tema, “Iŋita iyoŋ ibore ŋini agogoŋon, nai ani kikiŋolik iyoŋ ayoŋ apaki ŋina akayaarere aneni kon, ikiinakinio iyoŋ apedor ŋin, ani ca pa kikiŋolik, nyepedor.”

Dan. 7:9

“Ani eriŋa ayoŋ ete, aponi kiwuakinae nen ŋikicoloŋo ŋulukipukaet, ido abu ŋolo iboit ŋikaru ka ŋikaru kiboikin lokicoloŋ keŋ, akwaŋak ŋilowi keŋ ekwaan ka ŋalepan, akwaŋak ŋitim a akou keŋ ekwaan ka ŋajul a ŋamesekin a ŋuna ekwaŋak kya. Acai ekicoloŋ keŋ ekwaan ka arira a akim ka acai neni irimi anakejen a ekicoloŋ keŋ ekwaan ka akim ŋina enepi.

Mat. 17:2

Kilocokin akuwan keŋ alokiŋaren kec, tocau ereet keŋ ikwa akoloŋ ka tokwaŋiata ŋilowi keŋ ikwa akica.

Mat. 28:3

Anoki iŋes ikwa akimilyaunet ka akwaŋ elou keŋ kya ikwa ŋalepan.

Mar. 16:5

Toloto jik, ani elomarete ikes nalyal, toanyuwasi ekile ŋolo sorokit iboi alowae a ŋolo aloteten, enapit elou ŋolo akwaŋan kya. Tobul ikes nooi.

Luk. 24:4

Ani eriŋa ikes ewuasi a nen eŋayaŋayato a ŋakiro a ŋun, towua ŋinapeipaki ŋikilyok ŋiarei ŋulu anapito ŋilowi ŋulu amilimilete alodiye kec.

Yoa. 20:12

kiŋolik ŋimalaikan ŋiarei ŋulu anapito ŋilowi ŋulu akwaŋak iboiyete aneni eperikinitoe akuwan a Yesu. Eboi epei alowae a ŋolo ka akou, epei alowae a ŋolo a ŋakejen.

Ŋitic. 10:3

Akoloŋit apei eapikini ŋisaae ŋikanikaomwon ŋulu ka apaaran, toanyuwa iŋes atakanikinet, kiŋolik emalaika ŋolo ka Akuj ileere ebunit neni keŋ, tolimok iŋes tema, “Kornelio!”

Ŋitic. 10:30

Toboŋok Kornelio tema, “Ŋirwa ŋiuni ŋulu alunyarosi, elipi ayoŋ alokai kaŋ ŋisaae ŋikanikaomwon ŋulu ka apaaran--arae esaa lopeilo. Apaki ŋinapei ŋin, onaŋakin ekile ŋolo anapit ŋilowi ŋulu amilimilete ewuoi alokiŋaren kaŋ.

Akis. 3:4

Nai eriŋa iyoŋ iyakar ŋituŋa ŋidi Sardis ŋulu nyitooŋoryana ŋilowi kec ka asecit. Epote ikes akiruk ka ayoŋ enapito ŋilowi ŋulu akwaŋak, anerae itemokino ikes ikokinete nen.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.