Ŋirom. 9:8 - Ebaibul

⁸ Iŋes atemar meere ŋidwe daadaŋ ŋulu anakuwan keŋ erae ŋulu ka Akuj, nai ŋulu idounitoe anakiikinet a ŋina ka Akuj bon ikes erae ŋiletok ŋulu a kire.

Ŋirom. 9:8 Iomraidhean Croise

Akisy. 31:15

Ikimarit iŋes isua ikirae ŋagelaanotin, anerae adau iŋes akipotor isua, ido erika ŋisiliŋa ŋulu ainio iŋes aŋuna kosi.

Ŋikiru. 22:30

Itiyanakinete iŋes ŋanyameta daadaŋ ŋuna eponito, elimonokinio ŋanyameta daadaŋ ŋuna eponito ŋakiro ke Ekapolon.

Ŋikiru. 87:6

Igiri Ekapolon apaki ŋina igirya ŋituŋa ebe, “auruunio en alo Sion.”

Mat. 3:9

Nyitamete alotai kus atemar, ‘Erae Aburaam papa kosi.’ Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!

Yoa. 1:13

Pa aruworosi ikes ŋidwe ŋulu ka Akuj alopite a ŋolo sek euriyere ŋituŋa, anagogoŋu ka anacamit a ituŋanan, nai Akuj alope iŋes abu kituruwo ikes ŋidwe keŋ.

Ŋirom. 8:14

Ŋituŋa daadaŋ ŋulu erikit Etau ŋolo ka Akuj, ikes erae ŋidwe ŋulu ka Akuj.

Ŋirom. 8:16

Imorikin Etau ŋolo ka Akuj ka ŋitai yok alimor atemar ikirae iwon kire ŋidwe ŋulu ka Akuj.

Ŋirom. 8:19

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

Ŋikis. 14:1

Iraakasi iyes ŋidwe ŋulu ke Ekapolon Akuj kus. Nyiduŋuduŋoto ŋawat kus, kori nyibanya ŋireetin kus aŋuna a ŋikatwak,

Ŋibur. 11:11

Anupit iŋes aruworor Aburaam papa tari ŋina abunio iŋes tomojoŋia nooi daŋ ka Sara daŋ pa auri. Ayeni Aburaam atemar Akuj ŋina adau akiikin, erae ŋina ikinyoma.